Kahit humirit na bombahin ang mga Chinese vessels sa WPS… SEN. ROBIN, GUSTONG IGAWA NG MOVIE NG CHINESE PRODUCER

ni Janiz Navida @Showbiz Special | Feb. 22, 2025

Photo: Robin Padilla - FB

May ilan palang Chinese producers na gustong ipag-produce ng movie si Sen. Robin Padilla. Ito ang naikuwento kahapon ng APPCU chairman at senatoriable na si Mr. Raul Lambino sa ginanap na Pandesal Forum sa Kamuning Bakery ni Sir Wilson Flores para sa press launch ng Award for Promoting Philippines-China Understanding (APPCU) 2025.

Nagse-celebrate this year ng 50th anniversary ng Philippines-China Diplomatic Relations at kasamang humarap sa media ni Mr. Lambino sina Sixto Benedicto (APPCU president), Dr. Rommel Banlaoi (former Deputy National Security Adviser), Dr. Lucio Pitlo III (Research Fellow, Asia-Pacific Pathways to Progress Foundation) at George Cham (civic leader of Pangasinan province).

Sa one-on-one chikahan with Atty. Lambino (yes, isa siyang abogado at naging kliyente rin daw niya si the late Manoy Eddie Garcia), naikuwento nga niyang may mga Chinese producers na gustong gawing movie ang naging buhay ng East King of Sulu na si Paduka Pahala para maipakita na thousand years ago ay may maganda nang relationship ang Pilipinas at China, maging sa aspeto ng trading.

Si Sen. Robin daw ang best choice at most qualified for the role dahil bukod sa politician na rin ito ngayon, multi-talented-awarded actor din daw ito at isa pang Muslim.

“If there is one Filipino actor who understands ‘yung mga nangyari about Muslim… and Sen. Robin is also a very avid historical researcher, nag-aaral talaga. I’m very, very impressed of Sen. Robin’s intellectual capacity,” papuri ni Atty. Lambino sa senador.

Tatlo ang naging asawa ni Paduka Pahala kaya kung sinu-sino ang gaganap na leading ladies ni Sen. Robin, bahala na raw itong pumili, na for sure, dapat ay aprubado ni Mariel Rodriguez.

Ipinaalala namin kay Atty. Raul na may nasabi noon si Sen. Robin na bombahin na lang ng water canyon ang mga Chinese vessels sa WPS dahil sa pambu-bully sa mga mangingisdang Pinoy doon. Hindi ba nagalit ang Chinese govt. sa aktor-senador at ngayon ay gusto pang gawan ng pelikula?

Sagot ni Atty. Lambino na malapit na kaibigan din pala ni Sen. Robin, naiintindihan naman niya kung bakit nakapagsalita nang ganu’n ang senador, at hindi naman daw naging dahilan ‘yun para magalit ang mga Chinese sa aktor-pulitiko.

Oh, well, abangan na lang kung magpu-push through ang pinaplanong pelikulang ‘yan lalo’t super busy pa si Sen. Robin sa Senado. 

---

Ex ni Karla na si Jam, pagbayaran daw ang pambubugbog sa kanya… “WALA NANG KASALANG MAGAGANAP” — JELLIE AW

Jellie Aw - FB

“WALA na pong kasal na magaganap,” ang diretsong sagot ng DJ na si Jellie Aw sa isang panayam patungkol sa kamakailang hirit ng ex-fiancé niyang si Jam Ignacio (na ex-BF din ni Karla Estrada) na patawarin niya ito matapos ang pambubugbog sa kanya at ituloy nila ang planong pagpapakasal.

Ayon kay Jellie — na medyo humupa na ang mga pasa at pamamaga ng mukha nang humarap sa media — napatawad na niya si Jam pero desidido siyang ituloy ang isinampang kasong physical abuse para pagbayarin sa nagawang pagkakamali ang ex-fiance.

Hindi raw puwedeng ikatwiran ni Jam na “napuno lang” siya kaya binugbog si Jellie dahil paano raw kung sakaling binigyan niya ng second chance ang BF at ulitin pa nito ang ginawa.

“Respeto na lang din po sa magulang ko kasi sobrang na-trauma rin po ‘yung mama ko, parang gabi-gabi po siyang umiiyak. Hindi ko kaya, hindi ko kayang ganu’n ‘yung nanay ko,” sabi pa ni Jellie nang magpunta sa NBI kahapon.

Inamin din ng DJ na mahal pa rin niya si Jam pero gusto niyang bigyan ito ng leksiyon sa pananakit sa kanya.

---

MARAMI naman ang nalungkot at kabilang na kami ru’n sa naging pag-amin kahapon ni Jeraldine Blackman na hiwalay na sila ng asawang si Josh Blackman.

Nag-post ng video si Jeraldine na iyak nang iyak, hindi raw niya alam kung paano sasabihing hiwalay na sila ng mister at humanap lang siya ng right timing.

Bagama’t obyus na in pain pa rin si Jeraldine, aniya ay magkaibigan pa rin naman sila ni Josh at co-parenting ang magiging setup nila sa kanilang dalawang anak na sina Jette at Nimo.

Una naming nakilala si Jeraldine nang i-launch siya bilang Beautederm ambassadress ni Ms. Rei Anicoche-Tan para sa Cristaux serum products nito.

Pero bago pa naging Beautederm ambassadress si Jeraldine, nakilala na ang Blackman Family sa nakakatuwa nilang vlogs at marami nga ang nagpa-follow sa kanila dahil sa kanilang ideal family.

Well, we wish na malagpasan ito ni Jeraldine, pero we’re also praying na sana ay magkaayos pa sila ni Josh at baka sakaling may second chance pa.

Misis at anak, join din sa politics, binutasan sa political dynasty… PACQUIAO: TAO NAMAN ANG PIPILI, WALA NAMAN TAYONG BATAS

ni Janiz Navida @Showbiz Special | Feb. 21, 2025

Photo: Manny Pacquiao - IG

Hindi apektado ang senatorial candidate na under ng Alyansa Para sa Bagong Pilipinas na si Sen. Manny Pacquiao sa ibinubutas sa kanyang pamilya na political dynasty. 

Bukod kasi kay Manny, tumatakbo rin ngang partylist representative ngayon ng MPBL ang misis ng Pambansang Kamao na si Jinkee Pacquiao at ang pangalawang anak nilang si Michael Pacquiao ay kumakandidato namang konsehal sa GenSan.

Nang makapanayam namin si Manny sa mediacon ng mga candidates ng Alyansa Para sa Bagong Pilipinas, hiningi namin ang opinion niya sa isyu ng political dynasty na madalas ibinabato sa mga magkakapamilyang kumakandidato tuwing eleksiyon.

Paliwanag ni Pacquiao, “Ako, wala naman akong problema d’yan basta maisabatas, di susundin natin. As long as wala namang batas, ano naman tayo, demokrasya naman tayo, ang taumbayan ang pipili, ang boboto, so respetuhin muna natin ngayon. ‘Pag may batas na, we must follow and submit.” 

Hindi pa raw niya masabi kung babalik pa siya sa showbiz sakaling manalong muli sa pagka-senador dahil sa ngayon, sa kampanya muna ang kanyang focus.

Well, let’s see kung ano’ng magiging kapalaran ng Pambansang Kamao this 2025 elections.

---

Fiancée, after dyombagin ng ex ni Karla…

JAM, TODO-PAKIUSAP NA ITULOY PA RIN NILA NI JELLIE AW ANG KASAL

Karla Estrada, Jam Ignacio at Jellie Aw - Instagram

Lumantad at nagbigay na ng pahayag ang controversial ex-BF ni Karla Estrada na si Jam Ignacio na matatandaang kamakailan ay inireklamo ng pambubugbog ng fiancée nitong DJ na si Jellie Aw.

Sa isang exclusive interview kay Jam ng GMA Integrated News nu’ng Feb. 19, sinabi nitong hindi siya nagtatago at naghanap lang ng tamang panahon para magsalita.

Humingi ito ng sorry sa ina at mga kapatid ni Jellie dahil pagod lang daw siya sa maghapong lakad nila nu’ng araw na mangyari ang pananakit niya sa fiancée.

"Tao lang din ako, Sir. Baka napuno lang din siguro ako. Hindi ko naman sinasabi na tama pero hindi ko para i-tolerate na gawin ulit. Humihingi ako ng tawad. Pasensiya na talaga. Sorry. Sorry sa lahat,” sabi ni Jam sa panayam sa kanya ni John Consulta ng GMA Integrated News.

Nagbigay din ito ng mensahe para kay Jellie Aw, "Hon, alam mo ‘yan kung gaano kita kamahal. Alam mo ‘yan kung gaano kita protektahan at bantayan. Sa lahat ng ginagawa mo, lagi akong nakasuporta sa 'yo.

"Sa lahat ng gusto mong gawin sa buhay, nakasuporta ako lagi sa 'yo. Sorry sa mga nangyari. Ipinapangako ko sa 'yo na hindi na mauulit ito. Sana, bigyan mo ako ng pagkakataon na ayusin natin ito pareho nang pribado at sa ating dalawa," pakiusap pa ni Jam kay Jellie.

Sa huli ay nakiusap itong ayusin pa nila ang gulo at gustong ituloy nila ang naplano nang kasal.

"Alam ko naman at alam mo din na mahal natin ang isa't isa. Marami tayong gustong gawin at pangarap. Sana, maayos natin at matupad natin. ‘Yun lang naman. Mahal na mahal kita.

"Alam mo na ikaw na ang gusto kong makasama na talaga. Alam mo ‘yan na may plano tayo na bumuo ng pamilya. Tuparin natin ‘yun. Nagmamakaawa ako sa 'yo. Sana, ayusin natin ito. Sorry sa lahat. Hindi na mauulit ito," dagdag pang pakiusap ng ex-BF ni Karla sa nabugbog na fiancée.

Hmmm… Dapat pa nga bang bigyan ng second chance? 

Vote now! Vote now daw talaga, oh! Char lang! Hayaan natin sila, buhay nila ‘yan!

---

MAGBABALIK na simula sa March 1 ang original Videoke Kantawanan Show ng bansa pagkatapos ng dalawang taon, ang Sing Galing, at handa na itong maghatid muli ng saya at katatawanan sa telebisyon.

Humarap sa entertainment press ang mga dati pa ring Singmasters ng show na sina Randy Santiago at K Brosas (via Zoom naman si Donita Nose) kasama ang mga OG Jukebosses na sina Jessa Zaragoza at Ethel Booba at ang mga bagong nadagdag sa show na sina Vehnee Saturno, Mitoy Yonting at Ella May Saison. 

Kasama rin si Nina na hindi nakarating sa mediacon. 

Muli ring aabutin ng Sing Galing ang mga kabataan sa pamamagitan ng Singtokers nilang social media sensations na sina Queenay, Gab Pascual, Ari G, at Yanyan De Jesus. Dapat ding abangan ang pagbabalik ng first-ever grand champion nitong si Marimar bilang co-host sa companion online show na NOW ZENDING, kasama si Zendee. Silang dalawa ang magbibigay ng eksklusibong digital content, backstage interactions, at special features na mas maglalapit ng mga kaganapan sa show sa mga manonood.

Tinanong namin ang mga Jukebosses kung ano bang hinahanap nilang mananalo sa Sing Galing sa bagong season nito.

Ani Mitoy, gusto niya ‘yung mas magaling sa kanya. ‘Yun din naman ang hanap ni Ella May na nagbabalik-music scene para sa Sing Galing dahil excited siya sa mga bagong breed of singers ngayon. Si Vehnee, ‘yung may distinct quality ang voice ang hanap.

Pero sabi ni Ethel, ‘di naman kailangang super-galing ng boses, ang importante ay may confidence sa pagkanta at magaling mag-perform para manalo. 

Magsisimula na ang Sing Galing ngayong March 1, 2025, at mapapanood tuwing SABADO, 5:45PM sa TV5. 

Maging updated sa mga pinakabagong ganap at exclusive content sa pag-follow sa Sing Galing on Facebook, Instagram, TikTok, X (@SingGalingTayo), at YouTube (@SingGaling).

Businessman na kasama sa casino… MARK, SINORPRESA SI JOJO, MAY PA-FLOWERS PA

ni Janiz Navida @Showbiz Special | Feb. 20, 2025

Photo: Jojo at Mark / Presscon via Bulgar

Nabitin ang entertainment press na ma-interview at mas makilala pa sana ang businessman-singer na si Jojo Mendrez na controversial ngayon matapos ngang pagpiyestahan sa social media ang nag-viral na photos nila ni Mark Herras habang magkasama sa isang hotel casino kamakailan.

Ang ganda pa naman sana ng opening ng album launching ng singer na binansagang “The Revival King” last Tuesday night sa Dapo Resto, QC dahil ipinakita sa media ang “rags to riches” life story niya na naikuwento niya sa isang old interview sa kanya ni Ms. Korina Sanchez.

Interesting and inspiring para sa amin kung paanong dati lang siyang inaapi-api nu'ng bata pa at pinalayas sa kanilang tinitirhan, pero ngayon ay isa nang successful businessman.

At dahil financially stable na nga naman si Jojo Mendrez, binigyan naman niya ng panahon na gawin ang isa pang love niya at ‘yun ay ang pagkanta.

Actually, nabanggit niya sa album launching ng kanyang latest single na Nandito Lang Ako after niyang mag-sign ng contract with Star Music (kasama niya sa photo si Jonathan Manalo) na kanyang record label na bukod sa trending revival song niyang Somewhere In My Past ni Julie Vega na may 45 million views na ngayon sa online platforms, nakapag-revive na rin siya ng isang APO Hiking Society song, Sana ni Florante at marami pang OPM hits.

Pero ang siste, habang kinakanta ni Jojo ang Nandito Lang Ako, biglang sumulpot sa venue si Mark Herras na may dalang bouquet of flowers at bumeso-beso pa sa Revival King, though umalis din naman agad after niyang umagaw ng eksena.

After kumanta ni Jojo Mendrez, nagpasabi ang staff niya na pasensiya na at sumama raw ang pakiramdam ng businessman-singer kaya pinutol na ang preskon at ‘di na siya na-one-on-one ng press.

Although sa Q&A, natanong na rin naman namin si Jojo tungkol nga sa isyu nila ni Mark at kung na-feel ba niyang may “Somewhere in My Past” sila kaya ito ang napili niyang isama sa music video ng song.

“No comment” ang bungad niya sa amin at ayaw na raw niyang sagutin ito dahil kahit naman daw sabihin niyang wala silang something ni Mark at friends lang sila, mas paniniwalaan pa rin ng mga tao ang gusto nilang paniwalaan.

Although, aminado siyang na-hurt at na-stress nang kumalat ang picture nila dahil ang dami raw niyang natanggap na nagtatanong tungkol sa kanila ng aktor at kahit nga raw ang pamilya niya ay apektado na rin sa issue.

Sa ngayon, mas gusto raw niyang mag-focus sa kanyang singing career at mag-revive pa ng mas maraming kanta dahil passion din niya ang singing.

---

Jinkee, may ‘K’ daw idispley ang yaman… 

PACQUIAO: PINAGHIRAPAN NAMAN NAMIN ANG PERA NAMIN

AMINADO ang nagbabalik na senador na si Pambansang Kamao Manny Pacquiao na under ng Bagong Alyansa na siya ang kumumbinse sa kanyang misis na si Jinkee Pacquiao na maging first nominee ng isang partylist para may pagkaabalahan naman ito.

Habang si Manny, inaming marami pa siyang gustong gawin bilang senador at mas marami pang matulungang kababayan kaya tumatakbo uli para sa May elections.

Ayaw magpaapekto ni Pacquiao kahit binabanatan din silang mag-anak sa issue ng political dynasty dahil ang katwiran niya, wala namang batas na nagbabawal dito at karapatan din daw ng mga taong pumili ng kanilang iboboto.

Sa paulit-ulit namang issue ng pagsilip sa pagdidispley ni Jinkee sa yaman nilang mag-asawa kahit pa nasa pulitika na rin sila, ang katwiran ni Manny, alam naman ng mga tao ang pinanggalingan ng kanilang pera at dugo't pawis ang kanyang puhunan bago napunta sa kinalalagyan niya ngayon kaya deserve naman daw nilang gamitin ang perang pinaghirapan at i-flex ito tulad din ng mga normal na tao na proud kapag merong achievement.

Sa pagbabalik ni Pacquiao sa Senado, korupsiyon ang gusto niyang puksain at ang transparency sa mga nasa puwesto ay ma-implement talaga para maibigay daw sa mga tao ang deserve natin.

---

Ang sipag mag-house-to-house campaign ng mommy ni Julia Barretto at dating aktres na si Marjorie Barretto dahil kamakailan lang, kasama niya ang asawa ng dating senador at independent senatorial candidate na si Bam Aquino na si Timi Aquino, naglibot sila sa mga residente ng Barangay Krus na Ligas sa Diliman, Quezon City para ikampanya si Bam sa darating na May elections. 

Madalas na mapagkamalan si Timi na si Marjorie dahil magkamukha ang dalawa. 

Namigay ng flyers at posters sina Timi at Marjorie at kinausap ang mga residente tungkol sa mga plano ni Bam kung mahahalal muli bilang senador. 

Nagpakuha rin sila ng mga litrato kasama ang mga residente. 

Tumatakbo uli si Bam bilang senador at hinihintay nga ng mga supporters nito kung muli siyang susuportahan ng pinsang si Kris Aquino knowing na on the road to recovery pa lang si Kris.

Baka ang anak na lang nitong si Bimby ang maging representative ni Kris lalo't ang pagpapalawak ng Free College Law ang isa sa mga isinusulong na batas ni Bam at puwedeng maging boses si Bimby na ilang taon na lang ay magka-college na rin.

Well, abangan natin.