‘Di lang maganda sa paningin... Cosmos, pampatibay ng mga buto, epektib pang anti-aging agent

ni Sir Govinda Jeremaya - @Halamang Gamot | September 11, 2020

Ang cosmos.

Sa iyong paglalakad, puwede kang makakita ng halamang cosmos sa gilid ng daan, parke at mga lugar na sinadyang taniman ng cosmos na nakapalibot sa mga kabukiran, compound at daanan na pinalamutian ng cosmos plants.

Samantalang ang mga pangkaraniwang magagandang halaman, gaanuman sila kaganda ay paisa-isa o minsan ay dalawa o tatlo ang bilang ‘pag itinanim, pero ang cosmos ay libu-libo ang buto na inilalagay sa lupa kaya naman nasa daan-daan ang bilang nito ‘pag namulaklak.

Nagsisilbi itong bakod sa mga haradin at parke at malakas humatak ng mga tao kung saan parang nagagayuma sila sa ganda ng cosmos, kaya kung hindi man sila huminto para titigan ay tiyak naman na ang cosmos ay kanilang susulyapan.

Ang salitang “cosmos” ay mula sa Greek word na “Kosmos”, na ang kahulugan ay “beautiful,” kaya ano ang pinakamaganda sa lahat ng bulaklak? Ano pa nga ba kundi ang cosmos.

Ganito ang sabi, “Mas bagay sa babae ang magandang porma at may inner beauty pa.” Kumbaga, maganda sa tingin, pero wala namang kagandahang panloob. Eh, ang cosmos kaya, may beauty within din ba sa kabila ng kanyang nakaaakit na gandang panlabas?

Ang sagot ay yes na yes.

Sa Malaysia, may tinatawag na “Ulam”, na ang tinutukoy ay grupo ng mga tradisyunal Malay vegetables na pangkaraniwang kinakain nang hilaw o hindi gaanong niluluto. Sa Malaysia, ipino-promote ng kanilang Ministry of Health ang pagkain ng ulam sa ilalim ng Malaysian Dietary Guidelines, gayundin, ang cosmos ay kabilang sa Ulam.

Sa ginawang pag-aaral ng kanilang National Health and Nutrition Examination Survey, napatunayan na kapag kinain ang salad o raw vegetables sa grupo ng Ulam, tumataas serum level ng mga bitamina, tulad ng Vitamins C, E, folic acid, β-carotene at lycopene na makikita sa cosmos at iba pang gulay na kabilang sa Ulam.

Gayundin, ang comos ay kinikalalang “King’s Salad” sa Malaysia dahil ito ang pinakapaborito ng lahat ng naging hari roon. Ang dahon ng cosmos ay kinakain nang hilaw, gayundin ang talbos nito.

Bukod sa masarap, ang cosmos ay ginagamit din sa panggagamutang herbal.

Ayon sa tradisyon ng herbal medicine, narito ang ilang kakayahan ng cosmos:

• Pinalalakas ang blood circulation

• Pinatitibay ang mga buto

• Pinabababa ang lagnat o body heat

• Panlaban sa pagtanda kaya ang cosmos ay anti-aging agent

• Gamot din ang cosmos sa mga impeksiyon

Narito naman ang mga espesyal at powerful content ng cosmos:

• Ascorbic acid

• Quercetin

• Kaemfherol

• Chlorogenic acid

• Caffeic acid

• Ferulic acid

• Anthocyanin

• B-Carotine

Ang mga ito ay makukuha sa pagkain ng dahon, usbong at bulaklak ng cosmos.

Sa susunod na may madaanan kang cosmos, luminga-linga ka muna dahil baka may hardinerong nagbabantay. Kumuha ka ng ilang dahon at bulaklak, gawin mong salad at sure na masasabi mong “Cosmos is like a lady who is more than just a beauty.”

Good luck!

Kaya pala Gift of God ang meaning...

jasmine, nakapipigil ng kanser at diabetes, pampaganda rin ng reporductive health

ni Sir Govinda Jeremaya - @Halamang Gamot | September 6, 2020

Ang Jasmine.

Ito ang nag-iisang bulaklak na ang sinisimbolo ay love, beauty at sensuality. Nasa bulaklak na Jasmine ang pagmamahal, kagandahan at malakas na karismang nakagagayuma.

Sa gabi, ang kanyang napakabangong amoy ay very powerful at umaabot pa ng mahigit- kumulang isandaang metro ang layo at naaamoy pa rin.

Maraming tawag sa Jasmine at isa na rito ay ang pagkilala sa kanya bilang “Queen of Flowers” dahil higit sa anumang bulaklak sa hardin, ang amoy nito ay nagbibigay ng mahimbing na tulog sa nag-aalaga ng mga bulaklak.

Walang nakaiiwas na hindi amuyin ang Jasmine kapag ito ay nakita, kaya sa lahat din ng mga bulaklak, ito ang palaging napipitas ng mga namamasyal sa hardin.

Sa India, ang Jasmine ay kinikilalang “Flower of Mystery and Magic.”

Ayon sa kasaysayan, naglalagay ng Jasmine scent ang kababaihan dahil sila ay naniniwala na kapag naamoy ng kalalakihan ang Jasmine, sila ay magagayuma.

May panahon na ang babaeng ikakasal ay pinagsusuot ng kuwintas na may mga bulaklak ng Jasmine para lalong ma-in love sa kanila ang kanilang pakakasalan.

Sadayang kakaiba ang Jasmine kaysa sa iba pang mga bulaklak dahil ang amoy nito ay pinakamalakas tuwing gabi, lalo na kung ang buwan ay nasa waning period o papaliit. Sa panahong ito, ang Jasmine ay nagbibigay ng napakalakas na amoy.

Ang pangalang Jasmine ay nagmula sa Persian word na “Yasmin”, na ang kahulugan ay “Gift of God.”

Kung ang pag-uusapan ay herbal medicine, ang tawag sa Jasmine na “Gift of God” ay okey na okey dahil sa mga sumusunod na sakit na kaya nitong lunasan:

• Malaking tulong sa may cardiovascular problems

• Nakapipigil sa kanser

• Nagpapalakas ng immunity

• Nilalabanan ang lagnat

• Lunas sa constipation o paninigas ng dumi

• Nakapipigil sa Type 2 Diabetes

• Nilalabanan ang stress

• Gamot sa dysmenorrhea at amenorrhea

• Lunas sa insomnia

• Pampaganda ng reproductive health

• Gamot sa mga sugat at sakit na dulot nito

• Ginagamit bilang eye wash solution

• Panlaban sa shortness of breath

• Gamot sa rayuma

• Panunaw ng gallstones

• Gamot sa oral health problems

• Laban sa colitis

• Gamot sa dengue

• Panlaban sa pamamaga ng kidney

• Pampalakas ng cognitive function

Masasabi talaga natin na ang Jasmine ay Gift of God sa sangkatauhan.

DAGDAG-KAALAMAN: Ang paraan na ginagamit sa panggagamot ay ang infusion. Ibig sabihin, ibababad ang dahon o bulaklak ng Jasmine sa mainit na tubig. Ang decoction naman ay ang pakukuluan ang dahon or bulaklak ng Jasmine.

Good luck!

Kalamansi, mabisang pampababa ng blood pressure at pantanggal ng toxins sa katawan

ni Sir Govinda Jeremaya - @Halamang Gamot | September 5, 2020

Ang kalamansi.

Sinasabing Pilipinas ang may pinakamahabang lockdown dahil sa COVID-19. Ito ay nagsasabi rin na napakahaba ng pananatili ng tao sa kanilang bahay, kaya hindi nakapagtataka kung maitatala rin sa buong mundo na maraming nagsitaba sa Pilipinas sa panahon ng lockdown.

May solusyon ba para mabilis na pumayat? Siyempre, mayroon at ito ay ang pag-inom ng kalamansi juice. Ang totoo nga, may COVID-19 man o wala, kinikilala ng marami na ang kalamansi juice ay nakapagpapapayat.

Mayroon pa rin namang ibang prutas na nakapagpapapayat, pero hindi ito laging mabibili sa merkado, ‘di tulad ng kalamansi na araw-araw ay nakikita at nabibili.

Ang ibang prutas na pampapayat ay mahal o mataas ang halaga, kaya marinig mo lang ang presyo, talagang papayat ka na. Bakit? Dahil ang isa rin sa mabilis na pampapayat ay ang mainis dahil sa mahal na presyo ng isang produkto.

Pero ang kalamansi ay mas mura kumpara sa iba pang prutas na nakapagpapapayat, kaya bakit mo pa pipiliin ang mahal at hindi madalas na mabili?

Hindi naman sa pagpapapayat natutulungan ng kalamansi ang tao dahil ito rin ay mabisang halamang gamot.

• High blood ka ba? Kumain ka ng kalamansi sa umaga, tanghali at gabi. Sure na mawawala ang pagiging high blood mo.

• Sa pag-inom ng katas ng kalamansi, malilinis ang iyong buong katawan. Matatanggal ang mga lason, toxins, naipong masasamang kemikal at mapaminsalang mikrobyong nananahan sa iyong katawan.

• Kaya rin ng kalamansi na pababain ang cholesterol level sa katawan, kaya ito rin ay good for the heart.

• Sa pag-inom ng kalamansi juice, ang kidney ay nalilinis. Ang totoo nga, kapag may hindi magandang amoy ang ihi, mawawala ito dahil sa kalamansi.

• Napatataas din nito ang production ng collagen sa katawan, kaya ang kalamansi ay nakapagpapabata dahil napipigilan nito ang mabilis na pagtanda ng tao.

• Nakapagpapaganda pa ito ng balat o kutis kung saan ang mga dumi sa balat ay nawawala sa pagpahid ng kalamansi.

• Ang isa pa sa magaling na kakayahan ng kalamansi ay ang kaya nitong linisin maruruming mga kuko. Kahit nag-iba na ang kulay ng kuko dahil sa tagal ng dumi, nagagawa pa rin ng kalamansi na ibalik ang magandang kulay ng mga ito.

Narito naman ang vitamins, mineral at beneficial chemicals ng kalamansi:

• Protein

• Calcium

• Riboflavin

• Niacin

• Iron

• Phosphorus

• Potassium

• Vitamins A & C

• Thiamine

Dagdag-kaalaman: Ang kalamansi ay epektibong bleaching agent. Ibig sabihin, hindi mo na kailangan ang mamahaling pampaputi ng damit at hindi mo rin kailangan ang bleaching chemical agents na nakasisira ng balat at mga kamay. Sa halip na gumamit ng mga ito, mas oks gamitin ang all-natural na kalamansi.

Good luck!