Mahigit 1,000 pulis idineploy sa Central Luzon para sa Semana Santa

ni Jasmin Joy Evangelista | April 6, 2022

Mahigit 1,000 pulis ang idineploy sa mga key areas sa Central Luzon upang masiguro ang kapayapaan sa panahon Semana Santa at summer vacation.

Ayon kay Brig. Gen. Matthew Baccay, chief of Police Regional Office 3, itinagubilin na niya sa lahat ng local police directors na i-assist ang mga motorista at commuters bilang parte ng kanilang public safety campaign.

“We have already deployed more than 1,000 personnel regionwide on April 1,” ani Baccay.

Aniya pa, dadagdagan ng kapulisan ang kanilang foot and mobile patrols. Nag-set up din sila ng mga Police Assistance Desks/Centers were also set up.

“Road safety marshals are being deployed to convergence points, particularly in bus terminals, airports, seaports, and recreational areas including highways, main thoroughfares, and crime-prone areas, to ensure maximum police presence,” pahayag pa ni Baccay.

Nakaalalay din sa mga kapulisan ang force multipliers at auxiliary forces, kabilang ang Barangay Peacekeeping Action Teams at radio net groups.

2 patay, 4 sugatan sa car crash sa Baguio City

ni Jasmin Joy Evangelista | April 6, 2022

Patay ang dalawang katao habang sugatan ang apat nitong kasama matapos bumangga sa flyover railings ang sinasakyan ng mga ito na Tamaraw FX nitong Miyerkules ng madaling araw sa Magsaysay Avenue sa Baguio City.

Kinilala ang mga nasawi na sina Cherry Lyn Monte Sasa, 25, at Rodel Polano, 18. Sugatan naman sina Fe Serafino Trino, 25; Dariel Pacalso Soligan, 21; Jonar Talabing Taukan, 17; at Marson Anhibey Sab-it, 18.

Ayon sa pulisya, bandang 1 a.m. ay binabaybay ng mga biktima ang bayan ng La Trinidad sa Benguet nang maganap ang aksidente.

Bumangga umano sa railings ang sasakyan bago ito magpaikot-ikot.

Dead on the spot si Sasa habang namatay naman sa ospital si Polano. Ang iba pang biktima ay agad na itinakbo sa Baguio General Hospital and Medical Center at iniuwi rin sa kani-kanilang tahanan matapos bigyan ng paunang lunas.

P-Duterte inihayag ang dahilan kung bakit walang susuportahan sa pagkapangulo

ni Jasmin Joy Evangelista | April 6, 2022

Sa kanyang Talk to the People nitong Martes, muling inihayag ni Pangulong Rodrigo Duterte na wala siyang susuportahang presidential candidate.

Gayunman, muli niyang inihayag ang pagsuporta sa kandidatura ng kanyang anak na si presidential bet Mayor Sara Duterte-Carpio.

“I"m just announcing wala akong kandidato sino man sa pagka-presidente. I remain neutral. Ang akin kasi eh presidente ako tapos magkampi ako ng isa. Magdududa yung [iba na] ginagamit ko yung resources ng gobyerno, magulo na,” paliwanag ng pangulo.

“Kaya nga wala kaming kandidato except of course my daughter. So I have to mention her because she is my daughter ano man ang dynamics namin sa mga party nila, anak ko yan eh so yun," dagdag niya.

Mayroon din umano siyang mga senador na sinusuportahan pero wala siyang binanggit na pangalan.

"Ang isa pati yung mga senador na gusto ko sana ilagay diyan but I am not mentioning any names I"m just trying to avoid politicking baka masabit tayo sa Comelec (Commission on Elections),” aniya pa.

Ayon naman kay Inday Sara, igagalang niya ang desisyon ng kanyang ama kung hindi man ito mag-endorso ng kandidato.