Knows mo ba, besh? Mga benepisyo ng pagiging 'Marites'

ni Justine Daguno - @Life and Style | August 3, 2022

“Hindi buo ang araw ‘pag walang chismis.” ‘Yan ang motto ng mga taong kasama na sa daily routine ang pakikipag-chismisan. Tipong hindi lang vitamins kundi maintenance na ang pakikipag-chikahan. Kung noon ay sa tapat lang ng tindahan tuwing umaga o sa manicure/pedicure session sa hapon lang ito nangyayari, well ngayon, lahat na yata ay may side ng pagiging ‘Marites’ o ‘Mare, ano’ng latest?’ Wala nang pinipiling lugar at panahon. Chika pa more!

At ang ikina-oks pa r’yan, knows mo ba na may good benefits ang pakikipag-‘Marites’? That’s true, basahin mo:

1. GOOD SA HEART. Oportunidad ang pakikipag-chismisan upang ma-release ang level ng emosyon, kung saan chika ni Deborah Beroset, na isang communication expert, sa tulong ng pakikipag-chismisan, naiiwasang maipon ang sama ng loob ng tao, gayundin kung anumang emosyon na meron ito. Kapag walang kinikimkim na emosyon, oks ang daloy ng dugo sa katawan at happy ang heart.

2. OKS SA PERSONALITY DEVELOPMENT. Hindi palaging nega ang pakikipag-‘Marites’ dahil isa itong bonding, kung saan pinatunayan sa research ng Stanford University na may magandang epekto ito sa pag-develop ng ating personality. Nakakatulong ito na ma-improve ating pakikisama o pakikipagkapwa-tao, gayundin nai-improve ang sportsmanship at pagiging cooperative ng indibidwal.

3. STRESS RELIEVER. Isa pa sa mga benepisyo ng pakikipag-chikahan, ayon pa sa pag-aaral ng Stanford ay nakaka-relieve ito ng stress at anxiety. Sa tulong ng pakikipagkuwentuhan, nagkakaroon ng chance na makapag-open ng problema o anumang bumabagabag sa sarili. Oks din itong gawing outlet o pansamantalang pang-distract para hindi gaanong iniisip ang matinding problema.

4. REALITY CHECK. ‘Ika nga, ang ‘Marites’ ay pinaiksing “Mare, ano’ng latest?” Sa pakikipag-‘Marites’, hindi tayo napag-iiwanan ng mga ganap sa paligid. Alam natin palagi ang latest sa buhay ng mga celebrity, trending na bagay-bagay sa paligid at iba pa. Hinding-hindi mahuhuli sa balita dahil minsan, wala pang-announcement sa social media, aba’y may iskup na si ‘Mare’ na nakahandang i-share sa atin.

Habang tumatagal, lumalawak pa ang kahulugan ng ‘chismis’. Pero ‘wag kalimutan na kahit gaano pa ito kasaya o nakakaaliw, ‘wag ubusin ang panahon o ‘wag paikutin ang mundo sa gawaing ito. Gayundin, saktuhan lang, kumbaga’y walang dagdag at bawas, pero kung hindi maiiwasan, aba’y siguraduhing walang kapwa na matatapakan.

Okie?

Check yourself, besh! Mga dahilan ng paglubog sa utang

ni Justine Daguno - @Life and Style | July 24, 2022

Marahil tulad ko, alam mo na rin na ang kasunod ng “Mars” ay hindi ibang planeta, kundi “pautang”. Well, sa hirap nga naman ng buhay ngayon, kung saan kaliwa’t kanan ang pagtaas-presyo ng mga bilihin, sino nga naman ang hindi nakaranas ma-short o magipit?

Kung hindi mo na-experience, suwerte mo, ‘Day, pero kung relate much ka, oks lang ‘yan kasi hindi ka nag-iisa, maraming gipit dahil truly na inflation is real.

Pero ‘ika nga, ang paghiram ng pera o ang pag-utang ay parang pag-inom ng alak, dapat moderate lang at hindi ginagawang bisyo para healthy ang buhay mo. Bukod sa given na mataas ang presyo ng mga bilihin, bakit nga ba may mga taong nalulubog sa utang?

1. HINDI MARUNONG MAG-BUDGET. Tipong kapag may pera na, waldas is life. Sa panahon ngayon, required na maging budgetarian, hindi puwedeng maglabas ng pera nang wala sa listahan o kapag hindi pinag-iisipan. Mag-budget tayo sa lahat ng aspeto ng gastusin, ‘wag maging ‘one-day-millionaire’ para hindi agad maubos ang pera. In short, para maiwasan mong umutang para lang maka-survive sa susunod na pagdating ng iyong pera.

2. FEELING RICH. Top mo H&M, pants mo Jag, shoes mo Adidas, tapos bulsa mo butas. Char! Sa true lang, walang masama sa pagbili ng mamahalin o branded items, siguraduhin lang na may budget talaga at hindi ipinang-uutang ang pambili ng mga ito para lang masabi na nakakaluwag-luwag ka. So, what kung sa bangketa sa Divisoria lang nabili ang outfit mo, eh, sa ‘yun lang ang kayang i-produce ng wallet mo? ‘Wag feeling rich, tapos kaliwa’t kanan naman ang utang.

3. WALANG DISIPLINA. Dakilang mambubudol ang credit card, hindi mo mapapansin na nilulubog ka na nito sa utang dahil for sure, kapag nasa mall na ay kuha na lang nang kuha ng items. Maging disiplinado sa pagwawaldas, cash man ‘yan o card ay dapat alam mo kung hanggang saan lang ang iyong limit.

4. HINDI MARUNONG TUMANGGI. Ito ‘yung tipong may i-offer lang sa ‘yo kahit hindi mo napag-aralan ay tatanggapin mo pa rin kasi hindi ka makatanggi. Like, offer ng binebentang pagkain, damit, sapatos, kung anu-anong produkto at iba pa. Hindi makatanggi, kaya ang naa-out of the budget na o minsa’y uutangin na lang ang items hanggang next day ay may offer na naman at parang gulong na paulit-ulit lang ang cycle, hindi mo napansing mahaba na pala ang iyong listahan, baon ka na pala sa utang.

5. NAGING BISYO NA. Ito ‘yung tipong, kasama na sa weekly bayarin niya ang loan payment kasi naging bisyo na ang ‘item now, pay later’. May pambili naman o extra na pera, pero dahil sanay sa pangungutang ay itong way ang gagawin niya.

Tandaan na basta utang, katambal niyan ay interest. Ang interest ay halaga na ating inilalabas, pero hindi natin napakinabangan. Kinita ‘yan ng tao o kumpanyang nagpautang sa ‘yo. Consequences o kapalit ‘yan ng paghiram ng pera. Okay lang umutang kung kayang bayaran at hindi ‘yung uutang lang para makapagbayad din sa isa pang utang. Utang na loob, palubog na mindset ‘yan.

Hindi lang ikaw ang mamumroblema sa ginagawa mo kundi paniguradong makakaabala pa ng iba.

Okay?

Damang-dama na ang taas-presyo ng mga produkto… Tipid tips ngayong ‘inflation season’

ni Justine Daguno - @Life and Style | July 20, 2022

Walang halong chika, totoo ang inflation at damang-dama ito ng lahat — anumang estado sa buhay ay apektado ng pagtaas ng presyo ng mga produkto. Imagine, nag-grocery kami last week and more than x2 ang binayaran namin kumpara sa usual budget.

Pero kahit mag-disagree tayo sa nakakalokang inflation, meron naman tayong magagawa. So, ganito na lang, habang in denial at parang wala pang plano ang pamahalaan kung paano pababain ang inflation, mag-‘tipid tips’ na lang tayo na practiced by yours truly:

1. Planuhin na ang uulamin sa loob ng isang linggo para isang puntahan na lang sa palengke o grocery store. Mas makakamura rin kung bibili ng items na bultuhan o maramihan, may mga store kasi na nagbibigay ng discount kapag wholesale ang binili.

2. I-compare ‘yung Brand X at Brand Y. Halimbawa, sa wheat bread, imbes na Gardenia, NeuBake na lang dahil same manufacturer din naman sila, pero ang diperensya sa presyo ay nasa P10 hanggang P15.

3. ‘Wag marupok, maging loyal sa listahan. Kung ano ang nakalista ay ‘yun lang ang bilhin. Walang “deserve-deserve ko ‘to” pagdating sa budgeting, palubog na mindset ‘yan.

4. Kung gumagamit naman ng liquid hand soap, dishwashing liquid, etc., puwede itong paabutin sa mas matagal na panahon, like isang linggo or more—lagyan lang ng tubig.

5. Para sa mga working o may gala, palaging magbaon ng sariling tubig at snacks tuwing lalabas para makaiwas sa tukso o sa pagbili ng kung anu-ano na akala natin ay mura o sulit, pero kung mapaparami naman ng kain ay napagastos din, wala rin.

6. Maglaan ng isang araw para sa paglalaba. Magastos sa tubig, sabon at oras kung araw-araw tayong maglalaba. Well, para lang ‘yun sa mga pambahay, ha, ibang case naman kung naka-uniform.

7. Patayin ang kahit ano’ng hindi pinapakinabangan. Oops! Hindi kasama ‘yung ibang tao sa bahay, ha? Gamit lang, tulad ng appliances at gripo. Isara at i-unplug natin ‘yan para hindi nagko-consume ng kuryente o hindi nasasayang ang tubig.

8. Kilatising maigi ang “discounted offers” dahil madalas ay budol lang ‘yan. Imbes na nakatipid ng 20% ay na-over budget pa ng 30%. Tandaan, minsan ay marketing strategy ang promo, pero madalas ay scam ito.

9. Kapag kaya namang lakarin ang pupuntahan ay maglakad na lang. Kung may Sweatcoin app, aba’y goods dahil dagdag din ‘yan sa 10-K steps.

10. Malaking tipid din kung matututo tayong mag-compromise. Imbes na gumamit ng standard fan, clip fan na lang. Tandaan, kung bibili ng mga de-saksak na gamit, importanteng alamin kung mababa ang watts, pero napakikinabangan naman. Isa pang pagko-compromise, na sa pagkain naman, gumamit ng alternative sa mga produkto. Imbes na pork na medyo ‘gold’ ang presyo, mag-tokwa o chicharon na lang.

11. Again, bumili ng bultuhan. Pagtiyagaan ang sale na kailangan sa bahay sa Shopee o Lazada at sa mga suki nating supermarket. May pagkakataon kasi na nagbabago-bago ang presyo ng mga ito, like mas mura sa Shopee kumpara sa Lazada o much cheaper sa supermarket dahil madalas ay may ‘buy 1 take 1’ na, may ‘buy 2 get free item pa’. Bago mamili, always check ang prices, kaunting effort lang ‘yan, pagtiyagaan na lang.

12. Isa pang good thing sa mga online shopping app, oks bayaran ang mga bills in split, lalo na kung malaki ang bayarin. Pakinabangan nang husto ang Shopee, Lazada at iba pang apps na makaka-less at magagamit ang discounts o promos nila.

Oh, ha? Sana ay makatulong ang ambag nating chismis today— este tips, tutal palaging naghahanap ng ‘ambag’ sa lipunang ‘to, magbigay tayo ng isang dosenang tips. Chariz!