‘Di lang basta nakakabusog... Saging na saba, panlaban sa menstrual pains at high blood

ni Sir Govinda Jeremaya - @Halamang Gamot | September 23, 2020

Ang saging na saba.

Maraming klase ang saging—may latundan, señorita, lakatan at iba pa, pero sa lahat ng saging, ang saba ay natatangi.

Ang ibang saging ay hindi puwedeng iluto o ilaga at hindi puwedeng gawing sangkap sa masasarap na ulam. Ang totoo nga, saging na saba ang tunay na nagpapasarap sa nilagang karne tulad ng baka, baboy o kalabaw. Gayundin, kapag ang nilagang baka ay walang saging na saba, hindi ito maituturing na nilaga.

Ganundin ang super-espesyal na “putsero”, ito ay kailangang may saging na saba dahil kung wala, wala na rin itong masarap na lasa.

Ang saging na saba ay hindi lang pampasarap ng ulam dahil ito rin ay super food na gamit sa herbal medicine.

Noong panahon ng ikalawang digmaang pandaigdig o World War II, napakalaki ng tulong ng saging na saba sa mga sundalong sugatan. Sa panahon ding ito, naimbento ni Maria Y. Orosa, food technologist at pharmaceutical chemist, ang banana ketchup dahil ginawa niyang ketchup ang saging saba.

Roon na nakilala ang saging na saba bilang herbal medicine. Dahil maraming sundalo ang nagsigaling sa kanilang iba’t ibang karamdaman, pagkatapos ng digmaan, hindi lang ang mga sundalong nakipaglaban para sa bayan ang itinanghal na bayani kundi maging ang saging na saba.

Narito ang mga karamdaman na kayang lunasan ng saging na saba:

• Ito ay may kakayahang mapabilis ang paghinto ng paninigarilyo. Dahil sa Vitamin B at iba pang minerals, ang epekto ng nicotine sa katawan ay nalulunasan.

• Malaki rin ang naitutulong ng saba para mabawasan ang menstrual pains ng kababaihan.

• Pinanatili ng saging na saba ang magandang body temperature para sa mga buntis.

• May kakayahan ang saging na saba na pagandahin ang pagdaloy ng dugo sa buong katawan.

• Dahil sa taglay na matataas na level ng potassium, ang high blood pressure ay naiiwasan at ang puso ay lumalakas.

• Mabilis na napapagaling ng pagkain ng saging na saba ang ulcer.

• Ang dahon ng saging na saba ay ginagawang higaan ng mga nasunog ang katawan. Ito rin ay itinatapal sa nasunog na bahagi ng katawan para mapabilis ang paggaling.

Samantala, saging na saba ang sangkap ng maruya na paborito ni Pangulong Rodrigo Duterte. May mga nag-aakala na ang maruya ay pinritong saging, pero ang tunay na maruya ay ibinabalot sa harina ang saging na saba saka ipiprito. Ibig sabihin, ang simpleng pagprito sa saging na saba ay hindi matatawag na maruya.

Hindi rin tunay na maruya ang saging na saba kapag iba ang ipinambalot dito dahil tulad ng nasabi na, harina ang pambalot sa saging na saba para matawag na tunay na maruya.

Dito sa Pilipinas, akala ng marami ay kanin at bigas lang ang staple food, pero sa totoo lang, mali ang ganitong pananaw dahil sa mga probinsiya, saging na saba ang pangunahing pagkain. Kahit hindi na kumain ng kanin o mais, okey na ang mga tao, basta makakain lang ng saba.

Ang isa pang totoo tungkol sa staple food na saging na saba, hinog o hilaw, ito ay inilalaga at pamalit sa kanin at mais.

May panahon sa ating bansa, lalo na sa Manila na sobrang taas ng presyo ng bigas. Kapag muling nangyari ito, subukan mo ang saging na saba at magugulat ka dahil mas mahaba ang oras na ikaw ay busog.

Good luck!

‘Di lang basta staple food ng OFWs... Dates, panlaban sa hangover at anemia

ni Sir Govinda Jeremaya - @Halamang Gamot | September 16, 2020

Ang dates fruit.

Ngayong nag-uwian ang maraming overseas Filipino workers (OFWs) mula sa Middle East, hindi maiiwasan na pagkuwentuhan ang kanilang naranasan tulad ng masasaya at malulungkot na kuwento ng buhay.

Gayundin, hindi naman nila maiiwasang magkuwento tungkol sa isang bunga ng halaman na wala rito sa atin at ito ay ang dates fruit.

Ang kuwento, nalaman nilang ang dates fruit ay staple food sa Middle East at kung ikukumpara sa atin, ito ay bigas at mais. Ibig sabihin, regular itong kinakain at ito na mismo ang pagkain ng mga taga-Middle East.

Dahil dito, maraming OFWs ang lihim na nagtatago o nagtatabi ng dates fruit para kanilang kainin kapag sila ay natapat sa amo na hindi maganda ang ugali. Hindi bigas o kanin at iba pang pagkaing Pinoy ang kanilang itinatago dahil kapag nakita ito ng kanilang amo, kukunin ito at itatapon.

Pero kapag ang nakita ng amo ay dates fruit, hahayaan lang itong itabi ng OFW, kaya malaki ang kanilang pasasalamat sa nasabing prutas.

Ang fossil record ng dates palm ay sinasabing noon pang mahigit-kumulang 50 milyong taon nang nakararaan.

Tulad ng nasabi na, ito ay unang nakita sa Midde East at ito ang kanilang pagkain araw-araw. Gayundin, dates fruits ang numero-unong dinadala ng mga tao sa paglalakbay kung pupunta sa malayong lugar sa halip na sako-sako ng iba pang klase ng pagkain na pabigat at pahirap sa mga manlalakbay.

Kaya sa gitnang silangan, ang dates fruits ay itinuring na prutas ng kaligtasan. Walang ibang prutas sa mundo na tinawag na ganito kundi ang dates fruit lang.

Gayunman, hindi ka lang sa gutom ililigtas ng dates dahil puwede ka rin nitong iligtas sa maraming klase ng sakit o karamdaman tulad ng mga sumusunod:

1. Nagpapalakas ng buto ang dates kaya ito ay nagsisilbing gamot sa may osteoporosis dahil sa kombinasyon ng minerals na magnesium at copper na nasa dates fruit.

2. Ililigtas din ng dates fruit ang mga taong nahihirapang dumumi dahil sa pagkain nito, mabilis na mailalabas ang dumi.

3. Maililigtas ka rin ng dates sa nakamamatay na sakit sa puso. Napakataas ng potassium na nasa dates kaya pinananatili nito ang magandang kalusugan ng puso.

4. Panlaban ito sa inflammation o pamamaga. Ito ay dahil tulad ng nasabi na, mataas ang taglay nitong magnesium na isang anti-inflammatory agent.

5. Ililigtas din nito sa sakit mula sa menopausal period ang mga babae dahil magagawang labanan ng dates ang pamamaga ng mga bahagi ng reproductive system ng kababaihan.

6. Panlaban sa anemia ang dates dahil ito ay mayaman sa iron.

7. Nagpapaganda ng katawan ang dates para sa mga sobrang payat dahil ito ay mayaman sa calories.

8. Ililigtas din ng dates ang mga taong mataas ang level ng cholesterol dahil ito ay mayaman sa fiber.

9. Kaligtasan din ang hatid ng dates sa mga may hangover dahil sa sobrang pag-inom ng alak. Ang mataas na level ng fructose nito ay nagpapabilis para ma-digest ang alcohol sa katawan.

May mga mabibiling dates fruit sa mga pamilihan dito sa atin. Subukan mong tikman ang dates at malalaman mo na ang kuwento ng mga OFW tungkol sa prutas na ito ay nakamamangha.

Good luck!

Marang, pampabilis ng metabolismo at gamot sa pamamaga, pampalinaw pa ng mga mata

ni Sir Govinda Jeremaya - @Halamang Gamot | September 13, 2020

Ang marang fruit.

Hindi langka, hindi durian pero iisa ng mukha, guest what? Ang sagot ay marang fruit.

Ang pangalan na “marang” ay Latin word na ang ibig sabihin ay “sweet taste and odor”, ibig sabihin, matamis na ang lasa at matamis pa ang amoy.

Talagang kakaiba ito dahil ang pangkaraniwang mga prutas ay matamis lang sa lasa pero sa amoy ay hindi na. Kumbaga, kapag hiniwa o binuksan ang isang buong marang, aamoy sa buong bahay ang kanyang matamis na amoy at minsan ay umaabot pa sa kapitbahay.

Mahiwaga ang marang fruit, pero may mga hiwaga pa itong kalakip dahil ayon sa tradisyon ng matatanda, may magic healing power ito tulad ng sumusunod:

• It works like magic dahil mabilis nitong nalulunasan ang problema sa matigas na dumi o ito ay gamot sa hindi makadumi.

• Mabilis din na nasosolusyunan ng pagkain ng marang ang mataas na blood pressure.

• Marang works wonder para sa mga taong anemic na nahihirapang huminga, madaling mapagod at kinakapos ng hangin. Kapag kumain ng marang, biglang gumagaling ang taong anemic.

• Nakamamangha rin na sa madalas na pagkain ng marang, lumilinaw ang malabong mga mata, kaya ang tradisyunal na paniniwala rito ay nagbibigay ito ng panibagong mata para sa malalabo ang paningin.

Ang iba pang mga karamdaman na nalulunasan ng marang ay ang mga sumusunod:

• Panlaban sa cancer

• Kinokontrol ang diabetes

• Pinabababa ang cholesterol levels

• Nalulunasan ang heart disease

• Pinalalakas ang metabolismo

• Panlaban sa inflammation o pamamaga

Taglay ng marang ang Vitamins A, B, C, beta-carotene, dietary fiber, retinol, thiamin, riboflavin, pantothenic acid at niacin. Mayroon din itong minerals tulad ng zinc, iron, phosphorus, protein, potassium, calcium, manganese, copper at magnesium.

Ang marang ay may antibacterial, antiviral, anti-cancer at anti-inflammatory properties. Gayundin, ang taglay nitong antioxidants ay lumalaban sa mga free radicals na nakasasama sa katawan.

Ang mga herbal practitioner sa mga probinsiya ay gumagamit ng marang bilang natural alternative na panlunas sa malalaking halaga ng gastos sa ospital at clinics. Bukod sa epektibo, ito ay mura lang kung ikukumpara sa high-cost ng modern medications.

Subukan mong bumili ng marang sa mga fruit stand, kainin mo at ikaw na mismo ang magsasabi na marang works like magic laban sa mga sakit.

Good luck!