Lusot sa covid si Berchelt, pero nasukol sa WBC ni Valdez

ni Gerard Peter - @Sports | February 23, 2021

Natakasan man ni Miguel “The Scorpion” Berchelt ang mapanganib na Covid-19 na tumama sa kanya noong isang taon, hindi naman nito naiwasan ang hagupit ng mga suntok ng bagong World Boxing Council (WBC) junior-lightweight titlist na si Oscar Valdez ng tuluyan siyang padapain nito, Sabado ng gabi (Linggo ng umaga sa bansa) sa MGM Grand sa Las Vegas, Nevada.

Isang panibagong pagtatapat para sa mga serye ng Mexican vs Mexican battle ang nagbigay ng oportunidad para koronahan bilang bagong super-featherweight titlist ang 30-anyos na two-time Olympian at manatiling undefeated matapos tuluyang tapusin ang laban sa bisa ng isang matinding left hook sa 2:59 ng 10th round kasunod ng dalawa pang naitalang knockdowns sa kanilang laban.

Ito na ang ika-2 titulo na nahawakan ng Nogales, Sonora, Mexico-native na si Valdez (29-0, 23KOs) matapos pagharian ng mahigit apat na taon ang WBO featherweight belt na tuluyan nitong binitawan at umakyat ng 130-pounds, kung saan agad na nagpasiklab ng parehong pabagsakin sina American Adam Lopez noong Nob. 30, 2019 at Puerto Rican Jayson Velez noong Hulyo 21, 2020.

“There’s nothing better in life than proving people wrong. I have a list of people who doubted me. I’m so happy right now, I can almost do a backflip like [World lightweight champion] Teofimo Lopez,” wika ni Valdez sa panayam ni ESPN’s Bernardo Osuna matapos ang naging laban. “I want to take this belt home, and I’m happy for that. Any champion out there… I heard Shakur Stevenson wants to fight. Let’s do it. I just want to keep on fighting and give the fans what they want.”

Natapos ang apat na taong paghahari ng 29-anyos mula Cancun na si Berchelt (37-2-1, 33KOs) sa kanyang titulo, gayundin ang pagpapatigil sa 17-fight winning streak nito simula noong Mayo 31, 2014. Pansamantalang naudlot ang mas maagang pagtatapat ng dalawang Mehikano noong Disyembre 12, 2020 matapos magpositibo si Berchelt sa Covid-19 na sumailalim sa mahigpit na quarantine.

Pacman-Crawford fight, tila wala nang atrasan

ni Gerard Peter / VA - @Sports | February 20, 2021

Nananatiling hindi nagbabago sa kagustuhang makalaban sa ibabaw ng ring ng World Boxing Organization (WBO) welterweight champion Terrence “Bud” Crawford dahil patuloy pa ring pinipili nitong makatapat ang nag-iisang eight-division World titlist na si Manny “Pacman” Pacquiao.

Inamin ng 33-anyos mula Omaha, Nebraska na mas gusto niyang labanan ang 42-anyos na dating World Boxing Association (WBA) super 147-lbs titlist na ginawang “Champion in Recess” ng sanctioning body matapos hindi magkaroon ng laban ng halos dalawang taon dahil sa pandemic.

Tinukoy ni Top Rank top honcho Bob Arum na kabilang si Pacquiao at si dating WBC 147-pound champ na si Shawn “Showtime” Porter sa pinagpipiliang itapat sa undefeated American champion sa pagbabalik laban nito sa spring sa U.S. ngunit, mas pinipili ni Crawford ang fighting Senator. “I don't know we just have to wait and see. Both of them are great fights. Yeah, I prefer the Manny Pacquiao fight over Shawn Porter, but Shawn Porter is a great fight in its own right and I am going to be ready for whichever one comes to fruition,” wika ni Crawford sa panayam sa kanya ng Fighthype.com.

Gayunpaman, nakahanda ang 2006 Golden Gloves silver medal winner at 2007 US National Championship bronze medalists sa sinomang may posibilidad na itapat sa kanya. “I really can't say. All I can do is prepare myself to the best of my abilities and be ready for whatever is put in front of me,” eksplika ni Crawford.

Tanggap ni Crawford na magkaibang estilo sina Pacquiao at Porter na, kung saan hindi niya magiging malaking problema dahil kilala ang dating decorated amateur champion na si Crawford na kayang mag-adjust sa kahit kaninong kalaban sa loob ng ring, lalo pa’t tila napag-aralan na niya kung paano makipaglaban ang dalawang dating kampeon. “Both of them have their own strong points. Manny Pacquiao is fast and moving, he can punch. Shawn Porter is aggressive, tough, and durable,” ani Crawford.

VisMin Cup, Pro League na, unang planong amateur

ni Gerard Peter - @Sports | February 19, 2021

Hindi na mahihirapan pang matupad ang pangarap ng mga lokal at homegrown basketball players mula sa Visayas at Mindanao sa pagpasok ng bagong professional league sa bansa – ang VisMin Super Cup. Nagsimulang pinlano ang amateur league sa Visayas at Mindanao noong isang taon, ngunit dahil sa matinding pinsala ng Covid-19 ay naisalin sa pagiging ligang propesyunal dahil sa tulong ng Games and Amusement Board (GAB).

“It was supposed to be an amateur league, pero dahil sa inabot ng Covid-19, and many players, referees and officials ang walang hanapbuhay, we make a gamble to put it into pro. Worth it naman ang pagiging pro under GAB,” pahayag ni league COO Rocky Chan, kahapon ng umaga sa weekly TOPS: Usapang Sports webcast. “This league is made to discover new talents and generate jobs to all, most specially in the south, and at the same time promote sports tourism in the region. We’re not here to compete against other pro or basketball leagues. Ang daming players pero limited lang ang nakakalaro. This will also add to another platform na may mapaglaruan at may trabaho sa lahat,” dagdag ni Chan sa programang hatid ng Philippine Sports Commission (PSC), GAB at Philippine Amusement and Gaming Corp. (PAGCOR)

Ilalagay sa magkahiwalay na bubble format ang tig-anim na koponan sa Visayas at Mindanao, kung saan sisimulan ang mga laro sa Abril 9 sa “The Big Dome” ng municipality ng Alcantara, Cebu na lalahukan ng ARQ Builders Lapu-Lapu Heroes, MJAS Zenith-Talisay City Aquastars, Kiboy’s Computer Solutions-Manaue City Megabytes, XUR Homes Realty-Eastern Samar, Danao City at isa pang koponan.

Pagpipilian sa pagitan ng Zamboanga City na may team na Valientes at Zamboanga del Norte at ang dalawang teams na Roxas Vanguards at Sindangan kung sino ang magiging host ng Mindanao leg, na may koponan din mula Pagadian Explorers at dalawa pang teams.

Ayon kay league Ambassador at ex-PBA player at legend Don-Don Hontiveros na patuloy na susunod sa ginawang Joint Administrative Order (JAO) ng GAB, health department at PSC mula sa kautusan ng IATF-EID ang kanilang liga para panatilihing ligtas ang bubble type set up. “We’re still following and implementing the JAO order. Make sure that we are abiding the health and safety protocols of the IATF for the security of all the players, staff, and officials,” saad ni Hontiveros, at aniya ay magsasagawa ng RT-PCR testing at testing every two weeks sa players ng liga na inagapayan ng MDC official ball ng lga para sa monitoring.

Tatapusin muna ang Visayas Leg para sa double round robin elims at kukunin ang Top 2 teams, habang maglalaban ang apat na nalalabing teams at hawak ng 3 at 4 ang twice-to-beat advantage. Ang mananalo ay tatapat sa top 2 teams at ang magkakampeon ay ang makakakuha ng titulo sa Mindanao leg. Inaasahang sisimulan ang Mindanao leg sa 2nd week ng Mayo sa parehong format ng Visayas leg.

Mabibigyan ng playing time ang mga homegrown talents sa bawat koponan na inobligang maglaan ng 3 manlalaro mula mismo sa kanilang lungsod. “Yung tatlo from the regions, hindi puwedeng display lang, may playing time sila. ‘Di puwedeng walang homegrown sa loob ng court para maglaro. It’s their chance na mapapanood ng mga kababayan nila 'yung mga inidolo nila sa city nila,” wika ni league secretary-general coach Chelito Caro.

Nakahanda namanang munisipalidad ng Alcantara sa lahat ngkaligtasan ng liga pagdating sa kalusugan at peace and order sa 5th class municipality habang iisa lang ang aktibong kaso ng Covid-19 sa kanilang ospital. “We are a very small municipality with only 17,000 constituent and around 26 police officers ready and active, also together with our barangay (9). We are proud to say we are zero crime rate and very peaceful,” sabi ni Alcantara Mayor Fritz Lastimoso, na handa umano sila sakaling may magka-COVID saliga at ilalagay agad sa isolation center. “Our gym was already under rehabilitation on constructing a dugout and under classification of GAB. As soon na mag-start na ang games, we will cordoned the gymnasium,” dagdag ng local official at hindi muna papayagang makapanood ang fans upang mapanatili ang kaligtasan ng lahat.