Skin care habits na bad sa balat

ni Jersy L. Sanchez @Life & Style | February 16, 2023

2023 na, kumusta ang skin care routine mo, besh?

Isa ka ba mga may sandamakmak na skin care steps para makatiyak na ma-a-achieve mo ang flawless skin na matagal mo nang pinapangarap?

For sure, napakarami nating skin care habits na natutunan at patuloy na ginagawa dahil sa paniniwalang nakakatulong ito upang gumanda ang ating balat.

Pero ang tanong, gaano tayo kasigurado na epektib ang mga habits na ito?

Ayon sa mga eksperto, narito ang mga skin care habits na hindi good sa ating balat:

1. PAGGAMIT NG NAPAKARAMING SKIN CARE PRODUCTS. Ayon sa mga eksperto, mas mabuting simple lamang ang skin care regimens. Gayunman, mahalaga umano ang cleanser, moisturizer at sunscreen, at dagdagan na lamang ito depende sa pangangailangan ng balat. Ngunit paalala ng mga eksperto, ang over-exfoliating gamit ang chemical o physical exfoliator nang sobra sa tatlo hanggang apat na beses kada araw ay posibleng makasira ng skin barrier, na magreresulta sa pamumula, irritation at dryness.

2. PAGGAMIT NG FRAGRANCED MOISTURIZER. Bagama’t oks lang naman ito, binigyang-diin ng mga eksperto na ang mga taong prone sa rosacea, acne o dry skin ay dapat umiwas sa ganitong uri ng produkto. Para sa mga may red at irritated skin, inirerekomenda ng mga eksperto na gumamit ng moisturizer na may ceramide, niacinamide o oatmeal, na nakakatulong sa pag-repair at restore ng ‘compromised skin barrier’. Habang ang mga may dry skin naman ay pinapayuhang umiwas sa bubble bath, partikular ang mga fragranced products. Bagkus, mas oks umanong gumamit ng lukewarm shower o bleach bath, isang beses sa isang linggo.

3. PAGPUTOK NG TAGHIYAWAT. Ito ay dahil napapalala ng pagputok ng taghiyawat ang acne, gayundin ang dark sports. Sey ng experts, ang pimple popping ay nagdudulot ng ‘post inflammatory hyperpigmentation’ o mas matagal na paggaling ang dark sports. Dahil dito, inirerekomenda ang paggamit ng pimple patch para hindi ito mahawakan, gayundin, gumamit ng sunscreen. Bukod pa rito, oks din umanong gumamit spot treatments na may benzoyl peroxide o salicylic acid na nakakatulong sa dark spots.

4. PAGGAMIT NG MAKE-UP WIPES. Sa halip na gumamit ng make-up wipes bilang make-up remover, inirerekomenda ng mga eksperto ang double cleansing. Ito ay dahil harsh sa balat ang make-up wipes at hindi nito masyadong natatanggal ang make-up.

Bagkus, posibleng magbara ang pores sa paggamit nito. Samantala, ang double cleansing ay paraan ng pagtanggal ng make-up kung saan dalawang beses na maghihilamos. Una, kailangang gumamit ng oil-based cleanser o cleansing balm para matanggal ang makeup, at pangalawa, ang water-based hydrating cleanser na magtatanggal ng mga makeup debris. Ang double cleansing ay isang gentle way ng pagtanggal ng makeup, sunscreen at dumi na naiipon sa buong araw.

5. HINDI PAGGAMIT NG SUNSCREEN. Tulad ng nabanggit, mahalagang gumamit ng sunscreen upang maiwasan ang sun damage, na nagpapalala ng dark spots at aging.

Bagama’t may mga produktong mayroon nang SPF, mahalaga pa rin umanong gumamit ng sunscreen na mayroong SPF 30 pataas araw-araw, anumang klase ng panahon.

Oh, mga beshie, make sure na hindi nakakasama sa inyong balat ang mga ginagawa n’yong skin care steps, ha?

Ngayong 2023, say hello sa healthier skin at say goodbye sa mga bad habits na dati nating ginagawa. Keri?

Sakto ngayong Valentine’s Day… PAANO MAPAPANATILING FRESH ANG BULAKLAK?

ni Jersy L. Sanchez @Life & Style | February 13, 2023

Bukas ay Araw ng mga Puso na. Excited na ba ang lahat?

Kung oo, eh ‘di, sana all! Kidding aside, ang Valentine’s Day ay isa sa mga pinakaaabangang ganap kada taon dahil ito ang araw na ipinadadama ng mga mag-dyowa, mag-asawa ang kanilang pagmamahal sa isa’t isa sa pamamagitan ng pagbibigay ng regalo tulad ng tsokolate at bulaklak, gayundin, nagse-set up sila ng romantic date.

Pero siyempre, hindi lang naman ang mga mag-dyowa at mag-asawa ang puwedeng magbigayan ng regalo o bulaklak sa isa’t isa dahil para sa mga single, puwede naman kayong bumili ng bulaklak para sa inyong sarili o kaya naman, bigyan ang inyong mga kaibigan o pamilya. Lahat naman sila ay love natin, ‘di ba?

Anyways, para sa mga makakatanggap ng bulaklak, narito ang ilang paraan upang hindi madaling malanta ang fresh flowers na inyong matatanggap sa Araw ng mga Puso:

1. APPLE CIDER VINEGAR & SUGAR. Paghaluin ang dalawang kutsarang apple cider vinegar at dalawang kutsarang tubig sa vase bago ilagay ang mga bulaklak dito. Ang suka ay nagsisilbing antibacterial agent, habang ang asukal ay nagsisilbing additional flower food.

2. ASPIRIN. Ihalo ang durog na aspirin sa vase na may bulaklak. Sey ng experts, ang aspirin ay magpapababa ng pH level ng tubig, at magpapabilis ng ‘pag-travel’ nito sa bulaklak, kaya napipigilan ang mabilis na pagkalanta nito.

3. BLEACH. Maglagay ng ¼ teaspoon ng bleach sa iyong vase ng fresh flowers at mananatili itong fresh. Mapapanatiling malinaw ng bleach ang tubig dito, gayundin, magsisilbi itong panlaban sa bacteria.

4. COPPER COINS. Para mapanatiling fresh ang mga bulaklak, maglagay ng copper na barya dahil ito ay magsisilbing acidifier at panlaban sa bacteria growth. Sa ika-apat na araw, ang mga bulaklak ay magbu-bloom nang mas maganda.

5. FLOWER FOOD. Ang pagdaragdag ng flower food sa vase ng fresh flowers ay subok nang paraan para mapanatiling fresh ang mga bulaklak sa mahabang panahon. Kaya para sa mga walang time mag-experiment, go na kayo rito.

6. FRIDGE. Ilagay ang bouquet sa fridge nang walong oras kada gabi. Ayon sa mga eksperto, ang mga bulaklak ay nagtatagal sa malamig na temperatura at ito ang nakakatulong sa mabagal nitong paglanta o pagtanda.

7. SODA. Maglagay ng ¼ cup ng soda sa vase. Ang sugar na nasa soda ay nakakatulong upang magtagal ang bulaklak, gayundin, magiging mas matamis ang amoy nito.

8. VODKA. Ang ilang patak ng vodka ay may ibang epekto sa mga bulaklak. Ang ‘spirit’ ng vodka ay pumipigil sa ethylene production, isang ripening gas na nakakatulong upang mag-mature ang mga halaman, at nagpapabagal ng paglanta ng mga bulaklak.

Totoong napakasarap makatanggap ng flowers mula sa ating mga mahal sa buhay. Kaya naman, let’s make sure na mapapahaba natin ang panahon na fresh ito. Magandang paraan ito para maipakita at maiparamdam na pinahahalagan natin ang anumang ibinigay sa atin.

Gets mo?

Bukod sa walang palpitations at sakit ng ulo… Alamin: Mga benepisyo ng matcha

ni Jersy L. Sanchez @Life & Style | January 30, 2023

Knows n’yo ba na usong-uso ngayon ang matcha?

Kilala ang matcha dahil sa kulay nitong nakakarelaks tingnan at patok itong flavor ng ilang inumin at pagkain dahil sa kakaiba nitong lasa. Ilan sa mga nausong inumin ang matcha milktea, matcha latte, gayundin ang matcha-flavored pastries at kung anu-ano pa.

Para sa kaalaman ng lahat, ang matcha ay powdered o pinulbos na uri ng green tea mula sa Japan na iniinom sa loob nang 1,000 taon. Gayundin, ito ay pinalalaki at inihahanda sa ibang paraan, kaya naman ito ay kakaiba sa regular green tea, na may mataas na caffeine content.

Gayunman, hindi lang ito tinatangkilik dahil magandang tingnan kundi dahil sa napakarami nitong benepisyo sa ating kalusugan. Anu-ano ang mga ito?

1. PANLABAN SA PAMAMAGA. Nakakatulong ang matcha na mabawasan ang pamamaga. Gayunman hindi lamang ang mga antioxidants sa matcha ang may anti-inflammatory properties kundi maging ang iba pang compounds tulad ng phenolic acid at chlorophyll. Ayon sa mga eksperto, ang pag-inom ng matcha ay nakakabawas ng sintomas ng iba’t ibang sakit at kondisyon na may kaugnayan sa inflammation tulad ng diabetes at arthritis.

2. NAGPAPALAKAS NG IMMUNE SYSTEM. Yes, besh! ‘Yan ay dahil may dalawang compound ang matcha na nakakatulong upang mapalakas ang immune system, na nagiging daan naman upang malabanan ang mga karamdaman. Ang mga compound na ito ay may catechins, phenolic compounds na mataas ang antioxidants, at quercetin, isang bitter compound na natatagpuan sa maraming prutas at gulay. Gayundin, ang catechin at quercetin sa matcha ay mayroong antiviral properties, na nakakatulong upang labanan ang COVID-19 at flu.

3. INAAYOS ANG BLOOD SUGAR LEVEL. Kung ikaw ay may diabetes o may risk na magkaroon nito, makakatulong ang matcha sa pag-regulate ng iyong blood sugar level. Partikular umano ang polyphenols sa matcha na nakakapagpabagal ng absorption ng glucose, at nakakapagpababa ng tsansa na magkaroon ng blood sugar spike. Gayundin, dahil nakakapagpababa ng blood sugar level ang matcha, nakakatulong din ito sa pagpapababa ng timbang.

4. PANLABAN SA ALZHEIMER’S DISEASE. Ang rutin, isang flavonoid ay nakakatulong umano upang maprotektahan ang utak laban sa neurodegenerative condition tulad ng Alzheimer’s disease. Bukod pa rito, mabisa ang matcha pagdating sa pagpopokus at stress management. Sa isang pag-aaral, ang mga taong kumokonsumo ng matcha ay mas nakakapag-perform nang maayos habang isinailalim sa test na may kaugnayan sa attention, memory at writing kumpara sa mga kumonsumo ng pure caffeine.

5. GOOD SA PUSO. Base sa pag-aaral, ang caffeine at polyphenols sa green tea ay nakakapagpaganda ng kalagayan at nakakapagpababa ng inflammation sa puso. Gayundin, maaari umanong makatulong ang green tea na malabanan ang mga serious medical condition tulad ng heart failure at stroke.

6. PANLABAN SA KANSER. Ang catechins, polyphenols at Vitamin C sa matcha ay nakakatulong upang mapigilan ang paglaki ng cancerous cells, gayundin ang metastasis o pagkalat ng kanser sa katawan.

Kung may mga benepisyo ang matcha, mayroon din itong negatibong epekto. Paliwanag ng mga eksperto, dahil sa taglay na caffeine ng matcha, mayroon ding masamang dulot ang sobrang pagkonsumo nito tulad ng anxiety, migraine, insomnia at caffeine dependence.

Bagama’t batid nating may mabuting naidudulot sa katawan ang caffeine na taglay ng matcha, palagi nating paalala na ang lahat ng sobra ay nakakasama.

Kaya naman kung gusto n’yong masulit ang mga positibong epekto ng matcha, drink moderately.

Okie?