Rambutan, epektib na gamot sa rayuma, sakit sa kasu-kasuan at hirap sa pagdumi

ni Sir Govinda Jeremaya - @Halamang Gamot | August 24, 2020

Ang rambutan.

Kakaiba ang rambutan kaysa sa mga pangkaraniwang prutas dahil may mga pahabang patusok na bahagi ng balat nito. Ito ay tinatawag na “buhok” ng bunga ng rambutan, pero hindi ito balahibo, kumbaga, ito ay hair-like lang at hindi tunay na buhok.

Sa totoo lang, ang salitang “rambutan” ay mula sa Malay word na “rambut” na ang kahulugan ay “hair” at ang rambutan naman ay “hairy fruit.”

Ang rambutan ay mayaman sa nutrients and antioxidants.

Ang apat na bunga ng rambutan ay may 1.3 hanggang 2 grams ng fiber. Mayaman din ito sa Vitamin C at sa pagkain ng lima hanggang anim na piraso ng rambutan, makakakuha ng 50% daily Vitamin C needs ng tao. Ang Vitamin C ay isang mabisang antioxidant.

Mayroon din itong copper na nagpapalakas ng buto, utak at puso. Gayundin, mayroon itong manganese, phosphorus, potassium, magnesium, iron at zinc.

Ang rambutan ay nagtataglay ng sapat na dami ng copper na may malaking naitutulong sa paglaki at maintenance ng mga cells, gayundin sa buto, utak at puso.

Mula sa apat na bunga na kakainin, maaaring makakakuha ng 20% daily copper needs, habang 2% hanggang 6 % na ng daily recommended amount ng mga nutrients na nabanggit.

Ang mismong balat at buto ay kinakain din ng ilang tao, pero bilang pagtatapat, ang balat at buto ay hindi ikinukonsidera na puwedeng kainin ng tao. Sa ilang pag-aaral, ito ay toxic sa tao kaya hindi ito dapat kainin.

Kaya sa pagkain ng rambutan, dapat iwasan na makain ang buto at balat. Gayunman, patuloy na pinag-aaralan ng mga dalubhasa ang tungkol sa balat ng rambutan dahil may isang palatandaan na ito ay puwedeng maging anti-viral, anti-bacterial at anti-fungus.

Sa mundo ng herbal medicine, ang rambutan ay ginagamit na:

• Pantulong sa digestion kung saan nalulunasan nito ang hirap sa pagdumi.

• Gamot din ito sa rayuma, sakit sa kasu-kasuan at mga buto na sugpungan o joints na namamaga. Ganundin sa mga daliring tumitigas ang mga joints.

• Maganda ang rambutan para sa mga nagpapapayat, kaya nakakatulong ito para sa weight loss. Kapag kumain ng rambutan, malabo ang mag-over-eating.

• Napakaganda rin ng rambutan para sa mga taong nakararanas ng pagkatuyo ng balat. Mas magandang ugaliin na kumain ng rambutan sa buong panahon ng pamumunga nito dahil mahabang panahon ding gaganda at kikinis ang kutis kahit hindi na panahon ng rambutan.

Kumbaga, dapat tayong kumain nang kumain ng rambutan kapag mayroon nito sa mga fruit stands dahil kahit hindi na namumunga ang puno nito, mamamalaging maganda ang ating balat hanggang sa susunod na panahon nito.

Good luck!

Bayabas, pampaganda ng kutis at pampalakas ng immune system

ni Sir Govinda Jeremaya - @Halamang Gamot | August 19, 2020

Ang guava o bayabas.

Kapag napag-uusapan ang lutuin, sinigang ang isa sa paborito ng mga Pinoy. Maraming klase ng sinigang, pero ang sinigang sa bayabas ang da best.

Nakatikim ka na ba ng sinigang sa bayabas, kakaiba, ‘di ba? Dahil bukod sa maasim, ito ay may kakaibang sarap na lasa.

Lahat ng sinigang ay maasim o may asim kaya ang numero-unong gamit na sangkap ng sinigang ay maasim. Kapag walang asim, ito ay hindi sinigang kundi simpleng pinakuluan o nilaga.

Sa bayabas, tulad ng nasabi na, may kakaibang lasa bukod sa may asim na, may kaunting tamis pa dahil ang ginagamit na pansigang ay hinog na guava.

Dahil hinog na guava ang pansigang, ito rin ay nagbibigay ng kakaibang texture sa sabaw kung saan ang sabaw ay makikitang hindi plain water kundi may laman mula sa hinimay na hinog na bayabas.

Pero ang higit na benipisyo ng bayabas mula sa sinigang ay ang kanyang nutritional benefits.

Ang isang pangkaraniwang laki ng bayabas ay nagtataglay ng mga sumusunod:

• Protein

• Lipid (fat)

• Carbohydrate

• Fiber

• Sugar

• Calcium

• Iron

• Magnesium

• Phosphorus

• Potassium

• Sodium.

• Zinc

• Vitamins A, B6, B12, C, D, E at K

• Thiamin

• Riboflavin

• Niacin

• Folate

• Saturated, monounsaturated at polyunsaturated fatty acids

Narito naman ang iba pang kayang gawin ng bayabas:

• Ang maganda pa sa guava ay nakokontrol nito ang blood sugar level.

• Nagpapalakas ng puso kaya good for the heart.

• Maganda rin ang bayabas sa kababaihang may menstrual cramps.

• Malaki ang tulong nito sa digestive system dahil kinokontrol ng bayabas ang masasamang bakterya sa tiyan.

• Bumaba ang timbang ng matataba sa pagkain ng bayabas.

• Nagpapaganda ng kutis, lalo na sa mga may taghiyawat.

• Ito ay isa sa mga prutas na nagpapalakas ng immune system.

Next time na magsisigang ka, saan ka pa? Eh, ‘di sa sinigang na bayabas na!

Good luck!

Mga vegetarian, pasok!... langka, oks na pamalit sa karne

ni Sir Govinda Jeremaya - @Halamang Gamot | August 16, 2020

Ang langka/jackfruit.

Alam mo ba na ang langka ay ang kinikilalang largest edible fruit sa buong mundo? Oo, ito nga ang pinakamalaking bunga na kinakain at ito ay sa dahilang lumalaki ang bunga ng langka at minsan, hindi ito kasya sa isang sako ng bigas dahil karaniwang kasing-laki ng isang sako ang langka.

Sa lahat din ng prutas, langka ang iniingatan hindi dahil pipinsalain ng mga insekto o peste kaya tinatakpan. Ang ibang bunga ng halaman, lalo na sa mga gulay ay tinatakpan para hindi masira ng mga insekto.

Pero ang langka ay tinatakpan para hindi maging “takaw-mata” sa malikot ang kamay dahil nakaka-engganyo ang laki ng bunga nito at nakakatuksong pitasin kahit pag-aari ito ng iba.

Marami ring mga prutas ang minamatamis at inilalagay sa garapon o sisidlan para makain pa rin sa ibang araw at ang langka ang pinakapaboritong matamisin dahil ito rin ang pinakamabili sa lahat ng minatamis na ang sangkap ay mga prutas.

Hindi naman simpleng pagkain ang langka dahil ito rin ay nasa listahan ng mga herbal medicine at narito ang ilang bagay na kayang gaiwn ng langka:

• Mabilis na gumagaling ang sugat kapag ang pinaghugsang ng langka ay ipinanlinis sa sugat.

• Kaya ring patayin ng langka ang mga mikrobyo sa balat, kaya ito rin ay kinikilalang pampaganda ng kutis. Kahit ang mga black heads o maiitim na patse sa balat ay kaya nitong matanggal.

• Nagagamit din itong mouthwash dahil napapatay nito ang mga mikrobyo sa bibig.

• Ang langka ay kinikilala ring meat substitute o pamalit sa karne para sa mga vegetarian. Kung magluluto at ang putahe ay may tunay na karne, hinog na langka ang puwedeng ipalit sa tunay na karne at nakagugulat dahil mas masarap ang lutuin kapag ito ang ipinalit sa karne.

• Ang pagkain ng langka ay nagpapababa ng masamang cholesterol, kaya ito ay good for the heart.

• Kaya rin ng langka na pababain ang blood pressure.

• Sa pagkain ng langka, ang tiyan at bituka ay lumilinis dahil kaya nitong tangayin ang mga mikrobyong nakakapit sa tiyan at bituka.

Narito naman ang nutritional facts ng langka sa bawat isang tasa o serving:

• Calories - 157

• Protein - 2.84 g

• Fat - 1.06 g

• Carbohydrates - 38.36 g

• Dietary fiber - 2.5 g

• Sugar - 31.48 g

• Magnesium - 48 mg

• Potassium - 739 mg

• Vitamin C - 22.6 mg ng

Sa kasalukuyan, pinag-aaralan ang langka bilang gamot sa cancer at sa paunang resulta, lumalabas na malaki ang posibilidad na mapatay nito ang cancer cells ng iba’t ibang klase ng sakit na ito.

Good luck!