TOPS: Handball, target ang gold o podium sa SEAG

ni Gerard Peter - @Sports | June 11, 2021

Pakay ng national handball team na malampasan ang nakamit na karangalan sa nagdaang edisyon ng Southeast Asian Games patungo sa pagsisimula ng kanilang ‘bubble training camp’ sa darating na Hulyo sa Pagudpod, Ilocos Norte, bilang paghahanda sa Vietnam meet ngayong taon.

Hindi man alintana ng mga naglalabasang balitang maipagpapaliban ang 31st na edisyon sa Hanoi Games, determinado ang pangkat ng 10-man team na mahigitan ang bronze medal finish sa nakalipas na 2019 SEAG sa bansa.

Naghihintay na lamang ng pag-apruba ang national sport association (NSA) nitong Philippine Handball Federation (PHF) sa isinumiteng kahilingan sa Philippine Sports Commission (PSC) na itulak ang training camp sa Hulyo 1 sa Villa del Mar Resort, kung saan idinaraos din ng national beach volleyball team ang kanilang sariling bubble camp training.“Napakalaki na chance natin na muling magka-podium finish o gold medal,” pahayag ni coach Luz Pacubas, Huwebes ng umaga sa weekly TOPS Usapang Sports on Air. “Base sa last SEAG, yung nakalaban natin ang powerhouse na Thailand, natalo lang tayo ng 1 point sa isang set, habang sa Vietnam naman ay 2 points lang, so mako-consider na ang Vietnam ay nag-qualify sa world stage kaya tingin ko may laban tayo,” dagdag nito sa programang suportado ng PSC, Games and Amusement Board (GAB) at Philippine Amusement and Gaming Corporation (PAGCOR).

Tanging sa men’s beach category lamang makalalahok ang Pilipinas mula sa apat na events na binubuo ng men’s at women’s indoor games at women’s beach division.

“Before ng pandemic may indoor naman tayo, actually sumali tayo ng 2018 sa Youth at Junior team kung saan nag-silver tayo sa youth team, tapos nung 2019 may women’s indoor team tayo na nag-bronze sa international tourney sa junior team, ngayon medyo nag-stop tayo ng training para sa indoor games kaya naka-focus lang tayo sa beach category,” paliwanag ni Pacubas. “Ang na-approved lang kase sa atin ngayon ay ang men’s beach handball, pero may women’s team tayo kaso nag-break lang sila (pansamantala dahil sa Covid-19).”

WBA at WBO Crown, aagawin ni Spence kina Pacman at Crawford

ni Gerard Peter - @Sports | June 09, 2021

Gagawing isang hagdan patungo sa inaasam na pagiging undisputed welterweight champion ni unified WBC/IBF 147-pound title holder Errol “Truth” Spence ang susunod na laban sa nag-iisang eight-division World titlist Manny “Pacman” Pacquiao sa Agosto 21 sa Las Vegas, Nevada.

May pagkakataon na muling ibalik ng World Boxing Association (WBA) ang binawing titulo kay Pacquiao (62-7-2, 39KOs) matapos ilagay ito bilang “Champion in Recess” dahil nabigo itong idepensa ang titulo ng mahigit isang taon. Kasalukuyan pang na kay Cuban Yordenis “54 Milagros” Ugas ang “super” title, na siya ring target ni Spence (27-0, 21KOs) para sa three-belt unification.

Ngunit dahil mas matunog ang tapatan kay Pacquiao, tila nangangamoy ang muling pagbabalik ng titulo sa future Hall of Famer. At sakaling maging matagumpay ito laban kay Pacman at makamit ang WBA title, paniguradong pupuntiryahin na nito ang WBO 147-pound title ni unbeaten American Terrence “Bud” Crawford (37-0, 28KOs) para sa undisputed welterweight king

“Once I get that belt, I mean, like I told Al, I want that fight with Crawford, but if it doesn’t happen I’ll probably just move up or something. I’m not going to waste my time trying to fight somebody who doesn’t have any interest anymore, doesn’t want to fight me anymore,” pahayag Spence sa Barbershop Conversations. “Terence Crawford has been trying to get that fight for how many years now? It’s excuses after excuses that Bob comes up with. Bob talks a lot of shit saying all of these things but Al (Haymon) gets the job done. I told (Haymon) I wanted the fight and it worked out in my favor.”

Inamin ng 2012 London Olympics campaigner na nakikita niyang may nalalabi na lamang siyang dalawang laban sa welterweight class, kaya’t hangga’t maaari ay nais niyang makalaban sina Pacquiao at Crawford. Ganun na lamang ang papuri ni Spence kay Pacquiao na tanggapin ang alok na laban, na kung hindi matutupad ang kahilingang makalaban si Crawford ay maghahanap na lang ito ng ibang makakalaban dahil patuloy itong hinahadlangan ni Top Rank CEO Bob Arum.

Obiena, naka-silver sa FBK Games sa Netherlands

ni Gerard Peter - @Sports | June 08, 2021

Muli na namang pinatunayan ni 2021 Tokyo Olympics bound na isa siya sa mga maituturing na pinakamahuhusay sa larangan ng men’s pole vault sa buong mundo nang sungkitin ang panibagong karangalan nang talunin ang silver medal finish sa likod ng world record holder at World no.1 Armand Duplantis ng Sweden, Linggo, sa FBK Games sa Blankers-Koen Stadium sa Hengelo, The Netherlands.

Bilang paghahanda sa nalalapit na pagbubukas ng Summer Olympic Games mula Hulyo 24-Agosto 8, muling nagpamalas ang 25-anyos na 2019 SEAG gold medalist nang tumalon ng 5.80m mark para sumegunda sa 21-anyos na Swedish American na nagtala ng tournament best at meeting record na 6.10m, na maikokonsiderang mataas sa World Athletics Continental Tour.

Nakabawi ang Lafayette, Louisiana native silver medal performance sa World Athletics Continental Tour Gold series matapos maputol ang 23-meet winning streak sa Wanda Diamond League meeting sa Gateshead noong isang buwan, matapos yumuko kay dating two-time world champion Sam Kendricks ng U.S.

Inamin ng Filipino pole vaulter na gumawa ng record sa 2019 Doha Asian Athletics Championships na naging maayos ang isinagawang talon nito, ngunit tila may pagkakamali itong nagawa nang hindi makuha ang inaasam na sukat. “It was a decent jump, but I am not hitting the things I need to hit, and I am making mistakes that I don’t usually do,” pahayag ni Obiena sa panayam ng Bulgar Sports sa online interview.

Ito ang ikalawang outdoor tournament ng 2019 Universiade champion, kasunod ng top-performance niya sa nagdaang 2021 Folksam Grand Prix sa Göteborg, Sweden noong nakaraang linggo sa itinalong 5.70m.

Pumangatlo sa FBK tourney si crowd favorite Menno Vloon sa parehong 5.80m, ngunit nadaig ito dahil sa countback. Sinundan siya ng kapwa Dutch na si Rutger Koppelaar, 2016 Rio Olympics gold medalist Thiago Braz da Silva ng Brazil at Tokyo bound Ben Broeders ng Belgium sa pare-parehong 5.62. Sumunod sina American Cole Walsh at Melker Svard Jascobsson ng Sweden sa 5.50 at pumang-huli sina Pal Haugen Lillefosse ng Norway sa 5.30 at Harry Coppell ng Germany.