Di nagpakabog sa iba… Kelot, apat na titulo ng Guinness ang dinale

ni Cedrick Rogelio Lasala - OJT @Gulat Ka No?! | July 18, 2024

Kaya n’yo rin bang i-rotate ang inyong mga paa ng 210 degrees? Tiyak na marami sa inyo ang mapapailing, at mahihirapang gawin ito, pero wala kayo sa lalaking nagmula sa Brazil, dahil binasic lang naman niya ito!

Ang aking tinutukoy ay walang iba kundi si Renato Bayma Gaia, at siya lang naman ang nakakamit ng titulong Largest Foot Rotation ng Guinness World Record.

Ayon pa kay Renato, 30 years na niya itong ginagawa, at hindi na umano ito bago para sa kanya. Gayunman, masaya pa rin si Renato na ibahagi sa mundo ang kanyang pambihirang talento.

Pero bago maging title holder si Renato, may tatlo ng indibidwal ang nakagawa nito, subalit, natalo lamang sila ni Renato. Winner ‘di ba?

Ibinahagi rin ni Renato na ginawa niya ito upang bigyang pagkilala ang kanyang paboritong soccer team na SE Palmeiras at ang kaniyang paboritong US sports team na Philadelphia Eagles, Charlotte Hornets, Chicago Cubs, at Pittsburgh Penguins.

 Pero ‘wag kayo, dahil alam n’yo ba mga Ka-Bulgar na hindi lang ito ang kaya niyang ipamalas? Dahil may tatlo pa siyang titulong hawak ngayon na galing at napanalunan niya rin sa Guinness World Record. Gusto n’yo na rin bang malaman kung anu-ano ito? Una, ang pagpapalapat ng kanyang dila sa kanyang ilong sa loob ng isang minuto.

Pangalawa, ang pinakamabilis na pagtangal ng Jenga Blocks gamit lamang ang kanyang dila sa loob ng 7.38 seconds. At ang isa pang World Record na nakamit ni Renato ay ang pag-set up at pagbabalanse ng sampung libro sa loob lamang ng 6.94 seconds.

 Kamangha-mangha ang husay at galing na ipamalas ni Renato. Nawa’y magsilbi itong inspirasyon upang makapagkamit din ng ganitong parangal ang iba pang nagnanais na maipamalas kanilang talento at tingalain ng buong mundo.

111 yrs. old na British, "World's Oldest Man"

ni Eli San Miguel - Trainee @News | April 7, 2024

Opisyal na binansagan bilang "World's Oldest Man" ang 111-anyos na si John Alfred Tinniswood mula sa England.

Inihayag ito ng Guinness World Records noong Biyernes, dalawang araw matapos ang balita ng kamatayan ng naunang title holder na si Juan Vicente Pérez, sa kanyang edad na 114, isang buwan bago ang kanyang ika-115 na kaarawan.

Isinilang si Tinniswood sa hilagang-kanlurang lungsod ng Liverpool sa England noong Agosto 26, 1912.

Sa kabuuan ng kanyang buhay, nagawa niyang dumaan sa panahon ng dalawang digmaang pandaigdig, pati na rin sa Great Influenza at COVID-19 pandemic. Nakatala rin siya bilang pinakamatandang World War II veteran na nakaligtas sa trahedya, ayon sa Guinness.

Sa kabilang banda, 117-anyos naman ang pinakamatandang babae sa buong mundo, si Maria Branyas Morera, na nakatira sa Spain.

Barkong 100 yrs. nang nawawala, natagpuan

ni Angela Fernando - Trainee @News | April 1, 2024

Natagpuan ang isang barkong lumubog higit isang daang taon na ang nakararaan sa baybayin ng Michigan.

Inihayag ng Michigan Shipwreck Research Association ang pagkakita dito nu'ng Marso 23 sa Holland, Michigan, ayon sa isang post sa Facebook mula sa nasabing samahan.

Isang grupo ng mga eksperto mula sa organisasyon ang nakatuklas sa katawan ng sinasabing kakaiba at buong-buo pang barkong pandagat ng Milwaukee na lumubog nu'ng Hulyo 1886 dahil sa pagkakabangga.

Ang pagkakahanap sa nasabing barko ay nagmarka ng ika-19 na lumubog na barko na natuklasan sa baybayin ng West Michigan ng nasabing grupo.