Victory Liner unveils the Philippines' first electric green bus!

ni Chit Luna @News | Nov. 29, 2024

Victory Liner, a leader in transportation innovation, proudly introduces the country’s first fully electric bus—a significant step towards sustainable public transportation. The official launch took place today at Victory Liner’s Baler Motor Pool in Quezon City. 

This milestone aligns with Victory Liner’s vision of carbon-neutral transport, urging government and private sectors to embrace electric buses nationwide. 

During the launch, Ms. Marivic H. Del Pilar, President and General Manager of Victory Liner, shared her vision for a sustainable future, emphasizing the company’s commitment to reducing carbon emissions while providing reliable and modern transportation solutions. 

A Green Mobility Revolution 

In partnership with Higer, a global electric vehicle manufacturer, Victory Liner unveiled two electric bus units with cutting-edge features: 

● Range and Battery Power: A 485 kWh battery allows for 350-400 kilometers of travel per charge, ideal for round-trip routes. 

● Fast Charging: A 120 kW DC charger fully charges the bus in three hours. ● Environmental Impact: Each bus reduces annual CO₂ emissions by over 100 tons compared to diesel models. 

These buses not only cut fuel and maintenance costs but also demonstrate Victory Liner’s commitment to reducing public transportation’s carbon footprint. 

Experience the Future of Travel 

Event attendees explored the bus’s comfort, performance, and sustainability through a guided facility tour and an exclusive maiden voyage. 

Higer Partnership 

Higer, a pioneer in EV bus manufacturing since 1999, collaborates with Victory Liner to set a benchmark for eco-conscious public transport in the Philippines. 

Join the Movement 

Victory Liner invites environmental advocates, commuters, and industry stakeholders to join this transformative journey toward greener mobility. 

Tulfo nanawagan ng imbestigasyon sa pagbebenta ng ilegal na vape sa Lazada, Shopee at Tiktok

ni Chit Luna @News | Nov. 29, 2024

Sen. Raffy Tulfo - FB

Nanawagan si Senador Raffy Tulfo ng imbestigasyon sa iregular na pagbebenta ng vape products sa Lazada, Shopee, Tiktok at iba pang social media platforms at online market places, gayundin ang paglaganap ng mga pekeng produkto sa Internet.

Inihain ni Tulfo ang Resolution No. 1232 noong Nob. 13, 2024 para imbestigahan ng Senado ang pagbebenta ng mga iligal na vape at mga pekeng produkto sa social media at e-marketplaces na tahasang lumalabag sa Republic Act 11967 o ang Internet Transactions Act of 2023.

Ang RA 11967 ay isang bagong batas na naglalayong protektahan ang mga mamimili at nagbebenta sa pamamagitan ng pagtatakda ng malinaw na tuntunin para sa mga online na transaksyon.

Kabilang dito ang pagbebenta, pamamahagi at pag-advertise ng mga produkto at serbisyo. Ito ay nagtatakda ng epektibong regulasyon sa e-commerce para protektahan ang karapatan at privacy ng mga consumer, i-secure ang mga transaksyon sa internet, itaguyod ang intelektwal na ari-arian, tiyakin ang pamantayan ng mga produkto at siguraduhin ang kaligtasan nila.

Inilabas naman ang Department of Trade (DTI) ng Administrative Order No. 24-03, Series of 2024, noong Hulyo 16, 2024, na sumususpindi sa online na pagbebenta, pamamahagi at pag-advertise ng mga produkto at device ng vape, maliban kung sumunod ang nagbebenta sa pag-verify sa edad ng mga bumibili.

Sinabi ni Tulfo na sa kabila ng administrative order, patuloy na naibebenta ang vape products sa pamamagitan ng e-commerce platforms gaya ng Lazada at Shopee sa kabataan.

Habang ang ilang nagbebenta ay may verification process, ito ay madaling naiiwasan, at ang mga produkto ay madaling ma-access kahit ng mga menor de edad, sabi niya.

Binanggit ni Tulfo ang online platform na Tiktok kung saan wala aniyang verification feature na naka-install sa iba't ibang sellers' account. Ang ilan ay nilalampasan ang verification process sa pamamagitan ng pag-post ng instruction sa pamamagitan ng private message. Aniya, ginagawa nitong walang silbi at walang saysay ang direktiba ng DTI.

Bukod sa hindi regular na pagbebenta ng mga vape, ilang mga online na nagbebenta ay aktibong lumalabag sa mga alituntunin at patakaran ng komunidad.

Sinabi niya na ang mga produktong ito ay madaling ma-access ng mga bata o indibidwal na wala pang 18 taong gulang dahil sa kakulangan ng sapat na mga disclaimer at maling mga label.

Bukod sa mga regulated items na ibinebenta na lumalabag sa DTI regulations at online platform community guidelines, ang pagbebenta ng peke, copycat o substandard na mga produkto ay patuloy na lumalaganap sa mga online selling platforms, ayon kay Tulfo.

Sinabi ni Tulfo na ang Pilipinas ay binansagan bilang sentro ng Asia sa online shopping scam at ang ilegal na aktibidad lalo na sa kapaskuhan kung saan sinasamantala ng mga scammer.

Napansin din niya ang pagbebenta ng mga viral na produkto tulad ng "Labubu" doll, kung saan nag-aalok ang mga nagbebenta ng parehong orihinal at knock-off na bersyon sa presyo na nakakagulat.

Aniya, ang pagbebenta ng mga produkto ito ay pinalalakas ng mali at mapanlinlang na advertising, na tahasang nilalabag ang mga probisyon ng Republic Act 7394 o Consumer Act of the Philippines.

Sinabi ni Tulfo na ang gobyerno, sa pamamagitan ng Department of Trade and Industry (DTI) at iba pang kaukulang ahensya, ay may pananagutan na protektahan ang mga mamimili mula sa mga mapanlinlang na gawain at tiyakin na lahat ng produktong ibinebenta online ay sumusunod sa batas at regulasyon.

Pinaigting ng Department of Trade and Industry at Bureau of Internal Revenue ang kanilang kampanya laban sa pagbebenta ng substandard at hindi rehistradong vape products. Sinabi ng BIR na mahigit 400 na nagbebenta ng vape products ay hindi rehistrado o nagtataglay ng revenue stamps.

IQOS nilampasan ang Marlboro bilang no.1 brand

ni Chit Luna @News | Oct. 18, 2024

Neuchatel, Switzerland – Nilampasan ng IQOS ang kita ng Marlboro, isang dekada matapos ipakilala sa merkado ang heated tobacco product ng Philip Morris International (PMI) noong 2014.

Sa unang pagkakataon sa kasaysayan, ang mga smoke-free products ay nalampasan ang sigarilyo, ayon kay Jacek Olczak, CEO ng PMI, sa isang pagtitipon noong Oktubre 9, 2024 sa Neuchatel, Switzerland.

Ipinakilala ng PMI, sa pamamagitan ng PMFTC Inc., ang IQOS sa Pilipinas noong 2020. Kasama na ngayon sa linya ng produkto ang pinakabagong bersyon, ang IQOS Iluma at ang consumable heat sticks na TEREA.

Ang mas murang BONDS by IQOS, at ang consumable heat sticks na BLENDS ay inilunsad noong 2022. Samantala, ang ZYN, isang oral nicotine pouch, ay dinala sa bansa noong 2023.

Nangako ang PMI noong 2014 na abutin ang smoke-free vision nito sa pamamagitan ng pagpapalit ng mga sigarilyo ng mas mahusay na mga alternatibo. Ipinakilala ng kumpanya ang IQOS sa Milan, Italy at Nagoya, Japan noon ding taon. Ang IQOS ay mabibili na ngayon sa 90 bansa at ginagamit ng 30.8 milyong tao sa buong mundo.

Ayon sa pinakabagong ulat ng PMI, 38 porsiyento ng kabuuang netong kita nito ay nagmumula sa smoke-free products tulad ng IQOS. Gumagamit ang IQOS ng patented induction technology para mapainit ang tabako sa halip na sunugin ito. Dahil hindi sinusunog ang tabako, ito ay walang usok at sa halip ay gumagawa ng aerosol na naglalaman ng nikotina.

Hindi din ito nagdudulot ng abo. Sinabi ni Olczak na hindi kailanman itinuring ng PMI ang IQOS bilang karagdagang produktong sigarilyo, kundi kapalit mismo ng sigarilyo. Aniya, hindi makatuwiran na ipagpatuloy ng kumpanya na tumuon sa isang produkto na maraming negatibo samantalang mayroong mas mabuting alternatibo.

Sinabi niya na sa daan-daang milyong dolyar na ginagastos ng PMI sa research and development, 99 porsiyento dito ang nakatuon sa mga bagong produkto. Ayon kay Tommaso Di Giovanni, vice president ng PMI para sa internasyonal na komunikasyon, gumastos ang kumpanya ng higit sa $12.5 bilyon at nagbigay trabaho sa higit 1,500 mga inhinyero, siyentipiko, technician, at kawani para sa patuloy na pagbuo ng mga produktong walang usok.

Sa pagsisikap nitong magbigay ng mas mahusay na alternatibo sa 1.1 bilyong naninigarilyo sa buong mundo, kinikilala ng PMI na ang mga tao ay may iba't ibang inaasahan para sa mga alternatibong produkto at iba't ibang pattern ng paggamit, sabi ni Olczak.

Sinabi naman ni Di Giovanni na ang mga bansa, NGOs at lahat kabilang ang mga manggagamot, awtoridad sa kalusugan at akademya ay may papel na dapat gampanan para sa smoke-free future.

Sa isang eksklusibong panayan ng mga Pilipinong mamamahayag, kinilala ni Di Giovanni ang Pilipinas bilang isang pioneer sa pagpasa ng Vape Law. Aniya, ang Pilipinas ang una sa rehiyon na nagkaroon ng visionary approach sa pagkilala ng mga produktong walang usok.

Sinabi ni Olczak na hindi makakamit ng PMI ang smoke-free vision nito sa mga bansang nagbabawal sa mga smoke-free alternatives. Aniya, mabilis na bumababa ang benta ng sigarilyo sa mga bansang pinahihintulutan ang mga walang usok na alternatibo.