ni Jemuel C. Salterio @Talbog | Nov. 15, 2024
‘Kaloka, mga Ka-BULGARians, usap-usapan talaga nitong nakaraang linggo ang isang kontrobersiyal na blind item na bumabandera sa social media.
Ayon sa tsika, diumano’y may sikat na “mature heartthrob” at isang fresh na “batang hunk” na nahuli raw nagkulong sa CR nang matagal.
Sa dami ng names na lumabas sa comments at chismis boards, napunta kina Piolo Pascual at Kyle Echarri ang mga hula ng mga Marites.
Pero bago pa tayo magbigay ng violent reactions, isang media team ang bumisita sa set ng kanilang teleserye na Pamilya Sagrado (PS) para maghanap ng katotohanan sa likod ng chismax.
At ayon sa isang senior staff ng show, “‘Wag tayong marupok sa mga fake news!”
Ipinahayag niya na super unlikely daw mangyari ang tsismis na ito dahil bihirang magkita o magsabay sa set sina Papa P at Kyle.
“Mga dai, separate ang mga unit team at locations nila,” ayon sa source.
Kapag nagkataong magkasabay man sila sa set, may kani-kanya silang tent na tambayan. Si Papa P ay may sariling tent na solo niya lang — yup, solo flight kasama ang kanyang personal assistant at makeup artist lang. Si Kyle naman ay ka-tent ng iba pang male actors.
At eto pa, mga ateng, isang pasabog pa mula sa production head mismo: “Mga mare, ‘di po shared restroom ang setup natin dito!”
Kasi naman, mga portable CR units lang ang meron sa set — so isa lang ang puwedeng pumasok sa loob at hindi kayang mag-share ang dalawa o higit pa.
Kung may kahit anong kakaibang ganap, sure na sure na mahuhuli dahil ang daming nakabantay sa paligid—mga crew, staff, at ibang talents!
Ang pakiusap ng production head sa mga fans at mga netizens:
“Mga nini, let’s respect our artists. Ang closeness nina Piolo at Kyle ay purong friendship at professional level lang. Both of them are dedicated to their work at hindi basta-basta mag-e-engage sa mga ganitong drama na puwedeng makasira sa careers nila.”
So, mga beshy, relax lang! Huwag nating gawing big deal ang closeness nila. Mag-move on na tayo sa mga baseless chika na ‘yan at suportahan na lang natin ang mga projects na talagang pinagpaguran nila.
‘Yun na! Ambulancia! #Talbog
Nasa magkabilang dulo ng sinehan…
KYLINE AT MAVY, DEDMAHAN AT IWASAN SA PREMIERE NIGHT
Bongga ang naging red-carpet premiere ng trending movie ngayon na Hello, Love, Again (HLA), kung saan rumampa ang mga bida na sina Kathryn Bernardo at Alden Richards.
Ngunit ang mas ikinaloka ng mga fans nu’ng gabing ‘yun ay ang unexpected appearance ng exes na sina Kyline Alcantara at Mavy Legaspi—na medyo may awkward moment!
Ang mga kiyeme ay nagsimula nang unang magpakita si Kyline, kasama ang nali-link dito na si Kobe Paras. Kung gaano ka-slay ang outfit ni Kyline, ganoon din kataas ang energy ng mga fans na todo-cheer sa kanila ni Kobe.
Pero, hala! As in biglang shookt ang lahat nang maya-maya’y umariba rin sa red carpet si Mavy kasama ang kanyang sisterette na si Cassy Legaspi.
Sa loob ng sinehan, dumistansiya ang dalawa. Umupo si Mavy sa dulong bahagi kasama si Cassy, habang si Kyline ay nasa opposite side with Kobe. Ang distance nila, bes, parang Grand Canyon!
Pero heto ang chika. Ang movie ay tungkol sa mga heartaches at second chances, at base sa mga Marites na nakisawsaw sa event, natanong nila kung naka-relate kaya ang dalawa sa KathDen characters? Lalo na at ang pelikula ay humakot na agad ng P85 million sa first day pa lang at showing sa almost 700 cinemas nationwide. ‘Kaloka!
Matapos ang screening, nag-stay sina Mavy at Cassy sa kaliwang hagdan kasama ang iba nilang friends para batiin ang cast. In fairness, todo-cheer din sila kina Kath at Alden, ha! Kaya naman sa kabilang hagdan na dumaan sina Kyline at Kobe—at take note, obvious daw na medyo iwas-iwas para hindi sila mag-abot. Hala, mga ateng, dedma levels talaga!
Eto na lang ang masasabi natin, kung pang-movie ang pelikula nina Kathryn at Alden, pang-dramaserye naman ang eksena nina Kyline at Mavy sa gabing iyon.
‘Yun na! Ambulancia! #Talbog
