Tips para mas makatipid sa gastusin at mapaliit ang monthly bills

ni Jersy Sanchez - @Life & Style| March 7, 2021

Ayaw paawat ng pagtaas ng bilihin!

Kaya tuloy kahit necessities na lang ang laman ng iyong shopping cart, magugulat ka na lang dahil minsan, lagpas pa ito sa budget. Kaya ang ending, mai-stress ka kung saan kukuha ng pambayad sa iba pang bills dahil nagalaw ang budget.

Gayunman, para iwas-stress at epektibong pagba-budget, narito ang ilang tips para mas makatipid at mapababa ang inyong bills:

1. MAGPALIT NG HOBBIES. Knows n’yo ba na ang ating hobbies ay isa ring dahilan ng pagtaas ng bills? Yup, beshy! Kaya kung ang hobby mo ay ang panonood ng TV shows, paglalaro ng mobile games buong araw o magdamag, it’s time para sumubok ng ibang hobbies. May mga hobby na nakakarelaks at hindi kailangan ng gadgets at mobile data, kaya for sure, malaking tulong ito sa inyo, lalo na kung nagtitipid ka. Ilan sa hobbies na ito ay ang pagdo-drawing, pagsusulat at gardening. Knows n’yo ba na puwede rin itong pagkakitaan?

2. MAGING ABANGERS SA MGA SALE. Tutal, mahilig naman tayong mga Pinoy sa sale, ‘wag nating palampasin ang monthly sales sa online selling platforms at mall. Pero siyempre, dapat ay mga kailangan ang ating bibilhin at hindi kung anu-ano lang. Kung mas trip mo ang online shopping, maging wais sa pamamagitan ng palaging pagtse-tsek ng reviews at ratings ng shop para maiwasan ang pagkadismaya sa mga matatanggap na items.

3. BUMILI NG MARAMIHAN. Isa ito sa mga classic tip kung gusto mo talagang makatipid. Kaladasan kasi, mas mabababa ang wholesale price kesa sa pagbili ng paisa-isa. Pero beshies, bago bumili ng maramihan, make sure na sulit ito at talagang magagamit. Tipid ka na sa budget, less-effort din sa pagpapabalik-balik sa tindahan o grocery.

4. SUNDIN ANG MEAL PLAN. Knows n’yo ba na mas makatitipid kayo kung base sa weekly meal plan ang gagamitin n’yong listahan? Ito ay dahil maiiwasan ang overbuying o pagkukulang sa ingredients kung alam mo na kung anu-ano ang mga kakailanganin mo sa buong linggo. Kung may mga plano ka nang lutuin, ilista naman ang ingredients nito at ito na ang iyong magiging listahan.

5. PAG-ISIPAN ANG INTERNET AT DATA PROMOS. Kung ikaw ay estudyante at hindi puwedeng mawalan ng internet connection, it’s time para mag-isip kung paano mas makakatipid sa data. Mas makakatipid ba kung kukuha ng monthly subscription o magpapaload ng minimum of P50 per day?

6. VOUCHERS AT COUPONS PA MORE. For sure, marami na kayong naipon nito kaka-online shopping. Kaya para tipid, make sure na gagamit kayo nito, pero bago mag-checkout, itsek ang mechanics ng coupon o voucher. Halimbawa, may minimum spend bago maka-free shipping o kaya naman, piling produkto lang ang covered ng coupons.

7. ‘WAG CHOOSY SA BRAND. Sey ng experts, ang mga gamot na branded at generic brands ay may parehas na active ingredients na gumagamot sa sakit, kaya oks lang talaga na uminom ng generic brands lalo na kung tight ang budget. Gayundin, hindi lang gamot ang may generic brands dahil sa mga supermarket, mayroong “value brands”. Halos lahat ng basic necessities tulad ng pagkain, gamit sa pagluluto o paglinis ng bahay ay mayroon nito.

Sa lahat ng pagkakataon, mabuting magkaroon ng kaalaman sa “tipid hacks”. Tumaas man ang bilihin, hindi ka mahihirapang magtipid at kung mababa naman, ayos din dahil patuloy kang makakatipid.

Kaya mga beshy, ‘wag n’yong kalilimutan ang mga tips na ito at ibahagi na rin sa inyong mga kapamilya at kaibigan para sama-sama tayong makatipid ngayong 2021. Okie?

Tamang paglilinis para matanggal ang amoy ng damit na nabili sa ukay-ukay

ni Jersy Sanchez - @Life & Style| March 2, 2021

Sino pa bang hindi nakakapag-ukay-ukay? For sure, marami na sa atin ang halos tambay sa ukay-ukay dahil bukod sa mura ang mga damit doon, kadalasan ay branded at maganda pa ang quality. Agree?

Pero hindi lang tiyaga sa paghahanap ng mga bet nating bilhin ang ating kailangan dahil pagkatapos mag-shopping ay kailangan naman nating labhan ang mga ito bago suotin. Kaya ang tanong, paano nga ba ang tamang paglilinis ng mga damit o gamit na nabili sa ukay-ukay?

Worry no more dahil narito na ang ilang tips para malinis nang maayos at matanggal ang amoy ng ating “ukay finds”:

1. FOR “DRY CLEAN ONLY”. Para maiwasan ang damage sa damit, gawin ang dry cleaning. Ang kemikal na ginagamit sa dry cleaning ay tinatawag na perchloroethylene, isang germ at bacteria-killing machine.

2. FOR STURDY, MACHINE WASHABLE PIECES. Gumamit ng mainit na tubig, gayundin, patuyuin ang mga ito gamit ang highest heat. Oks lang na paabutin sa 140-150 F ang temperatura sa cleaning process para mapatay ang anumang germs, bed bugs at itlog nito.

3. FOR DELICATES. Hugasan ito gamit ang kaunting baby shampoo na nakahalo sa anti-bacterial hand soap. Beshies, applicable rin ito sa mga damit na hindi kaya ang mataas na temperatura ng dryer.

4. SHOES & ACCESSORIES. Yes, besh, kailangan din nila ng cleaning! Punasan lamang ito ng alcohol o disinfectant wipe, pero bago ito tuluyang linisin, gawin muna ang spot test para makasigurado na hindi masisira ng solution ang material.

Ngayong alam na natin kung paano lilinisin ang ating “ukay finds”, narito naman ang mga hakbang para matanggal ang amoy nito:

• BAKING SODA. Ibudbod ang baking soda sa damit na nais tanggalan ng amoy at ibabad ito sa loob ng ilang oras bago labhan. Baligtarin ang damit at ilatag sa sahig na may sapin at saka budburan ng baking soda ang bawat side at ibabad. Pagkalipas ng ilang oras, puwede na itong idiretso sa washer at saka labhan.

• VINEGAR. Maglagay ng 1/2 cup ng suka sa “rinse” cycle ng iyong washer o palitan ng suka ang iyong detergent at gawin ang paglalaba sa iyong nakasanayang paraan.

Gayunman, kung gagamitin itong pamalit sa sabon, ang 1/2 cup ay kasya na sa “small load”, pero gawin itong 1 cup kung mas marami ang lalabhang damit. Ang suka ay hindi lamang nagtatanggal ng amoy at nakapagpapa-fresh sa mga damit dahil kaya rin nitong palambutin ang mga ito. Make sure lang na distilled white vinegar o ‘yung clear ang inyong gagamitin.

• NATURAL MINERALS. Gumamit ng laundry enhancer na mayroong four earth minerals – soda ash, magnesium oxide, zinc oxide at titanium dioxide – na nagnu-neutralize ng chemical odors, sweat at body odors, fragrances at perfumes, mildew smell, storage smells at iba pa.

Para gamitin, maglagay ng isang scoop sa washer kasama ang regular detergent saka labhan ang mga damit na nais linisin.

Mga beshies, madali lang, ‘di ba? Kaya sa susunod n’yong ukay-ukay shopping, make sure to try these steps para mas komportable at pak na pak nating mairampa ang ating “ukay outfits”. Gets mo?

‘Di lang pala kakulangan sa tulog, besh!...

Allergies, paninigarilyo at pag-inom ng alak, sanhi ng dark under-eye!

ni Jersy Sanchez - @Life & Style| February 28, 2021

Isa sa mga pinaka-ayaw natin ay ang pagkakaroon ng dark under-eye. ‘Yung tipong, mukha tayong pagod kahit may sapat naman tayong tulog. ‘Kainis, ‘di ba?

Well, knows n’yo ba na hindi lang kakulangan sa tulog at pahinga ang tunay na sanhi ng pagkakaroon ng mala-panda nating mga mata? Yes, besh!

Kaya naman, narito ang iba’t ibang sanhi ng pagkakaroon ng nakakairitang dark circles:

1. KULANG SA TULOG. Sey ng experts, ang sleep deprivation ay nagreresulta sa pagiging maputla ng ating balat. Gayundin, ang blood vessels sa ilalim ng ating balat, kaya mas nagiging halata o obvious ang ating dark circles. Dahil dito, inirerekomendang magkaroon ng pito hanggang walong oras ng tulog kada gabi upang mabawasan ang dark circles.

2. PAGTANDA. Yes, beshy! Ito ay dahil ang mga tissue sa paligid ng ating mga mata ay numinipis, kaya nagmumukha itong puffy at namamaga. Gayunman, may ilang treatment para sa age-induced under-eye circles tulad ng fillers at laser therapy. Pero wait lang, dahil hindi lahat ay puwedeng sumailalim sa mga procedures na ito kaya mabuting kumonsulta muna sa inyong doctor.

3. ALLERGIES. Ang allergy at dry eyes ay isa rin sa mga dahilan ng pagkakaroon ng dark under-eye. Ayon sa mga eksperto, kapag nagkaroon ng allergic reaction, ang katawan ay nagre-release ng histamins, na nagdudulot ng pangangati at pamumula ng mga mata at kapag kinamot ang mga ito, tataas ang irritation, pamamaga at appearance ng dark shadows.

Kung ikaw ay nakararanas ng ibang allergy symptoms tulad ng makating mga mata, pagbahing o congestion, allergies ay dahilan ng inyong dark circles.

1. GENETICS. Habang maraming environmental causes ang pagkakaroon ng dark circles, sey ng experts, ito ay maaari ring genetic o namamana. Sa isang pag-aaral noong 2015, na nai-publish sa Brazilian medical journal, napag-alaman na ang family history ang may pinakamalaking factor sa pagkakaroon ng dark circles, kung saan ang average age ay ang mga kalahok na nasa edad 24. Gayunman, napag-alaman din na ang collagen level at melanin production ay may kaugnayan sa dark circles.

2. IRON DEFICIENCY AT ANEMIA. Ang anemia ay isang kondisyon tungkol sa kakulangan ng red blood cells at ito ay kadalasang dahil sa kakulangan ng iron sa diet. Sa pagkakaroon ng anemia, hindi kayang magdala ng blood cells ng sapat na oxygen sa body tissues, kabilang na ang nasa ilalim ng mga mata. Ayon sa isang pag-aaral noong 2014 na na-publish sa Indian Journal of Dermatology, napag-alaman na ang kalahati ng 200 pasyente na may dark circles ay mayroong iron deficiency anemia. Bagama’t hindi tuluyang nawala ang kanilang dark eye circles nang tugunan ang anemia, maraming pasyente ang nakaranas ng improvement sa kanilang kalusugan nang magamot ang anemia. Dahil dito, inirerekomenda ng mga eksperto ang healthy diet, kabilang ang mga pagkaing mayaman sa iron tulad ng spinach, beans at seafood.

3. PANINIGARILYO AT PAG-INOM NG ALAK. Sey ng experts, ang paninigarilyo at pag-inom ng alak ay nagde-dehydrate sa balat, kaya nagkakaroon ng dark circles. Ang pag-inom ng alak ay nagreresulta sa paglaki ng blood vessels sa ilalim ng mga mata, kaya mas nagiging prominent o kapansin-pansin ang dark circles. Gayunman, ang pag-inom ng alak ay may negatibong epekto sa pagtulog.

Dagdag pa ng mga eksperto, ang carbon monoxide sa sigarilyo ay nagde-deprive ng oxygen sa balat, kaya mas nagmumukha itong dark sa mga areas na manipis ang balat, tulad ng under-eye. Ang paninigarilyo naman ay nagpapabilis ng skin aging dahil nasisira nito ang collagen.

Sa true lang, maraming sanhi ang dark circles sa ilalim ng bating mga mata, pero sa ibang kaso, ito ay posibleng senyales ng sakit tulad ng anemia.

Kaya kung ang inyong dark circles ay hindi nawawala kahit mayroon kayong sapat na tulog o at-home remedies, mabuting kumonsulta na sa inyong doktor upang malaman ang tunay na sanhi nito. Keri?