Historic feat, hardships, awards, motibasyon ng NU sa UAAP crown

ni Delle Primo - @Sports | June 23, 2022

Bonus na lang ang awards sa record-setting haul ng NU para sa unang titulo matapos ang 65 taon. "'Yung individual awards naman po is parang bonus lang po 'yun sa goal po namin, kasi ang goal po talaga namin is mag-champion po this season. Sobrang happy ko lang po na ngayon nakagawa po kami ng history sa NU," ayon kay Mhicaela Belen na may 3 tropeo na nangakong iuuwi ang kampeonato kamakalawa ng gabi sa UAAP women's volleyball kontra DLSU Lady Spikers, 25-15, 25-15, 25-22 sa MOA Arena, Pasay City. .

"Siguro yung pagiging coach ko nag-champion pero marami kaming hardships na pinagdaanan. Sobrang saya and sobrang nakakasaya para sa team," pahayag naman ni Lady Bulldogs head coach Karl Dimaculangan nang masungkit ng NU Lady Bulldogs ang korona matapos ang 65 taon.

"Sobrang saya ko po actually kasi sa training po namin halos makita po namin yung (pagod at sakripisyo), nagbunga naman po lahat," pahayag ng Finals MVP na si Princess Robles na nagtala ng 9.0 puntos at 9.5 digs sa dalawang laro. Dagdag ni Princess Robles, "Sobrang happy po kami at kay coach dahil nakuha namin yung championship crown."

Impresibo naman ang 19-anyos na si Mhicaela Belen na itinanghal na MVP at Rookie of the Year na nasa ranked ng to 10 ng seven skills sa pagtatapos ng elims at pamunuan ang NU sa scoring -203 total points matapos ang 14 matches. "Grabe po," saad ni Nierva kay Belen. "Nag-rookie [of the year], nag-best open hitter, tapos MVP. Wala akong masabi. At 'pag nakikita niyo po 'yan sa training namin, parang hindi po siya nahihirapan."

Idinagdag ni Belen na makakapanood na siya ng Volleyball Nations League para mag-cheer sa idol niyang si Ran Takahashi ng Japan.

"Naniniwala naman po ako na they will stay humble. Kasi ayun nga, kahit naman noong high school, ang dami na nilang na-achieve," ayon kay Nierva tungkol kay Belen at teammates niya. "But look at them now, hindi pa din tumitigil magpagaling, magpalakas, and i-master 'yung craft na meron kami."

NU, champ na, Belen, MVP-ROY; Abueva, pinagmulta ng 10K

ni GA / Delle Primo - @Sports | June 22, 2022

Ganap na naangkin ng NU Lady Bulldogs ang korona ng UAAP 84 women's volleyball league kagabi laban sa DLSU Lady Spikers sa Game 2 ng best-of-3 finals sa bisa ng 25-15, 25-15, 25-22. Pinagbidahan ni Jennifer Nierva ang kampanya ng NU.

Ang pagwawagi ng NU ay ikatlong UAAP women's volleyball championship mula pa noong 1956-57. Kumumpleto rin sa perpektong 16-0 campaign ng Lady Bulldogs. Ang NU ay kabilang na sa exclusive club of teams na nagwalis ng women's volleyball tournament. Ang La Salle ang nagkarekober nito noong Season 67, kung saan 14-0 sa elimination round at deklaradong kampeon.

Samantala, pinakaraming nakuhang parangal ang Lady Bulldogs sa individual awards. Si rookie star Michaela Belen ang First Best Outside Hitter award at Most Valuable Player at Rookie of the Year kahapon bago simulan ang Game 2 finals sa MOA Arena.

Si playmaker Camilla Lamina ang Best Setter sa average na 5.81 excellent sets per set sa elimination round, ang best mark sa liga. Best Libero si Jennifer Nierva, (55.96% efficiency) 2nd sa digging (4.40 digs per set). Alyssa Solomon, ang Best Opposite Spiker awardee. Si Sheena Toring, ang Second Best Middle Blocker. Si Faith Nisperos ng Ateneo ang Second Best Open Hitter, si DLSU Thea Gagate ang First Best Middle Blocker.

Samantala, pinatawan ng Philippine Basketball Association (PBA) Commissioners office ng isang larong suspensiyon at multang P10,000 si Magnolia Timplados Hostshots forward Calvin Abueva para sa ‘unsportsmalike conduct’ sa nagdaang laro kontra Brgy. Ginebra nitong Linggo sa 2022 Philippine Cup.

Inihayag ni PBA commissioner Willie Marcial na napatawan ang 34-anyos na 2021 Philippine Cup Best Player of the Conference ng naturang parusa matapos mapatalsik sa second half kasunod ng ikalawang technical foul sa pakikipaggirian kay Ginebra guard Nards Pinto.

Oras ng pahinga, ginamit ng Bulldogs vs. Archers

ni Delle Primo - @Sports | June 20, 2022

"Ginamit namin 'yung time ng stepladder para makapag-prepare kami. Una, nagpolish muna kami ng galaw namin," pahayag ni NU head coach Karl Dimaculangan. "Noong nalaman na namin na La Salle 'yung kalaban namin, doon na kami nag-aral."

Dagdag pa niya, "Niremind ko lang sila na, unang-una 'di kami puwedeng magpabaya, 'di kami puwede magbigay ng free points. Kasi ‘yun ‘yung nakakatigil ng momentum kasi La Salle eh, then finals na ‘to."

Nanaig ang National University sa pag-usad sa UAAP Season 84 women's volleyball championship sa first Game, kontra De La Salle University, sa loob ng straight sets, 25-20, 25-12, 25-21, para sa best-of-three finals, Sabado ng gabi sa SM Mall of Asia Arena sa Pasay City.

Tangka ng Lady Bulldogs na makuha ang kauna-unahang titulo mula 1957 sa Martes, 6:30 pm sa MOA Arena kaya handa nilang panatilihin ang enerhiya para sa Game 2.

Mainit na sinimulan ng NU ang pinakawalang 9-2 sa unang set, na dinagdagan ng La Salle rookie Alleiah Malaluan ng errors, na nagpalayo sa, 16-9 at manatiling manguna sa pagtatapos 25-20.

Sa gitna ng 2nd set, nakatakas ang Lady Bulldogs sa 16-5 dahil sa paghina ng opensa at itinuloy sa 25-12. Kahit nakakuha ang NU ng 25 errors nagawa pa rin nilang dominahin ang laro sa bisa ng serves at blocks sa 11-3 at 8-2.

Dumikit pa ang Lady Spikers sa ikatlong period, 20-22. Subalit, sinagot ng malakas na kills at attack ni Alyssa Solomon para sa match point. Hindi nagtagal nagkaroon siya ng service error na sinundan ni Mhicaela Belen, 25-21.

Nanguna sa panalo sina Mhicaela Belen at Alyssa Solomon para Lady Bulldogs sa 15 puntos, dalawang ace, samantalang si Belen ay nakakuha ng 11 attacks, 2 blocks, 13 excellent receptions. "Hindi pa po masyado 'yung game namin kasi may parts po ng game na nagso-slow down kami," ani Belen.

Kaakibat sina Cess Robles at Ivy Lacsina na nagtala parehas ng 12 puntos.

Nasayang ang tikas ng Lady Spikers na sina Leila Cruz na nagpasok ng 6 puntos kasunod sina Fifi Sharma, Jolina Dela Cruz, at Malaluan.