Ibinulgar na siya ang nagyayaya ng sex… TONI, NAPIKON KAY DIREK PAUL, SINOPLA

ni Janiz Navida @Showbiz Special | Feb. 18, 2025

Photo: Toni at Direk Paul - Alex Gonzaga Official

Nag-trending sa social media ang part ng latest vlog ni Alex Gonzaga sa YouTube Channel nito kung saan napag-usapan ang “private thing” sa buhay ng isang couple. 

Dahil Valentine special ang inilabas na vlog ni Alex, special guests niya ang mister na si Mikee Morada at ang mag-asawang Toni Gonzaga at Direk Paul Soriano.

Maraming napag-usapan ang dalawang couples tungkol sa kani-kanilang relationship, pero mas nakaagaw ng pansin ng mga netizens ang pagbubulgar ni Direk Paul na si Toni raw ang mas madalas magyaya ng sex. 

“Siya na talaga ang nagyayaya ng sex all the time,” kaswal lang naman na sabi ni Direk Paul na sinagot ni Toni ng “Huwag mo nang iano ‘yun.”

Naloka siguro si Toni sa panlalaglag ng mister dahil ‘di naman siya tulad ni Alex na very vocal sa mga ganitong usapin. 

Well, ang masasabi lang namin, ang taong tahimik, delikado ‘pag na-hot seat, hahaha!!! 

---

Pamilya, nasira raw dahil sa pulitika… 

DIREK LINO, AYAW SUPORTAHAN NI SEN. ALAN SA PAGKA-CONG., KALABAN ANG INEENDORSO

Hindi maiwasan ng entertainment press ang ma-sad at maapektuhan sa inamin ni Direk Lino Cayetano kahapon sa ipinatawag na mediacon ng Regal Entertainment producer na si Ms. Roselle Monteverde para sa tumatakbong congressman sa 1st District ng Taguig-Pateros sa upcoming May elections. 

Inamin kasi ng direktor at minsan na ring naging mayor ng Taguig na may conflict ngayon sa kanilang pamilya at hindi suportado ng kanyang Kuya Alan Peter Cayetano at ng misis nitong si Mayor Lani ang pagtakbo niyang congressman, at sa halip, ang kalaban daw niya ang ineendorso ng mga ito. 

Nalulungkot man si Direk Lino, ayaw niyang magalit o sumama ang loob sa kanyang kuya at sis-in-law at sinusubukan pa rin naman daw niyang ligawan ang mga ito para makumbinse na siya ay suportahan. 

Ang kanyang Ate Pia Cayetano ay may sarili rin naman daw buhay at pinagkakaabalahan kaya ayaw muna nitong makialam sa mga hindi nila pinagkakasunduan ni Sen. Alan. 

Pero nu’ng una naman daw na magkaroon sila ng hindi pagkakaunawaan ni Sen. Alan, namagitan na rin si Sen. Pia, kaya lang, mukhang hindi pa tamang panahon para maayos sila noon. 

Hindi rin masabi ni Direk Lino na suportado siya ng kanyang ate sa pagtakbo niyang

cong., pero umaasa siyang makumbinse rin ito.

Pero may binitawan ding linya si Direk Lino na “I’m not saying na hindi importante ang suporta ng pamilya, pero ‘di ba dapat, mas makuha ko ang suporta at tiwala ng mga taga-Taguig-Pateros?”

Idiniin din niyang hindi siya pulitiko at ikinalulungkot niya ang pagkasira ng kanilang pamilya dahil sa pulitika. 

Gusto lang daw niyang maging cong. dahil nakita niyang marami siyang puwedeng

iambag at magawang pagbabago at public service ang hangad niya at hindi maging pulitiko. 

Umaasa rin siyang pagkatapos ng eleksiyon ay makakapag-usap rin silang magkakapamilya at muling magkakaayos, lalo’t inamin ni Direk Lino na super close pala sila ng kanyang Kuya Alan noon bago pa nangyari ang hindi nila pagkakasundo dahil sa magkaiba nilang pananaw sa pulitika. 

Natanong nga namin kung gusto ba niyang isapelikula ang mala-telenobela nilang buhay at natatawang sagot ng direktor, boring pa raw ng lagay na ‘yan ang kanilang life story. Although kung may gaganap bilang siya, gusto niya si Ian Veneracion. 

Samantala, co-producer ng Regal ang Rein Entertainment ni Direk Lino sa upcoming horror movie na The Caretakers na palabas na sa Feb. 26 at bida sina Iza Calzado at Dimples Romana mula sa direksiyon ni Shugo Praico.

Mga Pinoy, nakilala bilang singers dahil sa kanila… KZ, SB19, LEA AT MARCELITO, SIKAT SA CHINA

ni Janiz Navida @Showbiz Special | Feb. 17, 2025

Photo: SB19, BINI, KZ at Lea - Instagram

Sina KZ Tandingan, SB19, Lea Salonga, Marcelito Pomoy, Jericho Rosales at Kristine Hermosa pala ang mga sikat at kilalang Pinoy celebrities sa China.

Nalaman namin ito nang makilala at makausap namin ang Pinay teacher from Palawan na may 13 yrs. nang nagtuturo sa Hubei, China, si Teacher Marianne Lourdes Leonor.

Naging guest siya sa Pandesal Forum ng showbiz colleague-entrepreneur na si Wilson Flores ng Kamuning Bakery last Feb. 14.

Naikuwento ni Teacher Mary (tawag sa kanya ng mga students niya sa China) ang kanyang inspiring life as an OFW at bumilib sa kanya si Dr. Cecilio K. Pedro, ang president ng Federation of Filipino Chinese Chambers of Commerce and Industry, Inc. (FFCCCII) kaya ipinakilala rin siya sa press para mai-share nga ang mga struggles at achievements niya bilang Pinay habang nagtatrabaho sa Hubei, China.

Isa sa mga naitanong namin kay Teacher Mary ay ‘yung system of education sa China kumpara rito sa ‘Pinas. Na-curious kasi kami kung bakit ang galing sa business ng mga Chinese, na baka may puwedeng matutunan ang mga Pinoy at mai-apply dito sa atin para makatulong sa ating ekonomiya.

Sagot ni Ms. Mary, ibang-iba raw ‘yung sistema ng edukasyon sa kanila kumpara sa atin dahil primary grades pa lang daw sa China, inihahanda na para sa entrance exam sa college at talagang very disciplined at focused daw sa pag-aaral ang mga bata ru’n.

In fact, kung sa atin, 5 days lang ang pasok, sa China raw, minsan kahit Saturday ay may pasok para sa training ng Math o anumang subject na mahina ang student.

Sa English naman daw, may 8 classes a week para matutukan kung saan subject sila mahina.

Actually, kung magpo-focus lang daw ang mga estudyante rito sa atin sa pag-aaral, hindi naman malayong maabot natin ang pagiging advanced ng China technology wise.

Meanwhile, naitanong nga rin namin sa kanya kung sino ang mga sikat na celebrities sa China at ‘yun nga, sina KZ, SB19, Lea, Marcelito, Echo at Kristine (ng Pangako sa ‘Yo) ang mga kilala nila ru’n.

Si KZ kasi ay nag-join sa biggest singing competition in China titled Singer 2018 kung saan nakalaban pa niya si Jessie J, kaya kilala siya ru’n.

Ang SB19 naman ay nakilala raw ng mga Chinese kids dahil sa kanta nilang Gento.

Ani pa ni Ms. Mary, kilala raw ng mga Chinese ang mga Pinoy bilang mga “singer” dahil nga sa dami ng talented kababayans natin sa larangan ng pagkanta.

Very colorful ang naging buhay ni Teacher Mary sa 13 yrs. niya sa Hubei, China kaya kung gagawin siguro sa Magpakailanman ang life story niya, mas maraming Pinoy ang mai-inspire sa kanyang buhay-OFW.

---

ALAM kaya ng sikat na aktor na isinusuka siya ng mga ka-village niya?

May nakarating sa aming info na galit na galit sa aktor at talagang isinusuka siya ng mga kapitbahay at members ng kanilang HOA (home owners association) dahil naturingan pa naman daw na may posisyon sa gobyerno ang sikat na aktor, pero wala itong ginagawa para masolusyunan ang ‘major-major’ problem sa kanilang village.

Ang kuwento rito, nawalan ng supply ng tubig sa village dahil sa internal problem na involved ang ilang humahawak sa HOA.

Dahil may posisyon nga ang aktor, nilapitan siya ng mga kapitbahay at kalugar niya para umaksiyon na at masolusyunan ang kanilang malaking problema.

Ang siste, wala raw ginawa at dedma ang aktor kaya galit na galit ang mga kalugar niya at ang iniisip nila, either tamad lang talaga ang sikat na aktor kahit pa may posisyon naman ito sa gobyerno o may pinoprotektahan-iniiwasan itong makabangga kaya ayaw manghimasok at makialam sa problema ng kanyang mga kalugar.

Tsk! Gusto naming bigyan ng benefit of the doubt ang aktor dahil nakilala naman namin itong may kusang-loob sa pagtulong.

Baka nagkaroon lang ng miscommunication sa pagitan ng aktor at ng mga lumapit sa kanya kaya hindi niya natugunan ang tulong na hinihingi ng mga kalugar.

Sana’y mabasa ng aktor ang blind item na ito at matukoy niya ang sarili para magkusang-loob na siyang ayusin ang relasyon niya sa mga kapitbahay at kalugar.

Nagkaiyakan daw sila ni Jessy… LUIS, NAWALAN NG 4 NA ENDORSEMENTS DAHIL SA PULITIKA

ni Janiz Navida @Showbiz Special | Feb. 14, 2025

Photo: Luis Manzano - Instagram

“Nagkaiyakan kami ng asawa ko,” ang diretsong pag-amin ni Luis Manzano sa ginanap na 3rd Barako Festival sa Lipa, Batangas kahapon nang matanong tungkol sa naging desisyon niyang tuluyan nang pasukin ang pulitika para tumakbong vice-governor ng Batangas ka-tandem ang kanyang inang si Star for All Seasons Vilma Santos-Recto na nagbabalik naman para maging governor ng lalawigan.

Si Ate Vi ang unang nagsabi na hindi naging madali ang pangungumbinse niya sa kanyang panganay na tulungan siya sa pagbabalik-public service niya sa Batangas dahil alam niyang maraming maisasakripisyo si Luis na isa na ngayong padre de familia.

Sa ilang naging termino ni Ate Vi bilang mayor at congresswoman ng Lipa at governor ng Batangas, alam niya ang mga puwedeng mawala kay Luis sa showbiz bilang host at endorser tulad din ng nangyari sa kanya nang pasukin niya ang pulitika.

Nagpakatotoo naman si Luis na bukod sa namaalam na nga muna siya bilang host ng Rainbow Rumble, nawalan din siya ng 3 to 4 endorsements mula nang i-announce niya na tatakbo siyang vice-governor.

Hindi rin naging madali para kay Jessy ang tanggapin ang desisyon ni Luis dahil nu'ng BF-GF pa nga lang daw sila, nagbitaw na siya ng pahayag na hihiwalayan niya si Lucky kapag tumakbo ito sa pulitika.

At ngayon ngang finally ay susundan na rin ni Luis ang yapak ng inang si Ate Vi sa pulitika, maging si Jessy ay pansamantala munang ‘di tumanggap ng mga shows gayung dapat ay magbabalik-showbiz na ito this year at may gagawing serye katambal si Gerald Anderson.

Para kay Jessy, bagama't tutol siya sa pagpasok ni Luis sa pulitika, bilang asawa, kailangan niyang irespeto ang desisyon ni Lucky at suportahan ito kaya willing siyang magsakripisyo para sa kanilang pamilya.

Marami naman sa mga nakarinig sa sinabi ni Luis kahapon kung paano siya nakumbinse ni Ate Vi na pasukin ang pagiging public servant ang bumilib dahil sa katwiran nilang mag-ina.

Ani Luis na sinabi raw sa kanya ni Ate Vi, “Anak, mabawasan ka man ng commercial, mabawasan ka man ng endorsement, mas masarap tulog mo dahil marami kang natutulungan.”

Oh, ‘di ba? Panalo talaga ang mga linyahan ng nag-iisang Star for All Seasons Vilma Santos, na ang maipapangako lang daw sa kanyang mga constituents sa kanyang pagbabalik-governor ay “Gusto ko lang na kung ano'ng para sa tao ay mapunta para sa tao.”

At bilang Batangueña at pagiging “barako” kahit pa isa siyang babae, ang tanging maipagmamalaki lang daw ni Ate Vi ay ang kanyang “word of honor” at pagiging totoo sa kanyang binitiwang salita.

Samantala, thankful si Ate Vi sa success ng third year ng Barako Festival kung saan mas sumigla ang turismo at kabuhayan ng mga taga-Lipa dahil maraming dumadayo sa ganitong okasyon.

---

Parehong mahuhusay at may strong personality sina Dimples Romana at Iza Calzado kaya ngayon pa lang, naku-curious na ang marami kung paano sila magsasalpukan sa pag-arte sa upcoming horror film ng Regal Entertainment na opening salvo nila for 2025, ang The Caretakers.

Masaya naman ang dalawa na kahit first time nilang magkakasama sa isang project, magkakilala na sila noon pa at kilala nilang mabuting tao ang isa't isa, bukod pa sa pareho rin silang mommies na ngayon kaya nakaka-relate sila sa kani-kanilang duties and responsibilities.

Pareho ring breadwinner noon sina Iza at Dimples kaya nang matanong namin kung paano sila bilang ‘caretaker’ ng kani-kanilang pamilya at kung hindi ba naging mahirap sa kanila ang isakripisyo ang kanilang career nang piliin nilang mag-asawa, sagot ng dalawa, hindi nila iniisip na sakripisyo ang mga ginawa nila para sa kanilang loved ones dahil ginawa nila ‘yun out of love.

Si Iza nga, hanggang ngayon pala ay sinusuportahan pa rin ang anak ng 3rd wife ng kanyang namayapa nang ama, na kahit ‘di naman niya tunay na kadugo ay itinuturing pa rin niyang kapatid.

Bongga, ‘di ba?

Anyway, palabas na ang The Caretakers sa Feb. 26 mula sa Regal Entertainment.