Libreng TB test, inihirit

ni Eli San Miguel - Trainee @News | April 26 2024

Inihirit ni Speaker Martin Romualdez at ng kanyang asawa na si Tingog Partylist Rep. Yedda Romualdez noong Huwebes na kanilang hihilingin sa Philippine Health Insurance Corporation (PhilHealth) na isama ang mga pagsusuri sa mga pinaniniwalaang may tuberculosis (TB) sa libreng diagnostic packages.

“Most of the time, suspected TB carriers have no means to have themselves tested for TB because of the costs it entails. According to Rep. Garin, ang nangyayari, hindi sila nabibigyan ng gamot kasi hindi nila mapa-test kung puwedeng tumanggap ng gamot ang kanilang kidneys at liver, tapos nakakapanghawa pa ng kapamilya o kapitbahay,” ani Speaker Romualdez.

Kaya naman, iminungkahi ng speaker at ng kanyang asawa na hihilingin nila kay PhilHealth president Emmanuel Ledesma na isama sa kanilang libreng Konsulta packages ang mga pagsusuri sa mga pinaniniwalaang may TB, partikular na ang mga pagsusuri sa creatinine at SGPT/SGOT.

Super nag-enjoy sa long weekend?… Mga dapat gawin upang mawala ang sunburn

ni Mabel G. Vieron @Gulat Ka 'No?! | Abril 7, 2024

Panigurado marami sa inyo ang nag-outing at super nag-enjoy.

Nakakasiguro rin ako na marami sa inyo ang dumadaing ngayon dahil sa sunburn, hindi ba mga Ka-BULGAR? Pero, ano nga ba talaga ang sunburn at saan ito nakukuha?

Ang sunburn ay ang pamumula at pananakit ng balat. Kadalasang lumilitaw ito sa loob ng ilang oras pagkatapos ng sobrang pagkakababad sa ultraviolet (UV) light mula sa sikat ng araw.

Ang sunburn ay maaaring tumagal nang ilang araw o mas mahaba pa bago ito maglaho. Ang matindi at paulit-ulit na pagkakababad sa araw ay nagreresulta sa sunburn.

Ang kondisyong ito ay karaniwan at talagang kapansin-pansin lalo na sa panahon ng tag-araw o summer. Nagaganap ito kapag ang isang indibidwal ay nanatili ng mahabang oras sa ilalim ng sikat ng araw, kung saan ang radiation mula rito ay tumatama sa mismong balat na humahantong naman sa pagkasunog ng ibabaw na patong nito.

NARITO ANG ILANG MGA SINTOMAS NG SUNBURN;

● Pamumula ng balat

● Pagsakit at pangangati

● Pamamaga

● Sakit ng ulo, lagnat, pagduduwal at maaaring makaramdam ng pagkapagod kung ang

sunburn ay malubha.

PARA NAMAN SA QUICK REMEDIES, ITO ANG PARA SA INYO;

● Maaaring mabawasan ang pamamaga at kirot sa paggamit ng cold compress tulad ng tuwalya na binasa sa malamig na tubig at pagpahid nito sa mga apektadong bahagi ng balat.

● Siguraduhing mag-rehydrate sa pamamagitan ng pag-inom ng tubig, juice, o sports drink.

● Mag-apply ng aloe o over-the-counter moisturizing lotion sa balat as directed.

● Kapag maliligo na, gumamit ng malamig na tubig para matanggal ang chlorine, tubig alat

at buhangin sa inyong balat at upang maiwasan ang irritation.

● Uminom ng anti-inflammatory na gamot, tulad ng ibuprofen o aspirin.

● Kung may pamamaltos, hayaan lang ang mga ito at ‘wag butasin, dahil maaaring tumaas

ang panganib ng impeksyon kapag ito ay binutas.

Kahit na anong bahagi ng iyong katawan, tulad ng tenga, anit, o labi ay maaaring masunog. Maski ang mata ay maaari ring masunog dahil ito ay sensitibo sa liwanag ng UV light . Ngunit, magpakonsulta na sa doktor kung nakakaramdam na kayo ng mataas na lagnat, matinding pananakit, pagkahilo, pagduduwal at panginginig.

PARA MAIWASAN MA-DAMAGE ANG ATING BALAT, NARITO ANG ILANG TIPS NA PUPUWEDE N’YONG GAWIN;

● MAGLAGAY NG SUNSCREEN O SUNBLOCK. Pinoprotektahan ng sunblock ang balat laban sa UVA at UVB radiation na galing sa araw na siyang pumapatay sa skin cells.

● MAGSUOT NG SUMBRERO AT SUNGLASSES. Naitatago ng sumbrero ang parte ng katawan na hindi nababalot ng damit o nalalagyan ng sunblock. Magsuot din ng sunglasses na may 99% hanggang 100% UV absorption para sa proteksyon ng mata laban sa init ng araw.

● HUWAG MASYADONG MAGBABAD SA ARAW. Limitahan lamang ang pagbibilad sa initan.

Ilan lamang ito sa mga tips na maari n’yong sundin mga Ka-BULGAR! Ngunit, tulad nga ng sinabi ko, kung ‘di n’yo na ma-take ang sakit na dulot ng sunburn. ‘Wag na mag-hesitate pa at magpakonsulta na sa inyong doktor. Oki?

Breast cancer tests, libre na sa Hulyo

ni Eli San Miguel - Trainee @News | March 13, 2024

Simula sa Hulyo, maaari nang mag-avail ang mga kababaihan ng libreng mammogram at breast ultrasound tests taun-taon sa ilalim ng breast cancer prevention and detection package mula sa Philippine Health Insurance Corp. (PhilHealth)

Sinabi ni Speaker Martin Romualdez noong Martes na ipinaabot sa kanya ni PhilHealth President Emmanuel Ledesma Jr. ang impormasyon sa isang pulong.

Pinuri ni Romualdez ang PhilHealth para sa kanilang mabilis na aksyon at sinabing ito ang pinakamagandang balita na maaaring ibigay sa mga kababaihan sa Pilipinas, lalo na ngayong Women’s Month.

“Early detection is key in addressing various health concerns, and by removing financial barriers to these essential services, PhilHealth is helping to save lives and promote a healthier future for our women,” aniya.

Nagtaas din ang PhilHealth ng kanilang benepisyo para sa breast cancer, na kasalukuyang nasa P1.4 milyon mula sa dating P100,000.