Kingry Garcia, malabong makaporma kay Pacman

ni Gerard Peter - @Sports | February 10, 2021

Sa bawat salitang binibitawan ng iba’t ibang personalidad sa mundo ng boksing, tanging ang pag-asang tatalunin ni rising boxing star Ryan ‘KingRy” Garcia ang nag-iisang eight division World champion na si Manny “Pacman” Pacquiao ay manggagaling lamang sa mga tagasunod nito.

Naniniwala ang mga dating boxing champions na sina Zab “Super” Judah, Erik “El Terrible” Morales at Carl “The Jackal” Frampton na malabong magwagi ang 22-anyos na interim World Boxing Council (WBC) lightweight titlist kay Pacman kahit pa man 42-anyos na ito dahil hindi matatawaran ang eksperyensya, bilis at lakas higit na sa oras na magbalik ensayo ito.

Ayon sa dating IBF at WBO junior welterweight titlist na si Judah, isang malaking katatawanan umano na talunin ni Garcia si Pacquiao sakaling matuloy ang pagtatapat ng dalawa ngayong taon. “I think it’s buffoonery, you know why? Because if the Pacquiao that we know shows up the way he’s supposed to show up, on paper he is supposed to demolish Ryan Garcia. Ryan Garcia is gonna be a great but is he ready for an elite Pacquiao right now? No way,” pahayag ni Judah sa panayam ng ESNEWS sa Instagram Live. “Even at his age right now, the speed and the power and everything that Pacquiao possesses is way too much for Ryan Garcia at this moment right now.”

Nakikita naman ng dating mahigpit na kalaban ni Pacquiao (62-7-2, 39KOs) na si Morales na hindi tatagal ng dalawang rounds ang Victorville, California-native, na minsang naranasan ang mga patamang suntok sa kanilang trilogy noong Marso 2005 at nung Enero at Nobyembre 2006 na parehong napanalunan ng fighting Senator.

“Pacquiao with Ryan is a very lopsided fight. Even though (Pacquiao) is old, he can put Ryan to bed in two rounds,” paliwanag ni Morales sa panayam ng Boxingscene.com “I think (Garcia) is taking advantage of being a popular fighter. That is the reality, he is already a champion, but he has to face the best to solidify it, because he is hardly an interim,” dagdag ng dating four-division champion na naiupo bilang parte ng International Boxing Hall of Fame noong 2018.

Medalists sa 2019 SEAG, prayoridad sa Vietnam Meet

ni Gerard Peter - @Sports | February 8, 2021

Isang hakbang upang masigurong magiging malaki ang tsansa ng Pilipinas sa 31st Southeast Asian Games ay ang pagpapadala lang sa mga nagsipagpanalo ng medalya sa nagdaang 2019 biennial meet sa bansa.

Inihayag ni Hanoi meet Chef De Mission Ramon Fernandez na may posibilidad na mas magiging kaunti ang maipapadalang delegasyon sa regional multi-sport event ng bansa dahil pagbabasehan lang ang mga nagsipagwagi ng gold, silver at bronze medal sa 30th edisyon kung saan nakuha ng Pilipinas ang 2nd overall title sa pamamagitan ng 149 golds, 117 silvers, at 121 bronze medals sa kabuuang 387 medalya.

Tinukoy din ni Fernandez na sa 40 sports na napili ng Vietnam organizing committee na gaganapin sa Nobyembre 20-Disyembre 2, tanging 38 lang sa 520 events ang may tsansa na lumahok. “Our first criteria is by giving the medalist in the last SEAG shoe-in the Hanoi meet, but we’re still going to discuss it with the NSAs, baka kase may mga bagong sibol na batang magagaling. We will love to meet them muna,” pahayag ni Fernandez sa panayam ng Bulgar sa telepono, kasunod ng naganap na pagpupulong kay Philippine Olympic Committee (POC) President Cong. Abraham “Bambol” Tolentino nitong Biyernes.

Aniya pa, prayoridad nilang muling ipagpatuloy ang pagsasanay at paghahanda ng SEA Games-bound. Susubukan niyang ilapit sa PSC Board kung maaaring magamit na ang mga pasilidad sa loob ng Rizal Memorial Sports Complex, partikular na ang Rizal Memorial Coliseum na mahigit isang buwan ng walang laman na mga pasyente ng Covid-19, matapos gawin itong Covid-19 facility maging ang Ninoy Aquino Stadium sa Maynila at Multi-Purpose Arena sa Philsports Complex sa Pasig City.

Planong ilagay din ang mga national athletes sa isang ‘bubble training camp’, kung saan ilan sa mga NSAs ay may napili ng mga pasilidad na pagsasanay kabilang ang Archery na nasa Dumaguete, Fencing sa Ormoc, Cycling at Skateboarding sa Tagaytay, Rowing sa La Mesa Dam at Wrestling sa Paranaque City.

Japoy at Valdez, tuloy ang 6-minute virtual exercises

ni Gerard Peter - @Sports | February 5, 2021

Patuloy na isinusulong ang konsepto ng kahalagahan ng pampalakasan hindi lamang sa mga kabataan, bagkus ay sa pangkalahatan upang mapanatili ang kaliwanagan ng isipan mula sa malakas na pangangatawan.

Nagiging mas madaling ipahatid at ituro sa mga kabataan sa tulong ng kanilang mga guro, magulang at coaches ang mga basic instructions at ehersisyong inihahatid ng dalawa sa respetado at multi-awarded athletes na sina volleyball superstar Alyssa Valdez at Southeast Asian Games champion Japoy Lizardo na halinhinang itinuturo ang 4 na klase ng easy-to-do-it na exercise sa loob ng 6-na minuto sa kanilang YouTube channel na umabot na sa mahigit 38 million na manonood sa buong bansa.

Muling nagsanib-pwersa ang Milo Philippines at Department of Education (DepEd) upang mas lalo pang ilapit sa marami, higit na sa mga kabataan ang pagtataguyod ng pampalakasan mula sa paglulunsad ng Milo Champion Habit via online.

“We always believe that active kids are better learners, that’s why with our programs shifted into digital based, we launched another way to help our kids boost their lifestyle into healthier and better performers in school and in sports,” pahayag ni Lester Castillo, Asst. Vice president ng Nestle Philippines – Milo, kasama si Milo Ambassador Japoy Lizardo, kahapon ng umaga sa lingguhang TOPS: Usapang Sports na live na napanood at napakinggan via Sports on Air. “It’s easiest way to inspire our kids to do active and do even more at the expense of their own home. Everyone can do it before or after their online classes,” dagdag ni Castillo.

Malaking papel ang ginagampanan ng DepEd sa mandatong bigyang prayoridad ang sports, na napapabilang sa mga polisiya ng estado kaakibat ang iba pang mga mahahalagang pinag-aaralan kasama ang edukasyon, kultura, sining, agham at teknolohiya.

“Yung konsepto ng pagpapahalaga sa sports o pag-engage sa physical activities, sports competitions ay isang mandato na nakapaloob mismo sa ating saligang batas. Iyan ay isang polisiya ng ating estado na bigyang prayoridad ang pampalakasan…mahalaga po ang mga paggalaw at physical activities sa konteksto ng palakasan, dahil ayan po ang itinatadhana ng batas,” paliwanag ni DepEd Undersecretary Tonisito Umali sa programang hatid ng PSC, PAGCOR at GAB). “Kaya kami ay nagpapasalamat sa Milo Philippines, dahil kahit sa panahon ng pandemya, dahil sa kanila natutulungan nila ang kagawaran ng edukasyon kung papaano maisulong at maisakatuparan ang mandatong ito, sa pamamaraan katulad po ng Milo Champion habit.”

Ito rin ang klase ng pamamaraan na ginagamit ng dating national team member na si Lizardo sa kanyang mga estudyante sa taekwondo, kung saan kahit na nasa bahay lamang ang lahat ay nagagawa pa ring magabayan at maturuan sa paggamit ng panibagong platform sa panahon ng pandemic gamit ang teknolohiya ng online virtual.