Diver na sinunggaban ng pating, naiwang pangil, ginawang hikaw

ni Cedrick R. Lasala @Gulat Ka 'No?! | Nov. 12, 2024

Isa ka rin ba sa mga taong vitamin sea ang tingin sa karagatan? 

Kung oo ang sagot mo, hanggang saan mo kaya protektahan ang iyong sarili kung ikaw ay sakaling makatagpo ng isang malahiganteng pating sa karagatan? 

Kakayanin mo bang tapatan ang lakas ng pating at ang mga naglalakihan nitong pangil?

Ang ating bansa ay napaliligiran ng karagatan, kaya naman normal na sa atin ang makatanggap ng balita na may namataang pating na sakop ng ating teritoryo. 

Ngunit isang kakaibang karanasan ang naranasan ng isang diver na mula sa bansang South Africa na si Angus Kockott, 20 anyos. Kaya ano pang hinihintay n’yo besh? Halina’t basahin natin ang kanyang kuwento. 

Kalmado pa ang karagatan bago bumaba si Angus mula sa bangkang kanyang sinasakyan, habang sila ay pailalim nang pailalim, ang tangi lamang nilang nakikita ay ang mga maliliit na isda at ang naggagandahang corals sa ilalim. 

Subalit, laking gulat ni Angus nang may matanaw siyang isang pating at bigla na lamang siya nitong inatake. 

Agad na ipinangdepensa ni Angus ang kanyang braso upang hindi makagat ang kanyang leeg, at dali-dali siyang umahon pabalik sa bangkang kanyang sinasakyan. 

Sinubukan din ni Angus na iligaw ang pating, dahil sinundan pa siya nito. 

Agad naman siyang ni-rescue ng Military Aircraft patungo sa Tahiti Hospital. 

Matapos ang halos anim na oras ng kanyang operasyon, kinumpirma ng mga doctor na may nakuhang naputol na pangil mula sa sugat ni Angus sa kanyang braso. 

Ayon kay Angus, kung hindi niya ipinangdepensa ang kanyang braso, tiyak na mapupuruhan ang kanyang leeg. 

Samantala, ang pangil na nakuha sa sugat ni Angus ay ginawa niyang hikaw. 

“It’s been a defining experience in my life, and that’s why I got the tooth made into an earring,” pagbabahagi niya. 

Matapos ang tatlong linggo na pamamalagi ni Angus sa Tahiti Hospital, agad siyang lumipad patungo sa kanyang tahanan sa South Africa. 

Du’n na niya umano ipagpapatuloy ang kanyang therapy at nerve treatments sa mga sugat na kanyang natamo.

Batay kay Angus, hindi niya masisisi ang pating matapos ang peligro na kanyang naranasan dahil alam niyang may kinalaman ito sa teritoryo.  

Once na maka-recover siya, nais muli ni Angus na makabalik sa karagatan at makapag-dive muli. 

Ang earring na suot ni Angus ay simbolo na isa siyang survivor mula sa kamatayan. 

Isa lamang ito sa mga kakaibang kuwento na kung saan ay nakaligtas ang biktima mula sa hagupit ng pating. 

Nawa ay matutunan din natin ang rumespeto sa mga teritoryo ng bawat nilalang sa ating mundo. 

Kung nanaisin n’yo mang bumisita sa karagatan at mag-dive, siguraduhing ligtas ang paligid at huwag kalimutang mag-ingat. 

Siguraduhin din natin na may sapat tayong kaalaman kung tayo man ay may masasagupang ganitong nilalang sa karagatan. Oki? Keep safe mga Ka-BULGAR!

Iskul Scoop: Hindi na magkandaugaga? 12 stress management techniques for students

ni Jenny Rose Albason @Life & Style | Nov. 11, 2024

DEADLINE rito, deadline doon. Ganyan din ba ang kasalukuyang nararanasan n’yo? Nakaka-stress ‘no? ‘Yung halos hindi na kayo magkandaugaga sa kaka-file ng iba’t ibang project.

Kaya naman, let’s be real, — sa dami ng school requirements, deadlines, sino ba ang hindi makakaramdam ng stress? 

Kaya narito  na ang ultimate survival guide para sa mga estudyanteng gusto nang magkaroon ng peace of mind. Ready na ba kayo? Let’s go!

1. THE POWER OF “ME TIME.” Walang masama sa pagiging busy, pero huwag nating kalimutan ang ating sarili. 

Maglaan kahit 10 to 15 minutes a day para sa “me time,” — mapa-Netflix man ‘yan o quick scroll sa favorite TikTok creators mo. A little break goes a long way sa pagkakaroon ng mental reset. Tandaan, you’re not a machine! Oki?

2. POWER NAPS! Kung iniisip mong dagdag-stress ang pagtulog, nagkakamali ka! Kailangan mo rin ng power naps kahit na 10-20 minutes lang, para naman makapagpahinga rin kahit saglit ang iyong utak. It’s scientifically proven na nakakatulong ito sa memorya at focus.

At once na na-feel mong nasa zombie stage ka na, isama mo na si "pillow" sa study break mo.

3. TAMANG PLAYLIST. Playlist is life, Iskulmates! Kung hindi ka na makapag-focus, puwede ka namang maghanap ng music na magpapabuhay sa natutulog mong diwa. Huwag kang mag-alala, dahil meron namang Lofi Beats para sa chill study mode at hype music. Remember, music heals the brain at ‘wag ka, dahil nakakatanggal din ito ng bad vibes. 

4. THE “CHILL” FRIENDS CLUB. Importante ang supportive friends, lalo na kung pareho kayo ng subjects at level ng stress. 

Pero kung toxic na ang napag-uusapan n’yo at puro na lang kayo reklamo, iba na ang magiging epekto niyan sa inyo. Kaya humanap ng positive na study group na supportive at hindi dagdag-pressure sa’yo. Ika nga, “Choose people who bring out the best in you.” 

5. MASTER THE ART OF TIME BLOCKING. Kung mahilig ka sa procrastination, subukan mo ang time blocking technique. 

Gumawa ng schedule, hatiin ang oras sa pag-aaral, pagpapahinga, at konting fun break. This way, hindi ka masyadong mao-overwhelm at mas madali mo pang maa-achieve ang goals mo bawat araw.

6. FOOD IS BRAIN FUEL. Mahilig ka bang kumain ng junk food tuwing nai-stress ka? Well, mas okey kung balanced meals ang kakainin mo tulad ng protein, fruits, at gulay. The healthier your diet, the sharper your mind! 

7. EXERCISE. Oo, alam namin mahirap gumalaw lalo na kung stressed, pero ang simpleng paglalakad o pag-stretch ay malaking tulong na. 

Puwede kang maglakad-lakad sa labas o kahit sa bahay lang, basta make sure na magsi-circulate ang dugo. Kahit 5-10 minutes lang, game na!

8. TAKE IT EASY ON SOCIAL MEDIA. Ang social media ay minsan nakakadagdag lang ng “comparison stress,” — lalo na kapag nakikita mo ‘yung classmates mong mukhang chill na chill pero honor student. So, practice social media detox paminsan-minsan. Iwas-toxic, iwas-stress, dahil ikaw lang ang kalaban mo rito!

9. ‘WAG MAG-HESITATE MAGTANONG. If confused ka na sa subject or project, ‘wag mahiyang magtanong. 

Mas mainam na linawin na ngayon kesa na mawala pa ang sanity mo kaka-analyze. Professors appreciate questions, at kung stress-free ka, may bonus and additional points for effort pa ‘yan!

10. PRACTICE MINDFULNESS: LIVE IN THE PRESENT. Minsan, kapag masyado tayong stress, nakakalimutan na natin ang present. Subukang mag-meditate o kahit simpleng deep breathing exercises lang. Kapag sinabing “inhale peace, exhale stress,” totoo ‘yan. ‘Di mo kailangan ng fancy yoga, just take it one breath at a time.

11. CELEBRATE SMALL WINS. Hindi kailangan straight A’s para i-celebrate ang efforts mo! 

Natapos mo na ba ang isang term paper? Na-submit mo ang project ng walang tulog? Then, give yourself a reward! Life is short to stress over things; enjoy each little achievement, kasi kasama ‘yan sa success journey mo!

12. ACCEPTANCE. Last but not the least, tanggapin na may limitations ka. You don’t have to be perfect to succeed. Ang mahalaga ay natuto ka at nakapag-enjoy ka kahit na maraming ups and downs. 

Stress is normal, pero hindi dapat ikaw ang magdala ng stress, — kalma lang!

So there you have it, mga Iskulmates. Stress is inevitable, but with these tips, mas madali nang maging chill at kaya mo pang ma-survive ang bawat school day. Remember, kalma, kapit, and just enjoy the ride! Oki??

Oh, nag-enjoy ba kayo Iskulmates? Ang Iskul Scoop ay ang pinakabagong column namin dito sa Bulgar na naghahatid ng mga balita at kuwento tungkol sa mga kaganapan sa iba't ibang paaralan. Layunin nitong magbahagi ng mga makabuluhang impormasyon at tips na makakatulong sa mga estudyante sa kanilang pang-araw-araw na buhay sa eskuwelahan. 

---

So, kung gusto n'yong maging bahagi rin ng Iskul Scoop at meron kayong mga kuwento, inspiring stories o events na gusto n'yong i-share sa mga ganap sa inyong campus, mag-email lang sa iskulscoop@gmail.com para mailathala sa aming pahayagan.

Pekeng Labubu products, delikado

ni Eli San Miguel @News | Nov. 10, 2024

Photo: Labubu dolls / collection - Circulated

Habang tumataas ang kasikatan ng Labubu dolls, nagbabala ang EcoWaste Coalition sa publiko laban sa mga hindi otorisadong Labubu-inspired na produkto sa merkado na walang label at nagpositibo sa mga toxic chemical tulad ng lead.

Sumikat ang Labubu, isang elf character, matapos itong gamitin ng mga lokal at internasyonal na celebrity bilang bag accessory.

“Imitation dolls, stuffed toys, key chains, phone accessories, stickers, purses, and other products featuring Labubu are offered for sale per piece or in bulk at affordable prices,” pahayag ng EcoWaste.

“Eight of the 42 items were found to contain lead, a potent neurotoxin, as determined through X-Ray Fluorescence (XRF) screening,” ibinunyag pa ng toxic watchdogs.

Dagdag pa rito, sinabi ng EcoWaste na 24 sa 42 na mga item ang natuklasang gawa sa polyvinyl chloride (PVC) na plastik, na naglalaman ng mga nakatagong nakalalasong additive, kabilang ang lead na ginagamit bilang mga stabilizer o pangkulay, at mga phthalate na ginagamit bilang mga plasticizer.

“Lead ranging from 212 parts per million (ppm) to 1,728 ppm was detected on the miniature Labubu PVC plastic toys adorning some of the key chains,” ulat ng grupo.

Itinuturing ng World Health Organization (WHO) ang lead bilang isa sa 10 kemikal o grupo ng kemikal na may pangunahing epekto sa kalusugan ng publiko.