Dos and don’ts ng mga tandang para umunlad ngayong 2024

ni Maestro Honorio Ong @Forecast | Marso 8, 2024

Ipagpatuloy natin ang pagtalakay sa mga katangian at magiging kapalaran ng mga animal sign ngayong 2024 o Year of the Green Wood Dragon.

Sa pagkakataong ito, dadako na tayo sa pag-aanalisa ng pangunahing ugali at magiging kapalaran ng Tandang o Rooster.

Ang Tandang o Rooster ay silang mga isinilang noong 1933, 1945, 1957, 1969, 1981, 1993, 2005, 2017 at 2029.

Tulad ng nasabi na “secret friend” ng Tandang ang Dragon na siyang iiral ngayong 2024, kaya paniguradong makakaambon at makakasagap din sila ng maraming suwerte. Humigit kumulang ganito ang magiging kapalaran ng mga Tandang ngayong Green Wood Dragon.

Sa 1st quarter pa lang ng taon, mararamdaman na ng Tandang ang positibong lagay ng kanilang kapalaran at paganda na ito nang paganda sa bawat araw lalo na sa aspetong pangpinansyal.

Ngunit, dapat laging i-priority ng Tandang ang kanilang mga layunin. Oo, para hindi sila magkamali ng diskarte ngayong 2024. Ibig sabihin, kailangan nilang timbangin ang kanilang mga prayoridad at binabalak sa buhay. Pagkatapos, bigyan na nila ng sapat na atensyon at oras ang mahahalagang bagay na nakatugma sa layunin at pangarap nilang mangyari ngayong 2024. Kapag na i-prioritize nila ang kanilang mga gawain, tiyak na magbubunga at magkakaroon ito ng gintong katuparan.

Kaya lang, ang madalas na nagiging problema ay iba ang kanilang inuuna at hindi agad nila ito natatapos kaya nabibitin tuloy ang kanilang tagumpay.

Pero sa taong ito ng Green Wood Dragon, hindi na iyon mangyayari dahil ang mga gawaing hindi nila natapos, langit na mismo ang tutulong sa kanila para maisakatuparan ito.

Ang isa pang magandang balita ngayong 2024, maraming magandang oportunidad ang darating sa buhay ng Tandang. Kumbaga sa sasakyan pila-pila at tila na-traffic na dahil sa sobrang dami. Kaya habang traffic at hindi pa nakakaalis ang nasabing oportunidad, sunggaban na ito dahil kung babagal-bagal ka na Tandang at hindi mo ito sinunggaban, maiiwanan ka. Pero kung mabilis at nagmamadali ka, hindi mangyayari iyon.

Pagdating naman sa career, suwabe dapat ang ipatupad na diskarte, kung may mga oportunidad ng mga bagong pagkakakitaan na darating o kaya’y mga alok na may mataas na income at asset, sunggaban mo agad ito at ‘wag kang tatanggi dahil ang lahat ng ito ay magdadala sa iyo ng dagdag yaman.

Sa pag-ibig at pakikipagrelasyon ay ganundin, kung may mga lalaki o babaeng nagpaparamdam sa iyo, hindi ka na dapat magdalawang isip pa dahil sa taong ito ng 2024, ang lahat ng nakakakilig na biruan, at pasundut-sundot na lambingan, kapag ito’y pinapasok mo sa iyong damdamin, ito ay paniguradong magdudulot sa iyo ng isang napakainit at napakasarap na romansa. Dahil sa mataas na sulok ng iyong libido, may babala rin na sa taon ito ng Green Wood Dragon ang Tandang ay masusuong sa iba’t ibang uri ng pakikipagrelasyon at romansa na kapag hindi naiwasan ay maaaring maging illicit romance at illicit love affairs.

Mula sa kalagitnaan ng taon, sa buwan ng Mayo hanggang sa Oktubre at maaaring umabot pa hanggang Nobyembre at Disyembre, bukod sa malayang love life, maraming mga alok na pagkakakitaan ang darating  na tiyak naman na makakahawak ka ng malaking halaga ng salapi.

Gayunman, ‘wag mo itong sayangin, dahil may tendency na ang malaking halaga ng salapi na mahahawakan mo ay mawawala rin na para bang bula. Kaya sa taong ito ng 2024, ugaliin mong mag-ipon. Kapag nagawa mo ‘yan, tiyak na ito ang ikakayaman mo.

Manatiling nakasubaybay sa Forecast 2024 na eksklusibo n’yo lang mababasa sa pahayagang BULGAR upang madami pa kayong matutunan at matuklasan, tungkol sa inyong magiging kapalaran ngayong 2024. Iisa-isahin natin ang pangunahing ugali at magiging kapalaran ng 12 animal signs at kung ano ang dapat n’yong gawin upang suwertehin kayo ngayong 2024.

Itutuloy….

Mga animal sign na ka-compatible ng Rooster

ni Maestro Honorio Ong @Forecast | Marso 6, 2024

Ipagpatuloy natin ang pagtalakay sa mga katangian at magiging kapalaran ng mga animal sign ngayong 2024 o Year of the Green Wood Dragon.

Sa pagkakataong ito, dadako na tayo sa pag-aanalisa ng pangunahing ugali at magiging kapalaran ng Tandang o Rooster.

Ang Tandang o Rooster ay silang mga isinilang noong taong 1933, 1945, 1957, 1969, 1981, 1993, 2005, 2017 at 2029.

Sa aspetong damdamin at sa pakikipagrelasyon, sinasabing bagama’t tapat umibig ang isang Tandang, hindi naman niya naibibigay nang buo at sagad ang kanyang pagmamahal dahil marami siyang isinasaalang-alang at kinatatakutan sa buhay pagdating sa aspetong pandamdamin.

Dagdag pa rito, sa panahong siya ay umiibig, nauuna niyang hanapin ang kapintasan ng kanyang kasuyo sa halip na ang magagandang ugali ng kanyang minamahal. Dahil dito, bihira sa isang Tandang ang sobrang umibig at magmahal dahil para sa kanya, kailanman ay hindi niya “ia-idolize” o ilalagay sa sobrang taas na pedestal ng papuri, paghanga at pagmamahal ang kanyang sinisinta.

Kaya naman kapag nagkaroon na ng hindi pagkakaunawaan ang dalawang pusong nagmamahalan at niyaya ng hiwalayan ang Tandang, walang pagdadalawang-isip na hindi ka niya tatanggihan ito dahil para sa kanya, bukod sa aspetong pandamdamin, marami pa siyang dapat iprayoridad sa buhay. Kaya naman kapag sinasabi ng isang Tandang na mahal na mahal ka niya at ayaw niyang makipaghiwalay, posibleng hindi ito ang tunay niyang saloobin dahil kadalasan ay pilit niyang itinatago ang tunay na damdamin o saloobin sa kanyang minamahal.

Kaya naman kung bibigyan ng iskor kung gaano katindi mabigo ang Tandang sa pag-ibig, masasabing sa iskor na 1 to 10, hanggang 5 o 6 lang ang maitatala sa damdamin niya. Ito ay dahil ang Tandang ay hindi naman seryoso o tunay na nagmamahal sa kanyang kasuyo, dahil palagi siyang may reserbasyon at itinitira sa kanyang sarili at iba pang mga bagay na ipinaprayoridad niya sa buhay.

Sa kabila ng lahat, ang pinaka-compatible ng mapag-isip at mahilig mag-analisa na Tandang ay ang kapwa niya matalino at tusong Ahas. Ang relasyong Ahas at Tandang ay hindi nauubusan ng kuwento at halos lahat ng bagay ay kanilang masayang pagdedebatehan. 

Bagay na bagay din ang praktikal na Ox o Baka sa isang Tandang, kung saan ang relasyon nila ay mapupuno ng maraming mga proyekto at kasipagan. Gayundin, kapwa sila mahilig na palaguin ang kanilang career at kabuhayan.

Ang Dragon naman ay magugustuhan ang mga imposible at malalaking pangarap ng Tandang, na kung ang Tandang lang ang gagawa at magsisimula ay hindi niya ito matatapos, ngunit sa tulong ng Dragon, gaano pa kalaki ang plano ng Tandang, tiyak na ito ay kanilang matatapos at mapagtatagumpayan.

Tugma at ka-compatible rin ng Tandang ang Tigre, Kambing o Tupa, Unggoy, Aso at Baboy hangga’t ang nasabing mga animal sign ay hindi kokontra, sa halip ay susunod at makikiayon sa mga iniisip at pinaplano ng matalinong Tandang.

Manatiling nakasubaybay sa Forecast 2024 na eksklusibo n’yo lang mababasa sa pahayagang BULGAR upang madami pa kayong matutunan at matuklasan, tungkol sa inyong magiging kapalaran ngayong 2024. Iisa-isahin natin ang pangunahing ugali at magiging kapalaran ng 12 animal signs at kung ano ang dapat n’yong gawin upang suwertehin kayo ngayong 2024. 

Itutuloy….

Mga dapat gawin ng Tandang para umunlad ngayong Green Wood Dragon

ni Maestro Honorio Ong @Forecast | Marso 5, 2024

Ipagpatuloy natin ang pagtalakay sa mga katangian at magiging kapalaran ng mga animal sign ngayong 2024 o Year of the Green Wood Dragon.

Sa pagkakataong ito, dadako na tayo sa pag-aanalisa ng pangunahing ugali at magiging kapalaran ng Tandang o Rooster.

Ang Tandang o Rooster ay silang mga isinilang noong taong 1933, 1945, 1957, 1969, 1981, 1993, 2005, 2017 at 2029.

Sinasabing dahil sa likas na katalinuhan ng Tandang,kaya niyang solusyonan ang problema gaano man ito kahirap. Kaya naman sa kumpanya, hinahangaan nila ang isang Tandang pagdating sa pagresolba ng mga problema.

Ang problema nga lang sa isang Tanda ay madali niyang napupuna ang mga maliliit na detalye, kung kaya’t kahit maliit lang ang problema ito ay napapalaki niya.

Dahil dito, madalas hindi mapakali ang isang Tandang sa kanyang buhay dahil sa mga nakikita niyang pagkakamali at imperfection sa kanyang paligid, dahil sa kakaibang talas ng pag-iisip at pag-aanalisa, bihirang-bihira makapagpahinga ang isang Tandang, madalas siyang walang peace of mind dahil sa kakaisip ng kung anu-anong bagay na hindi naman dapat problemahin. Sinasabing kung matututunan lamang niyang mag-relax at magkaroon ng peace of mind, mas madali niyang mararating ang isang matagumpay at maligayang karanasan.

Samantala sa pag-ibig at pakikipagrelasyon, isantabi muna ng Tandang ang kanyang isip upang maranasan niya ang tunay at tamis na pagmamahal. Bukod sa matalino at palaisip, kilala rin ang Tandang sa pagiging praktikal. Kaya madali niyang nalulutas ang anumang problema.

Ngunit, tulad ng nasabi na dahil sa sobrang pagiging praktikal, kapag ang Tandang ay umiibig at sa hindi sinasadyang pagkakataon ay pinairal niya ang kanyang pagiging praktikal, hindi siya gaano magiging maligaya dahil pinipilit niyang praktikalin ang lahat.

Kung matutunan lamang ng isang Tandang na makaramdam kesa mag-isip, siya ay tiyak na mag-e-enjoy sa romansang dulot ng isang nakakakilig at wagas na pag-ibig.

Manatiling nakasubaybay sa Forecast 2024 na eksklusibo n’yo lang mababasa sa pahayagang BULGAR upang madami pa kayong matutunan at matuklasan, tungkol sa inyong magiging kapalaran ngayong 2024. Iisa-isahin natin ang pangunahing ugali at magiging kapalaran ng 12 animal signs at kung ano ang dapat n’yong gawin upang suwertehin kayo ngayong 2024.

Itutuloy….