Kaya naman pala usung-uso... Cactus, epektib na pampabata

ni Sir Govinda Jeremaya - @Halamang Gamot | July 31, 2020

Ang cactus.

May usung-uso ngayon na hobby ng maraming Pinoy at ito ay ang pag-aalaga ng cactus. Kitang-kita ang pagkahumaling ng mga Pinoy sa cactus dahil mas dumarami pa ang nag-aalaga nito.

Sabi nga, trending ang cactus kung ang pag-uusapan ay kung ano ang halamang pinagkakaabalahan ngayon ng maraming Pinoy. Ang nakatutuwa ay hindi lang isang cactus ang alaga kundi marami nito ang makikita sa mga bahay at bakuran.

Sa lahat yata ng halaman ngayon, super-espesyal ang cactus dahil ginagawan pa ito ng magandang paglalagyan, tray o rack at ang iba ay gumagastos ng malaking halaga para sa paglalagyan ng kanilang mga cactus. At hindi lang yan, ang mga paso ay super-espesyal din at mga pasadya pa kaya ginagastusan din.

Sobrang nakakabighani ang cactus, pero lalo mo itong mamahalin kapag nalaman mong ito ay hindi isang simpleng halaman dahil ito ay powerful herbal medicine rin.

Sa mga sinaunang sibilisasyon, ang cactus ay ginagamit bilang gamot sa mga sugat dahil kaya nitong pagalingin nang mabilis ang mga sugat.

Ang mismong cactus na malambot ang laman o katawan ay gamot sa gastric. Bukod sa mabilis gumaling, nawawala rin ang sakit na sanhi ng ulcer. Ito ay makukuha sa pagkain mismo ng nasabing bahagi ng cactus. Puwede ring ilagay ang katawan o laman na parang dahon na malapad at inumin ang pinaglagaan.

Ang bulaklak na binabad sa tubig ay mahusay na panlaban sa prostate cancer at iba pang sakit sa pag-ihi.

Malaki rin ang nagagawa ng cactus para hadlangan ang ovarian cancer. Napakagaling din ng cactus na labanan ang mga virus tulad ng herpes, HIV-1 at influenza virus. Gayundin, malaki ang naitutulong ng cactus para mga may diabetes.

Ang isa sa malaking tulong ng cactus sa mga tao ay ang kakayahan nitong patagalin ang pagtanda ng tao sa pamamagitan ng pagiging muling pagbata ng skin. Ito ay nagagawa sa pamamagitan ng regular na pagpahid ng mismong cactus sa balat ng tao.

Napigilan din ng cactus ang maagang pagka-kalbo at nagagawa nito na muling patubuin ang mga buhok sa ulo.

Narito ang ilang mahahalagang sustansiya na makukuha sa cactus:

• Ash

• Pectin

• Vitamin C

• β-carotene

• Calcium

• Magnesium

• Sodium

• Potassium

• Phosphorus

• Iron

DAGDAG-KAALAMAN: Ang pag-inom ng isang kutsara ng katas ng cactus bago matulong ay epektibo upang magkaroon ng masarap at mahimbing na tulog.

Good luck!

Kamoteng kahoy, pampaganda ng fertility

ni Sir Govinda Jeremaya - @Halamang Gamot | July 29, 2020

Ang kamoteng kahoy o cassava.

Bukod sa rice, bigas o kanin, ang kamoteng kahoy ay isa rin sa staple food ng mga Pinoy. Ang totoo nga, sa mga probinsiyang hindi nakakapagtanim ng palay o walang gaanong bukirin dahil mabundok, kamoteng kahoy ang laman ng kanilang hapag-kainan.

Gayundin, ang Pilipinas ay masasabing bansa ng mga mountain o bundok. Kahit pa sinasabing ang ‘Pinas ay land of many islands, ang mga islang ito ay mga bulubundukin, na ang pagtatanim ng palay ay almost impossible.

Dahil dito, mas kilala ang kamoteng kahoy kaysa sa bigas kung ang pag-uusapan ay araw-araw na nakikita ang bigas at kamoteng kahoy. Mahirap paniwalaan, pero isang katotohanan na may ilang Pinoy na nakatira sa mga bundok ang hindi pa nakakakita ng palay dahil walang taniman ng palay doon.

Ang nakakatuwa sa cassava ay ang sinasabing kaya maraming kabataan ang mga taga-probinsiya ay dahil sa pagkain ng cassava. Dahil may ilang pag-aaral na nagsasabing ang pagkain ng cassava ay nagpapalakas ng fertility ng kababaihan.

Kaya may paniniwala na kapag hindi magkaanak, dapat kumain ng kamoteng kahoy.

Hindi pa man gaanong konklusibo na ang kamotang kahoy ay nagpapalakas ng fertility, may ilang ebidensiya na ito ay nagpo-promote ng ovulation. Ibig sabihin, nakakatulong ang kamoteng kahoy na mahinog at lumakas ang egg cells ng babae.

Hindi naman masama kung ang mga hindi magkaanak ay kakain ng kamoteng kahoy dahil ine-engganyo ng mga dalubhasa sa nutrition field ang pagkain ng kamoteng kahoy, lalo na sa mga lugar na walang palay at sa mga bayan na napakataas ng halaga ng bigas.

Taglay ng cassava ang dalawang sikat na sikat sa mga OB-Gyne na madalas na inirereseta sa kakabaihan na kung tawagin ay phytoestrogens at folic acid. Ang dalawang ito ay nag-e-enhance ng fertility o pinalalakas ang kakayahang mabuntis ng isang babae.

Sa probinsiya, kapag nagkaanak ng kambal ang babae, ang unang papasok sa isip ay ito ay dahil sa pagkain ng kamoteng kahoy. Kaya hindi man ito ginagarantiyahan ng agham ng medisina, ang cassava ay may epekto na maging kambal ang anak.

Narito pa ang ilang sustansiya na makukuha sa cassava mula sa isang tasa ng serving:

• Energy - 160 kcal

• Carbohydrates - 38.1 g

• Sugar - 1.7 g

• Dietary fiber - 1.8 g

• Fat - 0.3 g

• Protein - 1.4 g

Taglay din ng cassava ang mga vitamins at minerals na:

• Thiamine (B1)

• Riboflavin (B2)

• Niacin (B3)

• Vitamin (B6)

• Folate (B9)

• Vitamin C

• Calcium

• Iron

• Magnesium

• Phosphorus

• Potassium

• Sodium

• Zinc

Sinasabing nakakalason ang pagkain ng cassava dahil may mga naiulat na kumain ng kamoteng kahoy at nalason.

Ito ay tunay na nangyayari kapag ang cassava ay hindi lutung-luto kaya lutuin munang mabuti ang cassava bago kainin.

Ang dahilan ng pagkalason ay ang presensiya ng cyanide sa cassava kaya muli, hugasan itong mabuti bago lutuin.

Ang mapait na cassava ay hindi rin inirerekomendang kainin. Ganundin ang kamoteng kahoy na sobrang tigas na at kapag may ibang kulay na tulad ng green, black at iba pang kulay na hindi white o yellow.

Good luck!

Orchids, ‘di lang pandispley dahil panlaban pa sa mahinang immune system

ni Sir Govinda Jeremaya - @Halamang Gamot | July 26, 2020

Ang orchids.

Sikat ang orchids sa mayayaman, para bang sa lahat ng klase ng halaman, ito ang number one para sa kanila. Kaya nga halos lahat sila ay may tanim na orchids at hindi lang basta tanim, inaalagaan pa nila ito nang may pagmamahal kaysa sa mga taong mahal nila sa buhay.

Sikat din ang orchids sa mga office at iba pang business places. Ang nakatutuwa pa sa orchids, sariwa o buhay na orchids ang ginagamit na pandekorasyon, pero hindi lang buhay na orchids ang gusto ng mga tao dahil maging ang mga larawan nito ay ginagamit ding pandekorasyon.

Ang isa pang nakakatuwa sa orchids ay hindi lang siya sikat ngayon dahil noon pa man, sikat na sikat na ito.

Ayon sa Japanese legend, may isang emperor na ang asawa ay hindi magkaanak. Sa sobrang lungkot niya, namalagi ang asawa ng emperor sa garden of orchids, wala siyang ginagawa roon kundi langhapin ang amoy na inilalabas ng mga bulaklak ng orchids at nagkaroon ng malaking himala sa buong emperyo dahil ang asawa ng emperor ay nagkaanak ng 13 bata.

Dahil dito, sumobra ang kasikatan ng orchids sa Japan. Ang mga tinatawag na Samurai ay nahalina at nalibang sa pag-aalaga ng orchids na parang nakalimutan nila na ang kanilang buhay ay mandirigma.

Ang mga tao ay nagtanim ng orchids. Dahil malaki ang kinikita nila sa pagtatanim nito, ang ibang produkto ay napabayaan na.

Sa ganitong sitwasyon, ipinagbawal ng emperor ang pag-aalaga ng orchids at ang parusa ay kamatayan sa sinumang lalabag sa nasabing kautusan.

China ang unang nakapansin sa orchids dahil ito ay kinilala ng sikat na emperor na si Shen-nung, na kinikilala rin bilang Father of Chinese Medicine.

Narito ang ilang sakit o karamdaman na nasa orchids ang kagamutan:

• Cancer

• Mahinang immune system

• Lumalabong mga mata o pagkabulag

• Sore throat

• Sira ang panunaw o digestive problems

• Pagtatae

• Sakit sa bagang o bunganga o gum disease

• Panlaban sa mga bakterya sa loob at labas ng katawan

Ang pinakasikat na medicinal benefit ng orchids ay ang panlaban sa depression, gaanuman ito kalala.

Gayunman, ang pinakasikat sa modernong panahon ay ang orchids tea, na ang epekto sa tao ay sumasaya, sumisigla at nanariwa ang lakas at mismong katawan.

Ang orchids tea ay ang pinatuyong talulot (petals) ng bulaklak ng orchids na ibababad sa mainit na tubig. Iinumin ito sa gabi bago matulong, pagkagising sa umaga at sa pamamahinga at pagtapos ng tanghaling tapat, maganda rin na uminom ng orchids tea.

Good luck!