Kahalagahan ng pagkakaroon ng bukas na isipan

ni Sr. Socrates Magnus II - @Karunungang Lihim| September 9, 2020

Bigyang-daan natin ang pagpapatuloy sa pagtalakay ng mga bagay na kailangang gawin ng tao, may COVID-19 pandemic man o wala.

Sa karanasan ng mga tao o buong mundo sa Black Death kung saan napakaraming namatay, hindi lang mga tao ang nasawi dahil nalipol din ang mga domestic animals.

Ang mga baka o cow ay naubos, kaya ang lupang sakahan na gumagamit ng baka sa pag-aararo o pagbungkal ng lupa ay natengga at nauwi sa taggutom.

Ang mga baboy ay nangamatay din, kaya nagtaasan ang presyo ng mga karne at sumabay pa na hindi nakakapaghanapbuhay ang mga tao dahil sa lockdown tulad ng nangyayari ngayong may COVID-19 pandemic.

Ang manok na para sa karneng pagkain ay nawala rin sa merkado dahil ang mga ito ay tulad ng baka at iba pa, maging ang mga tupa at kambing ay tinamaan din ng Black Death.

Kung hindi na makapagsaka sa mga taniman at wala na ring ang mga inaalagaang hayop, ibig sabihin, hindi na gaanong kumikilos ang mga tao. Dahil dito, ang gumana ay ang kanilang mga isipan at dito na rin nagsimula ang mga “free thinkers”. Hindi man sila makalantad, pero sila ay marami. Hindi man sila magkakakilala, pero iisa lang ang gumagana sa kanila at ito ay ang kanilang isipan.

Si Albert Einstein ay hindi isinilang sa panahon ng Black Death dahil siya ay nabuhay bago ito at habang ang mundo ay sumasailalim sa pananakol ni Hitler noong ikalawang digmaang pangdaigdig o World War II.

Pero ang pinakasikat niyang kataga na “Do not be afraid to ask questions” ay naghari sa lahat ng tao noong huling bahagi ng Dark Ages. Hindi na rin naman naawat ang mga tao na magtanong nang magtanong kahit palihim lang at mayroon din namang mga magkakaibigan na nagkaroon ng grupo at nagkikita sa isang lugar para talakayin ang kanilang mga tanong tungkol sa buhay at mundo.

Mayroon ding hindi grupo—kahit dalawa o tatlong magkakaibigan ay nag-uusap. Ang numero-unong pinag-uusapan ay kung ano ang mga sagot sa kanilang mga katanungan.

Sa panahon natin ngayon, maaari rin naman nating isagawa ang tulad ng kanilang isinabuhay. Sa panahon ngayon na ang pagkakaibigan ay hindi limitado sa dalawa o tatlong tao at ‘ika nga, mas marami, mas maganda na buksan ang mga kaisipan at magpalitan ng mga ideya.

Sa ganitong paraan, puwedeng matumbok ang gamot sa COVID-19, pero siyempre, hindi puwede ‘yung istayl ng gobyerno na dahil walang gamot sa nasabing sakit ay dededmahin ang may ideya kung paano ito gagamutin.

Paano mo isasama sa grupong palaisip ang mga taga-gobyernong sarado agad ang isip? Kung sila ay nabuhay noong bago ang Renaissance Period, malamang na sila ang naitsapuwera ng mga taong bukas ang pag-iisip.

Itutuloy

Alamin: panahon kung kailan namulat at natutong magtanong ang mga tao

ni Sr. Socrates Magnus II - @Karunungang Lihim| September 7, 2020

Bigyang-daan natin ang pagpapatuloy sa pagtalakay ng mga bagay na kailangang gawin ng tao, may COVID-19 pandemic man o wala.

Sa nakaraang isyu, nakita natin na hindi kinaya ng buong mundo ang Black Death.

Gayundin, nasira ang talino ng marurunong at dalubhasa.

Tulad ngayong may COVID-19 pandemic, wala ring nagawa ang social distancing, pagsusuot ng facemask, face shield at ang palaging paghuhugas ng mga kamay.

Dahil tulad noon, isinabuhay din ito ng mga tao sa pag-aakalang kapag sinunod ang mga ito, sila ay makaiiwas sa Black Death. Pero wala rin itong pagkakaiba sa sitwasyon natin ngayon. Ibig sabihin, hindi naman nagbago ang mga patakaran kundi makikitang ginaya lang din ang panahon ng Black Death, kaya sa kabila ng mahigpit na health protocols, hindi naawat ang Black Death at COVID-19.

Mas grabe ngayon dahil bawal magsalita kapag nakasakay sa pampublikong transportasyon, bagama’t puwedeng gumamit ng cellphone, bawal ang tumawag. Pero patuloy ang pagdami ng bilang ng nagkakasakit.

Ang Black Death ay naitala sa history na Great Pestilence at ito ang pinaka-deadliest. Naitala na mula 75 milyon hanggang 200 milyong tao ang namatay.

Sa takot ng mga tao, maging ang mga kaparian ay ayaw bendisyunan ang mga bangkay. Sarado rin ang mga Simbahan at bawal bumista sa mga taga-Simbahan.

Sobrang nalito ang mga tao, lihim nilang kinuwestiyon ang kanilang mga relihiyon. Lihim din nilang kinuwestiyon ang pamahalaan, mga hari at namumuno na ang buwis na mula sa kanila ay hindi nakatulong para sa kalusugan ng mamamayan.

Ang mga tagapag-utos ay lihim din nilang kinukuwestiyon dahil ang mga patakaran na ipinipilit na sundin ng mga tao at may parusa sa lalabag ay tila walang magandang epekto dahil hindi naman naawat ang sakit.

Lihim lang ang mga ito dahil tulad ng nasabi na, bawal sitahin ang Simbahan, hari at mayayamang hawak ang ekonomiya.

Ito ang nakatanim sa kamalayan ng mamamayan kung saan ang kasalukuyang umiiral na batas, patakaran, aral at katuruan ay walang bisa at walang magandang naidudulot sa taumbayan.

Dito na muling nagsimula ang paboritong kataga ni Albert Einstein na “Do not be afraid to ask questions,” pero palihim lang. Ibig sabihin, hindi na napigilan ang mga tao na kuwestiyunin ang mga nangyayari at kahit sa sarili lang nila naitatanong ay nagsimula na rin nilang makita ang tunay na problema ng buong mundo.

Unti-unti silang nagigising at nagkaroon ng kalaaman sa mga bagay na tama, gayundin kung ano ang dapat gawin o isabuhay ng mga tao.

Lahat ay naranasan ang pagtatanong sa nangyayari, as in, sabi nila, “What is happening in our world?”

Ang iba ay nananatiling sa sarili na lang nagtatanong, pero may ilang nagkaroon ng lakas ng loob na labagin nang palihim ang mga kautusan at patakarang umiiral.

Kaya nakitang ang Dark Ages sa ating kasaysayan ay nagkaroon na ng katapusan at ito ay dahil sa paboritong kataga ni Einstein.

Dahil sa malakas na puwersa nito, siya ang nagsilang sa isa pang bahagi ng ating kasaysayan na “Renaissance Period.”

Itutuloy

Alamin mula kay Señor... pagkakapareho ng dinanas ng tao dahil sa Black Death at COVID-19 pandemic

ni Sr. Socrates Magnus II - @Karunungang Lihim| September 4, 2020

Bigyang-daan natin ang pagpapatuloy sa pagtalakay ng mga bagay na kailangang gawin ng tao, may COVID-19 pandemic man o wala.

Tulad ng nasabi sa nakaraang isyu, dumating sa mundo ang salot na tinawag na Black Death. Nang mga panahong ‘yun, inakala ng tao na sapat ang karunungan at kaalaman ng mundo para labanan ang anumang darating na pinsala sa kanila.

Inakala rin nila na ang tao ang pinakamakapangyarihan, pinakamalakas at nasa rurok ng kapangyarihan, pero nang dumating ang Black Death, ang mga marunong, maalam, dalubhasa at makapangyarihan ay takot na takot.

Kahawig ng COVID-19 ang mga sintomas nito, hindi eksaktong katulad, pero ang ilang sintomas ay hindi nagkakalayo. Halimbawa, lagnat, chills, pagsusuka, pagtatae, sakit ng katawan o masel at biglaang kamatayan.

Tulad ng COVID-19, baga o lungs ang masisira kaya namamatay ang may sakit.

Base sa report ni Giovanni Boccaccio, isang manunulat sa pahayagang “The Petrarch”, sobrang nakakatakot ang salot at mabilis na nakahahawa. Sabi pa niya, mahahawa agad ang tao kahit sa simpleng paghawak sa damit. Sinulat din niya na kapag natulog ang malulusog na tao, maaaring kinabukasan ay may sakit na ito.

Hindi nagtagal, pagkatapos dumaong ng mga barko kung saan ang mga marino ay may sakit, kumalat ang Black Death sa France, Tunisia. Nahawahan din ang mga taga-Rome at Florence, Italy. Gayundin, hindi nakaligtas ang Paris at London.

Lahat ng bansa mundo nang panahon na ‘yun ay inatake ng Black Death, kumbaga, walang nakaligtas sa mundo dahil ang lahat ay may mikrobyo ng nasabing sakit.

Ang karunungan ng tao sa panahong ‘yun ay no match sa salot. Ipinagbawal din noon ang mass gathering at pinaiiral ang social distancing tulad ng ginagawa natin ngayon.

Bawal din ang handshake o paghawak sa anumang bahagi ng katawan at damit ng mga tao, may sakit man o wala. May facemask din at bawal ang hindi nakasuot nito.

Bawal ding lumabas ng bahay, mag-travel at wala ring trabaho noon dahil ang mga kumpanya ay kusang nagsara. Nawala rin ang mass transport—walang air at sea travel.

Ang lahat ng kautusang ito ay wala rin namang nagawa para talunin ang salot. Parang tulad ngayon na walang epekto ang mga ginagawa natin para labanan ang COVID-19.

Ang masaklap pa, ang nag-uutos na sundin ang mga ito ay tinamaan na ng sakit, kaya tumatak sa kaisipan ng mga tao na kung ang nag-utos ay nagka-COVID-19, ibig sabihin, hindi epektibo ang protocols tulad ng pagsusuot ng facemask at face shield, palaging paghuhugas ng mga kamay at social distancing. Kumbaga, bakit mo susundin ang nag-uutos, eh, mukhang siya ang hindi sumunod sa kanyang utos?

Samantala, may mga personal na testamento o patunay na sila ay gumaling sa pamamagitan ng paliligo o pag-inom ng vinegar o suka.

May mga nagpapatunay din na sa pamamagitan ng pagpapausok ng mga herbs sa bahay at katawan ng tao ay nagsigaling sa sakit. Maririnig din noon ang maugong na balita na ang paliligo sa rose water ay nakapagpapagaling.

Itutuloy