Dahilan kaya ‘di dapat matakot magtanong nang magtanong ang tao

ni Sr. Socrates Magnus II - @Karunungang Lihim| August 17, 2020

Bigyang-daan natin ang pagpapatuloy ng pagtalakay sa mga bagay na kailangang gawin ng tao, may COVID-19 pandemic man o wala.

Napakahirap hanapin ng gamot sa COVID-19, buong mundo ang naghahanap pero mukhang mailap pa rin malaman kung ano nga ba ang gamot sa sakit na ito.

Tulad ng nasabi sa nakaraang isyu, mas magandang yakapin natin ang mga salitang nagdala sa rurok ng tagumpay kay Albert Einstein na kinikilala bilang most influential man of the 20th century.

Sabi niya, “Do not be afraid to ask questions,” ito mismo ang kanyang naging guiding star na tumanglaw sa lahat ng kanyang achievements sa buhay.

Kung isasabuhay ito ng bawat isa, ang tagumpay ay maaabot at walang bagay na hindi matutuklasan kahit ang kalihim-lihimang kaalaman ay malalantad.

Sobrang sikat ang sinasabing ito ni Einstein, kaya paborito itong gamitin ng mga kabataan noon.

Sa ngayon, ito pa rin ang kinakapitan ng mga kabataan, kapag sumasagot sila sa kanilang mga magulang, parang naging lisensiya ang “Do not be afraid to ask question” ni Einstein, kaya ang mga magulang at anak ay parang laging nagbabangayan.

Sagot nang sagot ang anak na lalo namang ikinagagalit ng mga magulang. Sa biglang tingin, kung babanggitin ang sinabi ni Einstein, may punto ang kabataan. Pero kung susuriing mabuti, wala namang sinabi si Einstein na “Do be not afraid to answer,” kaya ang pagsagot sa mga magulang ay hindi naman kinukonsinte ni Einstein. Sabi niya nang malinaw ay “question” at hindi ang pagsagot-sagot o “answer”.

Tanong tayo nang tanong at habang tayo ay nagtatanong, madaragdagan ang ating kaalaman at ang mga hindi naman dapat paniwalaan, sa katatanong natin ay ating maiiwasan kaya magandang isabuhay sinasabing “Do not be afraid to ask questions.”

Ito rin ang magiging susi para makatuklas tayo ng mga bagong ideya, kaisipan, pormula at susi sa pagresolba ng ating mga suliraning kinakaharap, partikular na ang COVID-19 na nagpapahirap sa buong mundo.

Kung hindi tayo magtatanong nang magtatanong, ibig sabihin ay hindi na tayo susulong sa kaalaman, karunungan at bagong katotohanan. Ang sinumang nagsasabi na walang gamot sa COVID-19 ay tinatanggap na siya ay talo na.

Ang ganitong mga payahag ay self-defeating, procrastinating at counter productive. Kaya dapat sa mga ahensiya ng pamahalaan ay iwasan ang pagpayag sa sinasabing walang gamot sa COVID-19.

Habang naghahanap pa ng gamot, ang ganitong statement ay hindi dapat sinasabi dahil hindi pa naman tapos ang paghahanap, as in, nasa proseso pa ang mundo ng pagtuklas, kaya wala sa tamang lugar ang pagsasabi na walang gamot sa COVID-19.

Kung ipagpipilitan ng mga namamahala sa kagawaran ng kalusugan ang ganitong pahayag, sa huli, mahirap mang tanggapin, talo na tayo ng COVID-19. Ito ay dahil na rin sa pagsasabing walang gamot sa sakit na ito ay hindi lang self-defeating kundi self-destructive din, kumbaga, nagtagumpay ang COVID-19 laban sa mga tao o “Man is destroyed by COVID-19.”

Itutuloy

Alamin mula kay Señor... kaisipan mula kay Albert Einstein na oks gamitin sa paglaban sa COVID-19

ni Sr. Socrates Magnus II - @Karunungang Lihim| August 14, 2020

Bigyang-daan natin ang pagpapatuloy sa pagtalakay ng mga bagay na kailangang gawin ng tao, may COVID-19 pandemic man o wala.

Napakahirap labanan ang COVID-19. Habang nagsisikap ang pamahalaan at ginagawa na nila ang lahat ng kanilang alam gawin, mukhang wala pa rin itong epekto dahil dumarami pa ang mga nagkakasakit.

Sa ganitong sitwasyon, hindi tayo dapat sumuko o mawalan ng pag-asa. Ang mas maganda ay magkaroon tayo ng positibong kaisipan.

Bagama’t sa ngayon ay wala pang natutuklasang gamot sa COVID-19, mali pa ring sabihin na walang gamot para rito dahil ang mas tamang sabihin ay “Hindi pa natutuklasan ang gamot.”

Dahil dito, dumako tayo sa mga dakilang manunuklas na lumabas sa mundo, mas magandang sa kanila tayo kumuha ng gabay kahit umaasta ang ahensiya ng pamahalaan sa larangan ng kalusugan na parang sila lang ang nakaaalam sa mabuti at hindi mabuti.

Ang ganitong pustura ng pamahalaan ang nakikitang dahilan kaya hindi bumubuti kundi lumalala pa ang sitwasyon kaysa sa dati, partikular ang bilang ng mga nagkakasakit.

May isang tao na nabanggit na natin na ikinukonsiderang most influential physicist of the 20th century at siya ay si Albert Einstein. Siya rin ang pinakasikat na alagad ng agham dahil sikat na sikat ang kanyang pormula na “E = mc2.”

Sa kanyang panahon, ang umiiral na batas ng agham tungkol sa Law of Gravity ay kanyang kinuwestiyon dahil may nadiskubre siyang mas tama. At habang siya ay nag-aaral sa mga batas ng pisika, nadiskubre niya ang nasabing pormula.

Kung ngayon ay ganito ang mangyayari, tiyak na si Einstein ay pagtutulungang salungatin ng umiiral na sistema, lalo na ng pamahalaan na umaasa lang naman sa ahensiya ng agham at kalusugan.

Kung bakit may pinaniniwalaang Law of Gravity, tapos may darating at sasabihing may ibang Law of Gravity, at malamang na sa kulungan pupulutin si Einstein.

Ang kanyang pormula na “E = mc2” ay hindi naman gaanong sinalungat ng mga akala ay marunong sila dahil sa Law of Gravity ni Einstein, sa huli, siya ay pinaniwalaan din ng maraming dalubhasa.

Marahil, alam na nila ang kanilang aabutin kung kokontrahin nila si Einstein kung saan sila ay mapapahiya lang.

Wala pang nakaaalam noon ng “E = mc2” kundi si Einstein lang. Ang “E” ay para sa Energy at ang “m” ay para “mass” o bagay at ang “c2” ay equal sa speed ng liwanag. Sa Ingles, ang E = mc2 ay Energy = mass times the speed of light squared.

Pero ang totoo, ang “E = mc2” ay sa mundo lang naman ng agham o siyensiya sikat dahil ang mga pangkaraniwang tao ay wala namang pakialam dito. Masyado itong teknikal para magustuhan ng maraming mamamayan, lalo na sa mundo ng social science at social media.

May isa pang sikat na kaisipan mula kay Einstein at ito ay mas sikat sa “E = mc2” at mas gustung-gusto ng mga tao at kailangang isabuhay ng mga taga-pamahalaan, namamahala sa larangan ng kalusugan at dalubhasa na naghahanap ng panlaban o gamot sa COVID-19.

Ito ay ang “Do not be afraid to ask question,” ang mga salitang ito ay mula mismo kay Einstein at dito rin siya nabubuhay. Kumbaga, isinasabuhay niya ang kanyang sinabi na “Do not be afraid to ask question.”

Ano ang kabuluhan nito para sa ating lahat, lalo na ngayong nilalabanan natin ang mahiwagang COVID-19?

Itutuloy

COVID-19, nananatiling mahiwaga sa buong mundo kahit moderno ang panahon

ni Sr. Socrates Magnus II - @Karunungang Lihim| August 12, 2020

Bigyang-daan natin ang pagpapatuloy sa pagtalakay ng mga bagay na kailangang gawin ng tao, may COVID-19 pandemic man o wala.

Mahiwaga ang COVID-19 dahil sirang-sira ang mga eksperto, hindi lang dito sa ating bansa kundi maging sa buong mundo.

Sa una, kumikilos at nagkakaisa ang lahat dahil sa paniniwalaang kakayanin ng mga dalubhasa ang COVID-19 kaya inakala nila na hindi ito sobrang lalaganap sa mundo.

Sa ganitong sitwasyon, makikitaan ng sobrang pagkalito, hindi lang ang mga tao, gobyerno kundi maging ang mga nasa larangan ng medisina.

Sa una, maaalala natin na walang tigil sa pagsasabing huwag mag-facemask ang mga tao dahil ito ay para lang sa mga health workers, frontliners at sa mga taong may sakit na. Kumbaga, kapag wala kang sakit at hindi ka frontliner, huwag ka nang mag-facemask.

Iba na ngayon, lahat ay pinagagamit na ng facemask at base sa balita, ang lahat ay inuutusang mag-facemask kahit sa loob ng bahay, pero noong una ay sinasabing hindi huhulihin o walang anumang paglabag sa batas ang mga hindi naka-facemask sa loob ng bahay.

Hindi katagalan, ang face shield ay para lang din sa mga frontliners, pero ngayon, lahat ng lalabas ng bahay ay dapat na ring naka-face shield.

Nakagugulat ang mga balitang ganito dahil hanggang ngayon ay hindi naman inaamin ng Department of Health (DOH) na ang “airborne” ay isa sa mga paraan para mahawa, pilit nilang sinasabi na may contact sa virus ang sistema ng hawaan.

Kaya huwag na tayong magulat kung makikita nating naka-face sheild ang mga senator at congressman sa session at maging ang mga nagmi-meeting na opisyales ng gobyerno ay makikita natin na naka-facemask na, naka-face shield pa.

Bukas kaya, ano na? Dahil hindi pa naman bumubuti ang kalagayan ng pandemya, hindi nakapagtataka kung bukas-makalawa ay naka-full body armor na ang mga tao.

Ganu’n siguro talaga ang buhay sa mundo, may mga bagay at pangyayari na kahit tayo ay nasa modernong panahon ay nananatiling mahiwaga tulad ng COVID-19.

Pero huwag tayong mawalan ng pag-asa at hindi rin puwede na hindi tayo kikilos, mag-isip at gumawa ng paraan. Ito lamang ang tunay na susi kung paano nakaliligtas ang mga tao sa salot na dinanas na at maaaring danasin pa.

May isang pandak na tao, siya ay minamaliit ng kanyang mga kasabayan at maging ang kanyang ama ay minamaliit din siya at madalas siyang sabihan nang pasigaw na wala siyang pag-asa at siya ay malaking failure kahit siya ay pandak. Nakakatawa na nakakaawa ang naging bahaging ito ng kanyang buhay. Dahil sa sinabi ng kanyang ama, ang mga tao ay muli, natatawa na naaawa sa kanya.

Pero siya ay sumikat sa buong mundo dahil sa hindi maintindihan ng maraming tao na formula na kanyang ibinandera na “E = mc2.” Siya ay walang iba kundi si Albert Stain.

Itutuloy