Hufanda, Figuracion at Banson, may ibubuga sa WNBL

ni Gerard Peter - @Sports | February 26, 2021

Asahan ang mabilis na takbuhan, umaatikabong habulan, at mahihigpit na depensang galawan ang maaaring maipakita ng isa sa mga paboritong koponan na Glutagence Glow Boosters sa pagbubukas ng 2021 WNBL Philippines ngayong taon.

Dahil sa pagkakaroon ng tinaguriang “The Splash Sisters” sa katauhan nina Camille Claro at Khate Castillo mula La Salle, gayundin ang pagtapik sa first draft pick na si Dra. Fille Claudine Cainglet galing UP Maroons para makuha ang unang tatlong picks, malaki ang posibilidad na makamit ng Glow Boosters ang kauna-unahang kampeonato ng first-ever professional women’s basketball league sa bansa.

“As any other team, we also target the championship. Back up by other players that we’ve gotten who are as good as everyone in the league and with by securing the first three picks, we’re hoping na makapag-champion kami in this inaugural professional tournament,” pahayag ni Team Manager Nico Banson, kahapon sa lingguhang TOPS: Usapang Sports na live na napanood at napakinggan sa Sports on Air via Facebook page. “We don’t want to be complacent. We don’t want pressure to hit us kase kapag tumama na yung pressure mag-iiba na iyong style, we want to make sure that we reach our goals. Our first goal is to hit that, and get the championship, so even if people are saying that we are the favorites, we don’t want that to bother us on reaching that goal as a team.”

Nais ipadama ng Glow Boosters, sa pagmamando ni coach Justin Tan, ang mala-Golden State Warriors na istilo ng laro sa mga katunggali nito, kung saan gagamitin nila ang sistemang run-and-gun at ‘small ball style’ na hindi kinakailangan ng sobrang lalaking manlalaro at ang kinaugaliang post up offense at defense kundi mas aasa sa bilis at liksi ng galawan ng bola ng isang koponan. Nais nilang mapanatiling lahat ng mga lalaro sa loob ay makakapag-ambag sa sistemang ipapatakbo sa koponan.

Isang malaking pagkakataon umano na magkaroon ng mapaglalaruang liga para sa mga kababaihang basketbolista pagkatapos ng kanilang paglahok sa collegiate leagues gaya ng UAAP, NCAA, NCRAA, SCUAA, NAASCU at iba pang liga, dahil dito ay maipagpapatuloy nila ang nasimulan nilang pagkahilig at pagmamahal sa kanilang larangan.

“This is a dream come true. After college wala ng future sa pro league for women. Big chance na maipakita ang talent at dedication at commitment as well sa basketball. sana maging inspiration kami to other women and promote women sports in our country,” wika ni dating UP Maroons players Ayra Hufanda, na napili ng Glow Boosters sa bilang ika-33rd pick sa round 11 ng WNBL draft nung Pebrero 13.

Aminado si dating Centro Escolar University guard Micah Figuracion na magiging mahirap sa kanila sa simula dahil bago ang koponan, ngunit dahil na rin sa nagkakalaban na sila sa labas at alam na nila ang istilo at laro ng bawat isa, ay maaaring makapag-adjust agad sila sa sistema.

Expect din naman na magiging good ang kalalabasan ng draft, magiging mahirap sa simula, dahil bagong team na naman siya, though magkakakilala na kami sa labas, sana maging maayos ang team namin bago makapagstart and will turn good.

Tiger Woods, naaksidente napinsala ang mga paa

ni Gerard Peter - @Sports | February 25, 2021

Dumanas ng seryosong pinsala sa parehong binti ang renowned at multi-titlist professional golfer Tiger Woods matapos ang malagim na aksidente, Martes (kahapon sa 'Pinas) sa Los Angeles, California.

Masuwerteng nakaligtas ang 45-anyos na 15-time major golf champion kasunod ng pagbaligtad ng kanyang minamanehong 2021 Genesis GV80 malapit sa maburol na Palos Verdes peninsula, sa ilalim ng matarik na kalsadang madalas pangyarihan ng malalagim na aksidente ng ibang motorista.

Wala umano sa impluwensya ng drugs o alcohol ang World golf Hall of Famer nang maaksidente, na sasailalim sa isang surgery dahil sa natamong injuries. Wala siyang ibang kasamang pasahero sa car crash, ayon kay Los Angeles County Sheriff Alex Villanueva. “The airbags deployed, and the inside of the car stayed basically intact, and that gave him a cushion to survive the crash,” wika ni Villanueva, na ikinuwentong ang minamanehong SUV ay dumaan sa dalawang linya ng kalsada bago tumama sa isang puno at bumali-baligtad ang sasakyan na walang marka ng anumang skid marks dulot ng pagpreno at hindi magandang panahon. Hindi naman masabi kung mabilis itong nagpapatakbo, ngunit masuwerteng nakasuot ito ng seat belt. “I will say that it's very fortunate that Mr. Woods was able to come out of this alive,” saad ni deputy Carlos Gonzalez.

“It is my understanding that he had serious injuries to both legs,” ika naman ni Los Angeles County fire chief Daryl Osby. “We are awaiting further information when he comes out of surgery. On behalf of the PGA Tour and our players, Tiger is in our prayers and will have our full support as he recovers,” pahayag ni PGA Tour commissioner Jay Monahan sa isang statement.

Nasa lugar umano ito ng PGA Tour event na taunang Genesis Invitational golf tournament sa Riviera Country Club sa Pacific Palisades, bago naganap ang aksidente.

Magugulpi lang ni Pacman si Spence - Coach Fortune

ni Gerard Peter - @Sports | February 24, 2021

Naniniwala ang kilalang strength and conditioning coach na si Justin Fortune na magagawang padapain ni eight-division world champion Manny “Pacman” Pacquiao si unified WBC/IBF welterweight champion Errol “Truth” Spence Jr, sakaling mapagbigyan ng tadhanang magharap sa ibabaw ng ring sa hinaharap.

Magda-dalawang taon ng hindi lumalaban ang 42-anyos na si Pacquiao (62-7-2, 39KOs) sapol ng mapanalunan nito ang World Boxing Association (WBA) [super] welterweight title kay Keith “One Time” Thurman sa pamamagitan ng split decision nung Hulyo, 2019, ngunit tinitiyak nitong nananatiling isa sa mga pinakamalulupit na kampeon ang kalidad ng pakikipaglaban ni Pacman sa ibabaw ng ring.

“You put Spence in there with someone like Pacquiao now, Pacquiao obliterates him, even a 42-years-old,” pahayag ni Fortune sa The Sun. “He's still the number guy and he has been the champion for the last 18 years, that in itself is a phenomenal f----- feat as an athlete in sport. Manny's too fast and too strong, he uses too many angles.”

Kumbinsido ang 55-anyos na Australian-born na hindi na tulad ng dati ang 3-time US National championship gold medalist matapos ang matinding car accident na nasangkutan nito nung Oktubre 2019 sa Dallas, Texas, kung saan nagtamo ito facial lacerations at ilang injuries. Kinailangan ng ilang buwan upang makamit ng 30-anyos mula Long Island, New York ang kabuuang paggaling ng kanyang mga injuries, na masuwerte namang walang nakuhang malalang injuries sa naturang aksidente.

Makikinita na umano sa nagdaang laban ni Spence (27-0, 21KOs) ang pagbabago sa laban at mga suntok nito kay dating two-division world titlist Danny “Swift” Garcia nung Disyembre 5, 2020 sa AT&T Stadium sa Arlington, Texas, na nagresulta sa unanimous decision pabor sa nagdedepensang kampeon, na nag-iba na ang mga lakas ng patama, kung saan umabot 12-round decision ang laban.

“Spence is a great fighter and a good champion, but he's not the same guy that he was before, not at all. We saw that when he fought Danny Garcia. Everyone raves about how hard Spence punches, well Danny Garcia came through 12 rounds. Danny Garcia also never pulled the trigger that night, or else Danny would probably have beaten him, I think,” ekslpika ni Fortune.