Pati sa car, paulit-ulit nag-sex… MARIS AT ANTHONY, TODO-BIGAY SA HALIKAN, HUBO’T HUBAD DING NAG-SWIMMING

ni Janiz Navida @Showbiz Special | Mar. 4, 2025

Photo: Maris at Anthony sa Sosyal Climbers

Number 1 sa Top 10 Movies in the Philippines sa Netflix ang latest film nina Maris Racal at Anthony Jennings na Sosyal Climbers.   

Sa kabila ng matinding pamba-bash sa social media kina Maris at Anthony nang mabulgar ang kanilang ‘cheating scandal’, ang dami pa rin namang nanood ng kanilang movie, thus making it the No. 1 film nga ngayon sa online streaming app.

At nakakalokah, parang it worked to their advantage pa, dahil nang mabulgar na nga na hindi lang pala pang-“reel” ang kanilang relasyon kundi pang-“real” na, obviously ay mas itinodo nina Maris at Anthony ang kanilang mga “galawan” sa mga intimate scenes nila sa Sosyal Climbers.

Kung nasundan mo ang mga kumalat na “private convo” sa pagitan nina Maris at Anthony nu’ng ibulgar na nga ng ex ng aktor na si Jam Villanueva ang secret affair ng magka-love team lang noon, maiisip mo na napakanatural ng mga ginawa nilang love scenes sa movie at wala nang effort, parang mabi-visualize mo na lang kung ano’ng ginagawa nila in real life.

O, ‘di kaya “humugot” lang ang director ng Sosyal Climbers na si Jason Paul Laxamana sa mga “totoong trip” o “ganap” nina Maris at Anthony like ‘yung paulit-ulit nilang pagse-sex sa car bago pa sila naging opisyal na magdyowa, pagsu-swimming nang hubo’t hubad sa pool at halikang pang-marathon, at isinapelikula na nga lang dahil talaga namang nakakalokah ang mga ganu’ng eksena na magpakatotoo na tayo, for sure ay maraming real-life couples din ang naka-relate?! Hahahaha!

Pero in fairness talaga sa dalawa, isumpa man sila ng buong mundo, hindi maipagkakailang nagmumura ang lakas ng kanilang chemistry dahil pareho silang mahusay umarte at natural na natural na nga ang datingan.

‘Di na kami magtataka kung after this movie, may mga kasunod pang gagawin ang MaThon.

---

‘Di raw marunong mag-hello man lang…

IVANA, NAKATIKIM KAY DIREK GINA

Ivana Alawi at Barbie Forteza - YT

NAMURA pala ni Direk Gina Alajar si Ivana Alawi noon.

Sa isang vlog ni Ivana kasama ang Kapuso actress na si Barbie Forteza, habang sarap na sarap silang kumakain ng crab sa isang kainan sa Cubao, QC, naikuwento ng sikat na vlogger na sobrang mahiyain talaga siya. Ito’y sa kabila ng pagiging madaldal ni Ivana sa kanyang mga vlogs, ha?

Kuwento ni Ivana, "Tinawag talaga ako ni Direk Gina Alajar, 'Ikaw, halika nga dito, hindi ka marunong mag-hello at makipagtsikahan sa amin.’”

Mukhang nangyari ito sa isang taping kung saan naging artista siya ni Direk Gina.

Nag-sorry naman daw si Ivana at umiyak na lang nang umiyak pagkatapos nu’n.

Hindi ‘yun makakalimutan ni Ivana dahil si Direk Gina raw ang unang nagmura sa kanya. Pero kahit namura na siya nito, hindi pa rin daw nawala ang pagiging mahiyain ni Ivana at nu’ng nagkita raw sila sa StarStruck, hindi pa rin daw siya okay.

Hahaha! Baka need pa ni Ivana ng isang mas matinding mura para mawala na talaga ang hiya niya? Char!

---

HINDI man madalas makita ngayon sa TV sina Jason Abalos at JC de Vera, bising-busy naman pala sila sa pagtulong sa kampanya ng Ang Probinsyano Partylist (APPL) kung saan first nominee si Rep. Alfred "Apid" Delos Santos.

Last Feb. 11, 2025 kung saan sabay na ginanap ang motorcade sa Batasan, Quezon City at Apas, Cebu City, masigla ang naging pagsalubong ng mga tagasuporta na nagtipun-tipon upang makiisa sa adbokasiya ng APPL na dinaluhan din nina Jason at JC.

Matagal nang kilala sina Jason at JC hindi lang sa kanilang husay sa pag-arte kundi pati na rin sa kanilang pagiging tagapagtanggol ng mga programang pangkawanggawa.

Bilang tagasuporta ng Ang Probinsyano Partylist, inilahad nila ang kanilang paniniwala sa misyong itaguyod ang mas magandang kinabukasan para sa bawat Pilipino, lalo na sa mga nasa malalayong probinsya. Ang kanilang presensiya sa mga motorcade ay nagbigay ng inspirasyon at sigla sa mga dumalo.

Sa Batasan, Quezon City, naging malaking pagdiriwang ang motorcade sa temang Mardi Gras. Dumagsa ang mga tagasuporta, kabilang ang LGBT community, na nagpakita ng suporta sa inklusibong programa ng APPL. Ang musika, sayawan at makukulay na kasuotan ay nagbigay ng kasiyahan sa kaganapan, kung saan tampok si Jason bilang special guest.

Sa Apas, Cebu City naman, isang masiglang street party ang naganap na may kasamang Sinulog artists at street dancers at doon dumalo si JC upang makiisa sa pagdiriwang.

Ang ganitong selebrasyon ay patunay ng pangako ng APPL na palakasin ang lokal na kultura at turismo, bagay na sinusuportahan din ni Jason.

Pinasalamatan ni Cong. Apid ang lahat ng sumuporta at nagpakita ng pagkakaisa sa mga isinagawang motorcade.

Buking na nag-shopping ng unan… ASHLEY AT MAVY, MAGKA-LIVE-IN NA RAW

ni Janiz Navida @Showbiz Special | Mar. 2, 2025

Photo: Ashley Ortega at Mavy Legaspi - Instagram

Pinagpipiyestahan ngayon ng ilang netizens ang viral TikTok video ng pagsa-shopping nina Mavy Legaspi at Ashley Ortega sa mall, na ayon sa caption, spotted sila sa Rockwell, Makati.

Kaswal lang na nagsa-shopping ang dalawa at in fairness, ‘di sila feeling-sikat na naka-face mask, shades o balot na balot ang mukha kapag nasa public place.

Naintriga lang ang ilang netizens dahil makikita sa video na mga gamit sa bahay ang isina-shopping nina Ashley at Mavy tulad ng isang malaking unan na binili nila.

Tanong tuloy ng ilang nakapanood ng viral TikTok video, nagli-live-in na raw ba ang dalawa dahil parang pang-bagong mag-asawa na ang pagsa-shopping nila?

Hmmm… if ever ganu’n nga, ‘di naman na minor sina Mavy at Ashley na 24 at 26 yrs. old na respectively.

Pero gusto rin naming bigyan ng benefit of the doubt ang dalawa dahil isang unan lang naman ang binili at hindi pang-couple, kaya baka para lang ‘yun kay Ashley.

Marami lang talaga ang advanced mag-isip sa mga Pinoy, hahahaha!

---

Kasama sina Robin, Jinggoy, Lito, Pacquiao atbp.

BONG, NAGSALITA NA SA PAG-AYAW NI COCO NA IDIREK SILANG MGA SENADOR SA MOVIE

Bong Revilla - FB

Astig ang image ng aktor-senador na si Bong Revilla, Jr. bilang action star, pero emosyonal din pala ito at may pagka-iyakin.

Sa get-together kasing ipinatawag ni Sen. Bong kahapon sa Victorino’s Resto sa QC, bago pa nagsimula ang Q&A sa re-electionist senator, nagbitaw ng pahayag ang long-time manager ng aktor-pulitiko na si Lolit Solis.

Sabi ni Manay Lolit, “Kahit ano pang sabihin ng iba, alam kong napakabuting tao ni Bong. Kaya kahit mahina na ako ngayon, I will take the bullet para protektahan siya sa mga mang-aaway sa kanya.”

Ayun, namula ang mata ni Sen. Bong at nagpunas ng luha at nag-dialogue ng “Pinaiiyak mo naman ako, Nanay, eh.”

Naniniwala naman kami sa sinabi ni Manay Lolit dahil kung iisipin mo, sa dami ng pinagdaanang pagsubok ni Sen. Bong, kung hindi siya mabuting tao, hindi naman siguro siya pagkakatiwalaang makabalik sa Senado nu’ng tumakbo siya nu’ng 2019.

At take note, ‘yun ‘yung panahong bumabangon pa lang siya matapos makasuhan pero pinakawalan din dahil naabsuwelto sa mga ikinaso sa kanya.

Ngayong muli siyang tumatakbo sa pagka-senador, sabi nga ni Sen. Bong, ibang-iba na ang reception sa kanya ng mga tao, lalo na ng mga senior citizens na todo-pasalamat sa kanya dahil sa kanyang Expanded Centenarians Act kung saan ang mga aabot sa 100 years old ay makakatanggap ng P100,000.

At sabi pa nga ni Sen. Bong, kung sakaling papalarin pa siyang muli, balak pa niyang itaas sa P1 milyon ang puwedeng matanggap ng mga lolo’t lola na aabot sa 100 years old. So bongga, ‘di ba?

Samantala, tinanong namin si Sen. Bong kung advantage o disadvantage ba para sa kanya na marami na silang celebrities ngayon na tumatakbong senador, unlike noon na iilan lang sila kaya nga nag-No. 1 pa siyang senador nu’ng 2010.

Bukod kasi kina Sen. Robin Padilla, Sen. Lito Lapid, Sen. Jinggoy Estrada at Sen. Manny Pacquiao, kumakandidato rin sa unang pagkakataon bilang senador sina Willie Revillame, Erwin Tulfo at Phillip Salvador.

Obyus na ayaw nitong maka-offend kaya ayaw sagutin ang tanong. Besides, ang mga botante pa rin naman daw ang pipili ng ilalagay nila sa Senado.

Basta siya raw, ginagawa niya ang kanyang trabaho para hindi mahusgahan na “Budots” dance lang ang alam niya kundi may maipagmamalaki siyang mga batas na ginawa habang nasa puwesto.

Kinumusta rin namin kay Sen. Bong ang matagal nang planong pagsasama-sama nila sa pelikula ng mga kapwa niya action stars na sina Sens. Robin, Jinggoy at Lito, kasama sina Kuya Ipe, Manny Pacquiao at Cesar Montano na mala-Expendables.

First time mangyayari ang ganitong pagsasama-sama nila kaya interesting at exciting talagang makita silang lahat sa iisang pelikula na posibleng mag-box office kung isasali sa MMFF this 2025.

Sagot ni Sen. Bong, “Yeah, why not, why not? ‘Di ba dapat magsasama kami? Meron lang nangyari na gulo, pero mangyayari pa rin ‘yun.”

True ba na kaya ‘di natuloy ang movie ay dahil ayaw daw silang idirek ni Coco Martin? Nai-star struck daw kasi ito dahil puro big stars at haligi nga ng movie industry ang mga bibida sa movie.

Natatawang sagot ni Sen. Bong, “Hindi naman totoo ‘yun. Hindi naman siya ang magdidirek nu’n. Mabait na bata si Coco. So, alam ko,malaki ang naitutulong niya sa mga kasamahan natin sa industriya.”

So, ‘yun na!

‘Di raw makakasira sa pagtakbong mayor… PAGBIBILAD NG KATAWAN NI RHIAN, OKS LANG KAY SAM

ni Janiz Navida @Showbiz Special | Feb. 28, 2025

Photo: Rhian Ramis at Sam Verzosa via Bulgar

Ang bagong lifestyle show ni Rhian Ramos na Where In Manila ang papalit sa pansamantalang magpapahingang public service show ni Manila mayoralty candidate Sam Verzosa sa GMA-7 na Dear SV.

Last episode na ng Dear SV ang eere sa Sabado, 11:30 PM sa GMA Network dahil magsisimula na nga ang kampanya at bawal nang mapanood sa TV si Sam.

Sa mediacon ng Where In Manila kahapon sa Winford Hotel, sinorpresa ni Sam ang GF sa pagdating niya para ipakilala ang bagong show na papalit nga sa Dear SV.

Hindi pa masabi ni Sam kung maibabalik pa ang show, depende raw ‘yun after election, pero kung papalarin siyang manalo, baka magamit niya ang Where in Manila ni Rhian para makatulong sa turismo ng lungsod.

Ang saya ng bagong show ni Rhian dahil iba’t ibang pagkain ang nadi-discover at tinitikman niya. Kahit nga may image na sosyal si Rhian, ‘di raw siya maarte at mas game pa nga siya kay SV (Sam Verzosa) na tikman ang kahit na anong exotic food na bago sa kanya dahil adventurous daw siya.

When asked kung ano sa tingin niya sa mga food na natikman na niya ang puwedeng maging trademark ng Maynila at maipakilala sa buong mundo, aniya, ‘yung SioMaynila na pinauso rin nila ni Sam nang mamigay sila ng mga foodcart sa mga taga-Manila para maging kabuhayan ng mga ito.

At nu’ng matanong naman namin si SV after ng mediacon kung ano sa mga ipinatikim sa kanya ni Rhian na food ang ‘di niya makakalimutan, natatawang sagot nito, “‘Yung cookie ni Rhian, siyempre,” na kung ilarawan niya ay napakasarap at sweet na sweet, hahaha!

‘Di ba nga, nag-viral ‘yung “Bas Bake cookie” ni Rhian dahil sa post niyang naka-bikini habang nagbe-bake.

Tinanong namin ang reaksiyon ni Sam sa viral photos ni Rhian at aniya, okay lang daw sa kanya at hindi issue ‘yung pagdi-display ni Rhian ng katawan nito sa socmed dahil nakilala naman na niyang ganu’n ang GF at hindi siya ang tipo ng boyfriend na babaguhin ang pagkatao ng partner base sa gusto niya.

Hindi rin naman daw nakikita ni SV na makakaapekto sa kanyang kandidatura bilang mayor ng Maynila ang pagpapa-sexy ni Rhian sa socmed dahil artista naman daw ang GF at kilala na nga siyang ganu’n.

Well, ganu’n din naman ang katwiran ni Rhian, ganu’n na ang image niya kaya whether some bashers like it or not, sorry na lang sila, hahaha!

Anyway, sa March 8 na magsisimula ang Where in Manila, 11:30 PM sa GMA-7 kaya sabay-sabay tayong maglaway sa mga food na titikman ni Rhian na for sure, gugustuhin din nating makitikim, hehe!

---

MULA sa mundo ng vlogging, tumawid na rin sa paggawa ng pelikula ang sikat na ex-couple ng online world na sina Jai Asuncion at Agassi Ching a.k.a. JaiGa.

Bibida na for the first time sa isang pelikula na horror pa (take note!) si Jai Asuncion kasama ang ex-BF nga niyang si Agassi o Aga at ang magaling na TV and movie actor na si Alex Medina sa Postmortem na showing na in cinemas on March 19.

Kaibigan ng dalawang sikat na social media influencers ang director ng pelikula na si Direk Tom Nava (director din ng Showbiz Now Na! at Ogie Diaz Inspires) at natutuwa naman ang huli na may nagtiwala sa kanyang script para i-produce at gawing pelikula kaya after a long time, finally ay maipapalabas na nga ito sa mga sinehan.

Napanood namin ang trailer ng Postmortem sa ipinatawag na mediacon ng aming nanay-nanayan sa showbiz at ninang ko sa kasal na si Ninang Cristy Fermin na ginanap sa kanyang Mga Obra ni Nanay Gallery sa Casa Milan, QC last Tuesday.

Bongga, malakas ang jump scare ng movie kaya feeling namin ay papatok ito sa manonood lalo’t ang istorya ay tungkol sa paniniwala nating mga Pilipino na kapag nakita ang isang tao na walang ulo ay delikado siyang mamatay kaya dapat sampalin o tapikin ng nakakita.

Impressive rin ang nakita naming acting ni Jai Asuncion, na in fairness, may background naman daw sa theater acting nu’ng nag-aaral pa siya, kaya kahit launching movie niya ito, maipagmamalaki naman niya sa kanyang 2M followers sa Instagram, 2.7 M followers sa Facebook at 5.1M followers sa TikTok.

Aminado lang si Jai na may pressure at kaba sa kanya ang pagbibida sa movie dahil ngayon nga mate-test kung ‘yung milyun-milyon ba niyang followers sa social media ay susuportahan siya sa kanyang first acting on film.

Pero ‘yung mga fans ng kanilang JaiGa love team ni Aga, don’t miss to watch Postmortem kasi baka dito n’yo ma-feel kung may pag-asa pa talagang magkaroon ng part 3 ang love story nina Jai at Aga lalo’t hindi biro ‘yung 5 yrs. nilang relasyon, ha?

At nagpakatotoo naman si Jai na hindi agad-agad mawawala ang love niya kay Aga pero nasa moving on stage na raw siya ngayon at hindi pa handang maghanap ng bagong kapalit ng ex-GF. Ganu’n din naman si Aga, sa career daw ang focus sa ngayon kaya ‘di pa rin naiisip na maghanap ng bagong GF.

Pero heto, JaiGa fans, inamin nilang may panghihinayang sa kanilang breakup, so, posible pa nga kaya ang third chance? 

Hmmm… puwedeng title ng next movie na gagawin nila. What do you think, Direk Tom Nava?

Anyway, kasama rin sa cast ng Postmortem sina Francis Mata, Jennica Garcia at mga vloggers na sina Sachzna Laparan at Albert Nicolas.