Bilyonaryong Mafia ang Mahal Ko (17)

ni Maria Angela Gonzales @Kuwentong Pag-Ibig | Pebrero 28, 2024

Naniningkit nang husto ang mga mata ni Nhel dahil sa mapang-insultong bigkas ni Via sa mga katagang “I love animals,” parang sinasabi kasi nito na animal ang pag-uugali ng binata.

“Bakit hindi ba?” Sarkastikong tanong niya sa kanyang sarili.

Kahit gusto niyang sabihin na hindi naman talaga siya masamang tao, hindi niya iyon masabi. Oo may mga legal siyang negosyo, pero marami rin siyang ilegal na hinahawakan. May mga pagkakataon pa nga na sumisira siya ng buhay ng ibang tao, tulad ng pasugalan at pagpapautang. At iyon nga ang nangyayari ngayon sa mag-amang sina Pedro at Via. Pero kung tutuusin, mabait pa nga siya sa mag-ama dahil si Via lang ang kinuha niyang kabayaran.

“Ang plano ko ay makapaghiganti,” Wika niya sa kanyang sarili.

Ayaw niyang dumating sa puntong mainlab siya sa dalaga, dahil unang kita niya pa lang niya rito ay nagustuhan na niya ito agad.

“Nagandahan lang,” inis niyang sabi sa sarili.

Wala naman talagang lalaki na hindi magkakagusto kay Via. Mestisahin, matangkad at seksi pa ito. Kung titingnan ay para nga itong isang diyosa.

Maliit pa ang mukha nito na kinalolooban ng mapang-akit na mata na may mahahabang pilik, maarkong kilay, matangos na ilong at mapanuksong ngiti.

“Damn,” inis niyang sabi sa sarili nang bumaba sa katawan nito ang kanyang isipan.

“Talagang animal ako,” wika niya saka lumapit.

“Ano’ng gagawin mo?” Takot na tanong nito sabay atras.

“Gusto mo bang malaman kung gaano ako ka-animal?” mapanganib niyang tanong sa dalaga. Bigla kasing umiinit ang kanyang ulo kapag naiisip niyang labis siyang nagagandahan dito. Hindi kasi maaaring mamayani ang kanyang emosyon.

“Tandaan mo, mabagsik ka,” wika pa niya sa sarili at iyon ang ipinaramdam niya rito.

Itutuloy…

Bilyonaryong Mafia ang Mahal Ko (16)

ni Maria Angela Gonzales @Kuwentong Pag-Ibig | Pebrero 27, 2024

Kung inaakala ni Nhel Zamora na maaapektuhan si Via sa sinabi nitong gagawin siyang alipin, puwes nagkakamali ito. Para kay Via, mas okey na alipinin siya nito kesa tratuhin siyang isang prostitute.

“He’s your husband,” paalala niya sa kanyang sarili.

Ipinilig niya ang kanyang ulo para alisin sa kanyang isipan ang salitang kanyang naisip. Hindi naman porke asawa na niya ito ay mayroon na talaga itong karapatan sa kanyang katawan.

“Okey lang, sanay naman ako sa mga gawaing bahay, eh.”

Kita naman sa mukha ng binata ang matinding pagkabigla. Siguro ay inaakala nito na aasta siyang prinsesa kaya parang gusto niyang matawa. Hindi naman kasi siya mayaman para akalain nitong hindi siya marunong maglaba, magluto o maglinis man lang ng bahay.

“Kapag natikman mo ang luto ko, paniguradong masasarapan ka.”

“Baka naman lasunin mo ako?”

Kumunot ang noo niya sa sinabi nito. Hindi rin niya naiwasan ang makaramdam ng pagkairita. “At bakit ko naman gagawin iyon?” Mangha niyang tanong.

“Para matakasan mo na ako agad.”

“At sa palagay mo kapag ginawa ko iyon ay makakatakas ako sa batas? Naku ha! Hindi ko pinangarap na makulong!.”

Napangiti ang binata at sumagot ng, “Alam ko naman iyon. Gusto ko lang naman makita ang reaksyon mo.”

“Gusto mo lang kamo akong pikunin!”

“Right. Mas gumaganda ka kasi sa tuwing nagagalit ka.”

Ayaw paniwalaan ni Via ang sinasabi ni Nhel. Hindi niya ito lubos na kilala para sakyan ang lahat ng sinasabi nito.

“Saka para sabihin ko sa’yo ‘wag kang mag-alala safe ka sa akin dahil...” binitin muna niya ang kanyang nais sabihin at sabay dagdag ng “.. I love animals.”

Itutuloy…

Bilyonaryong Mafia ang Mahal Ko (14)

ni Maria Angela Gonzales @Kuwentong Pag-Ibig | Pebrero 25, 2024

“Hindi ka na virgin?” Manghang tanong ni Nhel Zamora.

Gustong matawa ni Via sa ekspresyong ipinapakita ng binata. Kita niya ang pagkamangha nito at para bang hindi makapaniwala. Siguro talagang iniisip nito na wala pa siyang kamuwang-muwang ka sa nangyayari sa mundong ibabaw.

“Bakit, mayroon ba?” Tanong niya sa sarili.

Iyon ang gusto niyang iparating sa kanyang kaharap pero sa katunayan, nbsb pa siya o no boyfriend since birth.

“Asawa mo na ako, ‘di ba? Bakit hindi mo alamin?” Tanong niya pero pagkaraan ay nakaramdam siya ng takot. Baka kasi hindi ito magdahan-dahan.

“No.”

“Ibig mong sabihin...”

“Pinakasalan kita para pahirapan, hindi para pasayahin,” buong diing sabi nito.

Para tuloy bigla niyang nalulon ang kanyang dila ng mga sandaling iyon at para bang sinampal siya ng kamay na bakal.

“Para namang masisiyahan ako sa’yo,” nang-iinis niyang sabi na may halong pang-iinsulto. “Size 8 ito ‘no!”

Kumunot ang noo niya sa sukat na sinabi nito. Hindi niya iyon naunawaan agad.

Na-gets lang niya ang sinabi nito nang tumingin ang binata sa kanyang ibaba, at doon niya naunawaan ang gusto nitong iparating.

Gusto niya sana itong sabihan ng ‘bastos’ pero naisip niyang baka ‘di na nito paniwalaan ang kanyang sinasabi. Kaya, buong yabang niyang sinabi rito ang mga salitang, “Sanay kasi ako sa dose.”

“Wala akong pakialam sa nakaraan mo, pero hindi ko na hahayaan na may iba ka pang...” “Kasal na ako sa iyo kaya wala kang dapat na alalahanin.”

“Good.”

“Baka gawin mo ang sinasabi ko sa iyo ha?”

“Okey, nagbago na ang isip ko.”

“Saan?”

“Ayoko na tikman ang otso mo. Masyadong maliit,” nakangising sabi ni Via.

Itutuloy…