Brazilian Football legend Ronaldinho, kinapitan ng COVID-19

ni Gerard Peter - @Sports | October 27, 2020

Napabilang sa mga bagong kaso ng mapaminsalang novel coronavirus disease (Covid-19) si Brazilian legendary striker Ronaldinho ng magpositibo ito sa naturang sakit, kung saan patuloy pa rin ang paglobo ng mga kaso ng impeksyon sa buong mundo.

Ilang araw lang matapos tamaan din ang football superstar na si Cristiano Ronaldo ng Portugal sa ikalawang pagkakataon, isa pang high-profile football star ang umamin sa pagkakahawa ng nakamamatay na virus at mananatiling nasa isolation ng isang hotel sa Brazil.

“I've been here in BH since yesterday, I came to participate in an event,” saad ni Ronaldinho sa kanyang Instagram. “I took the test and tested positive for Covid. I'm fine, asymptomatic, but we'll have to leave the event for later. Soon we will be there together. Big hug!” dagdag ng dating two-time FIFA World Player of the Year sa kanyang video messages sa Instagram.

Kabilang ito sa magulong taon para kay Ronaldinho kasunod ng pagkakakulong nito kasama ang kapatid na si Roberto Asis sa Paraguay nitong Marso ng pumasok ang mga ito sa bansa gamit ang pekeng passports. Dahil dito ay kinasuhan silang makulong sa isang hotel sa Paraguay noong Abril matapos ikasa ang 32-araw na pagkakakulong na nagtapos nitong Agosto. “It was a hard blow, I never imagined that I would go through such a situation,” wika ni Ronaldinho. “All my life I have sought to reach the highest professional level and bring joy to people with my football.”

Kinilala ang Brazilian footballer bilang isang iconic figure sa kasaysayan ng football na nagsilbi ng 17-taon ng paglalaro mula sa Brazilian national team, Barcelona at Barca, gayundin sa Gremio, Paris Saint-Germain, AC Milan, Flamengo, Atletico Mineiro, Queretaro at Fluminense.

Caruso, nagbabala kay Folayang... pero Pinoy, handa sa ONE C'ship

ni Gerard Peter - @Sports | October 26, 2020

Tila nagpahiwatig ng babala ang Australian fighter na si Antonio “Spartan” Caruso laban kay dating ONE Lightweight champion Eduard “Landslide” Folayang hinggil sa lahat ng mga kakayanan nitong maipakita sa oras na magharap sila sa Oktubre 30 sa undercard match ng star-studded at championship packed na ONE: Inside the Matrix sa Oktubre 30 sa Singapore Indoor Stadium.

Maituturing ng isang alamat sa mundo ng mixed martial arts ang Team Lakay member na tubong Baguio City, kaya’t ganoon na lamang ang pagsisigasig at motibasyon ng 29-anyos mula Adelaide, South Australia na makamtan rin ang natamong tagumpay ng dating two-time lightweight champion.

Nais tuldukan ni Caruso (7-1) ang alamat ng Team Lakay wushu specialist na si Folayang (22-9) na hindi pa nakakalaban ang uri ng mandirigma sa mga dati nitong katunggali.

“He has never fought a person like me before. He fought a lot of boxers, kickboxers, wrestlers, jiujitsu fighters, but he hasn’t seen a fighter like me and that’s what I’m going to bring coming on Oct. 30. Need to deal with me,” pahayag ni Caruso sa ginanap na online-virtual press conference nitong Biyernes ng hapon sa zoom app. “If you want to be a legend, you need to beat a legend. I will show everyone that there’s a new challenger in the lightweight division,” dagdag nito.

Gayunpaman, hindi naman nagpasindak ang dating 3-time Southeast Asian Games wushu gold medalists, dahil inaasahan na nitong ibubuhos lahat ng Aussie All-around fighter ang kanyang kakayanan at kaalman sa pagtatapat nila, samantalang nakahanda ito sa lahat ng ipapakita ng banyagang kalaban.

“Expect ko na ilalabas niya yung best niya sa laban namin. We have different style and that’s the best thing that everyone must watch,” saad ng dating 2006 Doha Asian Games silver medalist.

Aminado si ONE Championship Chairman at CEO Chatri Sityodtong na malaki pa ang maibubuga ng beteranong Filipino fighter pagdating sa pakikidigma sa loob ng octagon ring, dahil naniniwala itong kaya pa nitong talunin ang sino mang itapat rito.

“He’s still there mentally. He’s always hungry like a grisly lion and always improves his skill sets,” wika ni Sityodtong patungkol kay Folayang. “He can beat any person at any given night,” dagdag ng Thai executive at entrepreneur.

Ito rin ang paninindigan ng dating Universal Reality Combat Championship (URCC) welterweight champion tungkol sa kakayanan nitong ipagpatuloy pa rin ang apoy sa kanyang pakikipaglaban at tanging masasabi nito sa banta ng Aussie opponent, “Only carabaos get old. I enjoy what I’m doing, and I put a lot of effort every time I fight. I believe I still remain fresh and ready to fight.”

Matthyse, Jr, atras sa pro debut dahil na-knockout sa COVID-19

ni Gerard Peter - @Sports | October 23, 2020

Pansamantalang maaantala ang professional debut ni amateur standout Walter Matthysse Jr. ng Argentina matapos magpositibo sa novel coronavirus disease (Covid-19), kabilang din ang trainer at uncle nitong si Mario Narvaes.

Nasa dugo ng 22-anyos na Trelew, Chubut, Argentina-native ang pagiging boksingero na sumunod sa mga yapak ng amang retired boxer na si Walter Sr. (26-5-1, 25KOs), na minsang lumaban sa IBF welterweight title noong 2007, habang pamangkin ito ni Lucas Matthysse (39-5-1, 36KOs), na huling beses lumaban at natalo katapat si eight-division World Champion Manny “Pacman” Pacquiao para sa WBA (Regular) 147-pound title.

Napag-desisyunang iatras muna ito sa kanyang pro-debut na nakatakdang ganapin sa darating na Sabado sa Coliseu Boxing Center sa Sao Paulo, Brazil na ipapalabas mula sa TYC Sports, kung saan makakaharap sana ng batang Matthysse ang undefeated local fighter na si Fernando Messias (2-0, 1KO).

Kinakailangang dumaan muna sa two-week quarantine ang tinaguriang “El Nino Terrible,” na mayroong amateur record si Matthysse Jr. ng 59-3-1, at kung sakaling maging maayos na ang kondisyon nito sa mga darating na araw ay muling itatakda ang laban sa Nobyembre 27 sa Sao Paulo.

Patuloy pa rin na isasagawa ang labanan para sa WBO Latin welterweight title sa pagitan nina Fernando Pinto at Buenos Aires fighter Juan Leal para sa 10-round fight. Sa kabilang banda, sasagupa rin bilang parte ng card fight sina Uruguayan prospects José Acevedo, Víctor Rodríguez at Jairo Albiso, na parte rin ng unang edisyon ng "KO AL COVID 19."

Makakaharap ni Acevedo (6-0, 4 KOs) si Brazilian Pedro Guilherme Dos Santos (3-2-2) para sa 6-round battle, tatapatan naman ni Albiso (3-0, 3 KO) si fellow local Ykaro David Silva Santos (2-0, 1 KO) sa 4-round bout at kakaharapin ni Rodríguez (2-0) si Sao Paulo's Kenes Carneiro Mesquita (3-3-0), sa 4-round boxing match.