Joe Alwyn, feeling lucky na nakasama uli si Emma Stone

ni Angela Fernando @Entertainment News | June 21, 2024

Pinuri ni Joe Alwyn ang aktres at kaibigan ng ex niyang si Taylor Swift na si Emma Stone matapos silang magsama sa pelikulang “Kinds of Kindness.”

Matatandaang sa production notes nu'ng 2022 para sa nalalapit na pelikula kung saan co-stars sina Alwyn at Stone, inamin ng aktres na humanga siya sa aktor.

“I love Joe. We had to do some pretty dark stuff on this one, so it was extremely comforting to be with him because he's one of the sweetest people you'll ever meet,” saad ni Stone tungkol kay Alwyn.

Ginawa ni Stone ang komento bago pa pumutok ang hiwalayan nina Alwyn at Swift ngunit kamakailan lang ay inamin ni Alwyn na swerte siyang makatrabaho ang kilalang aktres na tila naging tugon ni Joe sa naunang pahayag ni Emma tungkol sa kanya.

"I'm so lucky to be close to her, she's just the best. She's obviously wildly talented and she's just the best,” saad ni Alwyn.

Ang Kinds of Kindness ay ang pangalawang pagkakataon kung saan nagsama sina Alwyn at Stone sa trabaho. Dati na silang lumabas sa pelikula ng direktor na si Yorgos Lanthimos nu'ng 2018 na The Favourite.

"Superman" na si Henry Cavill, tatay na

ni Eli San Miguel @Entertainment News | June 17, 2024

Ibinunyag ng “Superman” actor na si Henry Cavill na siya ay magiging tatay na.

Sa Father’s Day, inanunsiyo ng aktor sa Instagram ang balita sa pamamagitan ng pag-post ng isang selfie na may wooden crib at cabinet na may baby supplies sa background.

"Happy Father's Day, ye dads out there," panimula niya sa caption.

"Turns out I shall be joining your hallowed ranks soon! Any tips?" ani Henry.

Idinagdag ng 41-anyos na aktor ang kanyang sense of humor sa post sa pamamagitan ng pagbibiro, na nag-uugnay sa paparating na adaptation series ng laro na "Warhammer 40,000."

"And don't worry, pillows won't be in the crib when the wee one arrives, just glue and scalpels so he or she can build Warhammer miniatures," aniya.

Si Henry ay unang gumanap bilang Superman sa pelikulang "Man of Steel" noong 2013. Ang huling pagganap niya bilang superhero ay sa pelikulang "Justice League" noong 2017.

Khloe Kardashian, ibinulgar na sinasayang ni Kendall ang buhay niya

ni Angela Fernando @Entertainment News | June 14, 2024

Pinatutsadahan ni Khloé Kardashian ang kanyang nakababatang kapatid na supermodel na si Kendall Jenner sa kung paano nito sinasayang ang buhay na meron siya.

Sa episode ngayong linggo ng The Kardashians, tinanong si Khloé ng isang producer kung sino sa kanyang mga kapatid ang nais niyang makapalitan ng buhay o ang tinatawag nilang ‘Freaky Friday’.

Agad naman itong sinagot ni Khloé at sinabing si Kendall ang gusto niyang makapalitan ng buhay. "I could be a supermodel going around town. I could hook up with this person -- not that Kendall does that — but I would be doing that," dagdag pa ni Khloé. Ayon pa kay Khloé, hindi raw ganu’n mamuhay ang supermodel kaya sinasayang daw nito ang kanyang buhay.

“She definitely doesn't do any of those things. That's why she's wasting her life. You're wasting it, Kendall. Let me be you for a second,” saad ni Khloé tungkol sa 28-anyos na kapatid.

Matatandaang si Kendall, na piniling itago ang kanyang personal na buhay mula sa reality series ng kanilang pamilya sa Hulu, ay umamin nu'ng mga naunang season na mas boring talaga siya sa harap ng kamera ngunit marunong daw siyang magsaya sa likod nito.

Kahit iniisip ni Khloé na sinasayang ni Kendall ang kanyang kabataan, kamakailan ay muling nakipagbalikan ang supermodel sa kanyang Puerto Rican boyfriend at singer na si Bad Bunny.