Ilulunsad sa online competition ng DepEd-PJRA ang Jumping Rope

ni Gerard Peter - @Sports | June 04, 2021

Para mas mapalakas ang sports development sa kabataan, nahikayat ang MILO Philippines, Department of Education (DepEd) at Philippine Jump Rope Association (PJRA) na ilunsad ang tatlong programa ngayong 2021, kasama ang World Milk Day 10 million skips challenge ngayong Hunyo.

“Nutrition, health and wellness is always been a priority for MILO and Nestle. Very committed po kami in enriching the lives of Pinoys through these 3 focus areas. In MILO helps company fulfill these priorities by enabling the Filipinos in the Champion Journey’s through sports. Through our commitment into grassroots development, patuloy ang paghahanap namin ng programa to get our children active at home,” pahayag ni MILO Sports Manager Nestle Phils. Inc. Lester P. Castillo, Martes ng umaga sa lingguhang TOPS Usapang Sports on Air webcast via zoom, kasama si PJRA President coach Noel Agra sa programang suportado ng Philippine Sports Commission (PSC), GAB at PAGCOR.

Puntirya rin ng Tripartite Agreement sa DepEd ang ‘Train the Trainers’ para ituro sa MAPE Teachers ang tamang techniques sa jumping rope na para magamit sa pagtuturo sa 2021-2022 school year at mapasama sa P.E. program. “Actually, hindi lang sila matuturuan eh, they will be certified. Imagine, you have a certain certification from a group like PJRA at kung papaano ang tamang pagtuturo ng jump rope, and this will become a livelihood for them when the PJRA starts rolling out their active online classes.”

Nakatakda rin ang virtual competition ng jumping rope sa Setyembre o Oktubre para sa mga Interschools. “At the moment we’re able to identify 8 different sports and we are already in discussions with the partner organizers combination of the national sports association and private organizations in helping grow up the eligibility, technical and other rules, in making sure na mapatakbo natin ng maayos itong virtual tournament na ito,” dagdag ni Castillo na planong dalhin sa Palarong Pambansa at MILO Little Olympics ang jumping rope oras na matapos na pandemic.

“It’s very aesthetic, very pleasing watching, yun ang goal namin sa sport ng jump rope kaya naging member kami ng Asian Jump Rope Union lalo na they are doing it very well tsaka international jump rope sa states kase meron kaming guide kung paano naming siya ma-execute as a sport din. With MILO and DepEd, we’re looking to start it with the kids with Little Olympics and competitions and hopefully nga that’s how we start and grow it from there,” esplika naman ni Agra.

SEAG athletes, aprub na ng DOH PSC-GAB ang bubble training

ni Gerard Peter / MC - @Sports | June 03, 2021

Binigyan na nang go-signal ng gobyerno ang mga national athlete na lalahok sa Southeast Asian Games (SEA Games) sa Hanoi, Vietnam na sumabak sa bubble training. Base sa inilabas na joint administrative order ng Philippine Sports Commission, Department of Health at Games and Amusement Board mahigpit lang na babantayan ang mga atleta habang nasa training bubble.

Tamang-tama umano ang pag-apruba ng nasabing joint administrative order dahil sa nakahanda na rin ang sports facilities na nasa Baguio City. Nakasulat din sa kautusan na pirmado ni PSC Chairman William Ramirez, GAB at DOH na pinapayagan ang mga contact at non-contact sports magdaos ng training sa mga lugar na nasa ilalim ng moderate at low-risk community quarantine classifications.

Magtatalaga rin ng health and safety officers na magmomonitor sa mga atleta habang ang mga ito’y sumasabak sa dibdibang ensayo sa loob ng isang bio-secure environment.

Sa mahigpit na koordinasyon at pagkatig ng Philippine Olympic Committee (POC), Philippine Paralympic Committee (PPC) sa ahensya ng pampalakasan ang mga national athletes na 18 pababa ay inaasahang kailangang magsumite ng written parental consent upang mapayagang magsanay.

“We would like to thank the government through the Inter-Agency Task Force on Emerging Infectious Diseases (IATF-EID) for approving the JAO guidelines. This will boost the morale of our national team members as they prepare for the 2021 SEA Games,” pahayag ni PSC Chairman William ‘Butch’ Ramirez.

“Hindi lang namin alam kung saan-saan ang kanilang bubble trainings. Some of the NSAs ay mayroon ng nahanap at nasabi sa amin, but there are still na naghahanap pa.,” paliwanag ni PSC Commissioner Ramon Fernandez, Chef de Mission ng Vietnam Games, sa Bulgar Sports at paisa-isa pa nilang inaalam sa mga NSAs ang mga pagdarausan ng kani-kanilang bubble training set-ups. Binibigyan pa rin nila ng karapatan ang mga NSAs na maghanap ng kanilang mga LGUs na gagawan ng kanilang mga pagsasanay para sa biennial meet.

Luksong lubid, target isama sa curricular ng P.E. class

ni Gerard Peter - @Sports | June 02, 2021

Isang Tripartite Agreement kasama ang Philippine Jump Rope Association (PJRA) at Department of Education upang maihatid ang magandang naidudulot ng jumping rope sa mga kabataang Pinoy.

Ang kasunduan at kolaborasyon ay parte na rin ng isang daan upang mapabilang ito sa MILO Home Court na magbibigay sa mga Physical Education teacher’s ng isang instructional videos na mapapanood sa YouTube, ng mga tamang kaalaman sa pag-jump rope at magandang pamamaraan upang manatiling aktibo kahit na nasa loob lamang ng bahay.

“Itong tripartite initiative na ito is in line with our long term grassroots development program where we collaborate with the education and sports sector to champion the benefits of physical activity as a viable outlet for kids to learn better at school and to mark this new milestone as long as the celebration of the World Milk Day, we are enjoining the students, MAPE teachers, and all Filipinos out there, as well as parents and family members to jump rope,” pahayag ni MILO Sports Manager Nestle Phils. Inc. Lester P. Castillo, kahapon ng umaga sa lingguhang PSA Forum webcast, kasama sina Veronica V. Cruz, Senior Vice President Nestle Phils. Inc, Rob Layco Athlete Council ng PJRA at DEPED undersecretary Atty. Tonisito Umali.

Sinabi ni Castillo na naglunsad na sila ng programa noong Okt. 2020 sa Mandaluyong Elementary School, habang nagpamahagi na sila ng 180,000 piraso ng jump rope sa buong bansa para sa aktibong programa sa huling araw ng school year 2020-2021. Target din ng programa na maging parte ang jump rope sa Physical Education program sa susunod na pasukan. Nais ding puntiryahin ng programa na makamit ang inaasam na 10 million skips sa mga Pinoy na idaraos sa school break sa Hulyo. “We provided students with jump ropes to help them get active at home kase maganda sa jump rope, you need a very small space lang and can easily do it at home. So, that’s why we’re launch this tripartite partnership with PJRA and DepEd,” paliwanag ni Castillo.