Alamin: 6 pagkaing nagtataglay ng calcium

ni Justine Daguno - @Life and Style | July 10, 2021

Matibay na ngipin at mga buto ang benepisyong maidudulot ng tamang suplay ng calcium sa ating katawan. Ayon sa pag-aaral, 1,000 mg per day ang kinakailangan para sa mga adults habang 1,300 mg naman para sa mga edad 4 hanggang 18.

At upang makuha ang calcium requirement sa ating katawan, narito ang ilan sa mga source o pagkaing nagtataglay nito:

1. KESO. Ito ay nagtataglay ng malaking porsiyento ng calcium, kung saan mayroon itong 331 mg o 33% RDI per ouncesa 28 grams nito. Ang maganda pa nito, mas madaling naa-absorb ng katawan ang calcium mula sa dairy products kumpara sa ibang plant sources.

2. YOGURT. Isa pa ito sa mga ‘good source’ ng calcium. Ang one cup (245 grams) ng plain yogurt ay mayroong 30% RDI ng calcium. Bukod pa r’yan, ito rin ay nagtataglay ng phosphorus, potassium at Vitamins B2 at B12. Samantala, ang low-fat yogurt naman ay may mas mataas ang may calcium content, kung saan ito ay may 45% RDI sa isang cup (245 grams).

3. SARDINAS. Nagtataglay din ng calcium ang sardinas, partikular mga buto nito. Ang 3.75-ounce (92-gram) na lata ng sardinas ay may 35% of the RDI. Gayundin, ito ay nagtataglay ng high-quality protein at omega-3 fatty acids, na good naman sa puso, utak at kutis.

4. ALMONDS. Sa lahat ng uri ng nuts, ito ang may pinakanagtataglay ng calcium, kung saan sa isang ounce nito o 22 piraso, maaaring makakonsumo ng 8% ng RDI. Ang almonds ay nagtataglay din ng healthy fats, protein at 3 grams ng fiber kada ounce (28 grams). Good source rin ito ng magnesium, manganese at Vitamin E.

5. LEAFY GREENS. Ang madadahong gulay ay nagtataglay din ng calcium. Bukod pa r’yan, may minerals din ang mga ito kabilang ang collard greens, spinach at kale. Ang one cup (190 grams) ng collard greens ay may 266 mg — quarter amount ng calcium na kailangan ng ating katawan.

6. GATAS. Ito ang ‘da best at pinakamadaling mahanap na source ng calcium. Ang one cup (237 ml) ng cow’s milk ay nagtataglay ng 276-352 mg, depende na lamang kung ito ay whole o nonfat milk. Dagdag pa rito, good source rin ang gatas ng protein, Vitamin A at Vitamin D. Samantala, ang goat’s milk naman ay mayroong 327 mg per cup (237 ml).

Importante ang calcium sa katawan dahil malaking bahagi ng katawan ang nagagawa nitong maprotektahan mula sa mabilis na pagkasira. Bagama’t maraming food supplements, mas maganda pa rin ang epekto ng natural source nito. Gets mo?

6 signs na ‘di kontrolado ang blood sugar, alamin!

ni Justine Daguno - @Life and Style | July 03, 2021

Maituturing na ‘traitor disease’ o traydor na sakit ang diabetes, na kung mapababayaan ang mga sintomas at komplikasyon ay maaari itong mauwi sa kamatayan ng pasyente. Bukod sa COVID-19, marami pang sakit ang kailangang bantayan upang mapanatiling maayos ang ating kalusugan.

Kaya naman, ayon sa mga eksperto ay mahalaga ang regular na pagkakaroon ng glucose monitoring nang sa gayun ay mapananatiling ‘controlled’ ang ating blood sugar.

Kaugnay nito, narito ang ilang ‘key warning signs’ o mga senyales na dapat nating bantayan upang maiwasan ang panganib ng nasabing sakit:

1. MADALAS MAUHAW AT MAIHI. Tumataas ang blood sugar kapag ang pasyente ay nakararanas madalas na pagkauhaw o ‘unusual drinking’, kumpara sa nakasanayang pag-inom ng tubig. Paliwanag ng mga eksperto, sa pagtaas ng asukal sa dugo, napipilitang magtrabaho nang husto ng kidney. At ang sobrang asukal sa dugo ay nailalabas sa pamamagitan ng pag-ihi, kung kaya’t nagiging madalas itong nagagawa ng pasyente.

2. PALAGING GUTOM PERO BUMABABA ANG TIMBANG. Karamihan sa mga taong mayroong hindi kontroladong blood sugar ay nagiging magugutumin—ito ay tinatawag na polyphagia. Bagama’t madalas ang pagkain, nababawasan naman ang timbang na marahil ay dahil ang lebel ng blood sugar ay masyadong mataas.

3. PAKIRAMDAM NA SOBRANG PAGOD NA PAGOD. Dahil hindi balanse ang timbang at gana sa pagkain, maaaring makaranas ang pasyente ng sobrang pagod o ‘yung pakiramdam na wala nang ganang kumilos o gumalaw-galaw. Kapag ang katawan ay hindi maayos na nakapagpo-proseso ng insulin o hindi sapat ang insulin, nauubusan ng energy ang mga cells na siyang dahilan ng panghihina ng katawan.

4. NAGKAKAROON NG PANLALABO NG MGA MATA. Ang pagkakaroon ng malabong paningin ay isa rin sa mga senyales na dapat bantayan. Ayon sa pag-aaral, ang mataas na lebel ng ng blood sugar ay nakapagdudulot ng pamamaga ng mga mata. Ito ay dahil sa sobrang likido nito. Ang nasabing likido ang dahilan kung bakit nagbabago ng hugis ang lens, kung kaya’t nawawala pokus na siyang dahilan ng panlalabo ng paningin.

5. NAKARARAMDAM NG PANGINGINIG AT PAMAMANHID. Ilan pa sa mga senyales ay ang madalas na panginginig o pamamanhid ng mga kamay at paa. Tulad ng nabanggit, ang hindi kontroladong blood sugar ay nakapagdudulot ng nerve damage o mas kilala bilang diabetic neuropathy. Bagama’t ang neuropathy ay common na sa mga matagal nang may diabetes, maaari pa rin itong pantukoy na may diabetes nga ang pasyente.

6. MAYROONG PAMAMAGA O PAGDURUGO NG GILAGID. Maituturing din na komplikasyon sa diabetes ang gum disease o ‘yung pamamaga at pagdurugo nito. Ito ay dahil kapag may diabetes, ang kakayahan ng katawan na labanan ang mga impeksiyon ay bumababa dulot ng hindi makontrol na asukal sa katawan.

Bantayan ang mga senyales na ‘to, hindi lang para sa pansariling kalusugan kundi maging sa kapakanan ng ating mahal sa buhay. Gets mo?

‘Di lang masarap na dessert at pampabyuti… Avocado, panlaban sa sakit at impeksiyon,

pampaganda pa ng tulog at digestion!

ni Justine Daguno - @Life and Style | June 24, 2021

Knows n’yo ba bukod sa masarap na dessert ay kilala ring pampaseksi at pampabyuti ang avocado? Ayon sa New York Times best-selling author na si Frank Lipman, MD, ang avocado ay isa sa mga tinaguriang “little miracle foods”, sapagkat nagtataglay ito ng napakaraming bitamina na nagbibigay ng magagandang benepisyo, hindi lang sa katawan kundi maging sa ating isipan. Ano nga ba ang mangyayari kung araw-araw tayong kakain ng avocado?

1. GOODS SA CHOLESTEROL. Bagama’t ang katamtamang laki nito ay nagtataglay ng 113 calories at 10 grams fats — ang fats na ito ay maituturing na monounsaturated fat o “good fats”. Ito ay nagsu-supply ng good HDL cholesterol habang nagpapababa naman ang bad LDL cholesterol sa katawan.

2. OKS SA DIGESTION. Ang kalahati ng avocado ay mayroong halos 5 grams ng dietary fiber (depende sa laki). Ayon sa nutritionist, kung araw-araw ang pagkonsumo ng avocado, maiiwasan ang constipation o mapapanatili ang malusog na digestion. Oks umano itong ihalo sa ibang pagkain o gawing salad.

3. PANLABAN SA SAKIT AT IMPEKSIYON. Mayaman din sa Vitamin B ang avocado, na siyang panlaban sa mga sakit at impeksiyon. Ito rin ay nagtataglay ng Vitamins C at E, plus meron ding natural plant chemicals na panlaban naman sa cancer. Meron din itong antioxidant phytochemicals (tulad ng lutein at zeaxanthin), na panlaban naman sa katarata at macular degeneration.

4. PAMPASARAP NG TULOG. Bukod sa mga nabanggit na bitamina, loaded din ito ng magnesium (19.5 milligrams), na itinuturing na anti-stress nutrient na kailangan upang magkaroon o ma-maintain ang magandang tulog.

5. PANG-NATURAL GLOW. Glowing skin, maganda at malinaw na mga mata at shiny hair. Ilan lamang ito sa mga perks kung araw-araw tayong kakain ng avocado. Ang fat-soluble vitamins at monounsaturated fats ay kailangan ng ating katawan upang mapanatili itong maganda at nasa maayos na kalagayan.

Next time na maggo-grocery o mamamalengke tayo ay isama na ‘to sa listahan. Imagine, may vitamins na, may pang-skin care pa. Gets mo?