Higit 15-carat… Pinakamalaking blue diamond, io-auction sa Abril

ni Jasmin Joy Evangelista | February 20, 2022

Nakatakdang i-auction ang isang bagong tuklas na pinakamalaki at most valuable na blue diamond sa Abril.

Ang mahigit 15-carat De Beers Cullinan Blue diamond ay namina noong 2021 sa Cullinan Mine sa South Africa, ang isa sa pinagmumulan ng mga pinaka-rare na blue diamond sa buong mundo.

Ito ay io-offer sa single-lot auction na gaganapin sa Sotheby’s Hong Kong sa Abril at tinatayang nagkakahalaga ng $48 million.

Ayon sa senior vice president and sales director for jewelry ng Sotheby’s na si Frank Everett, ‘remarkable on many levels’ ang naturang diyamante.

“It’s rare because of the size. It’s over 15 carats. It’s a vivid blue. It’s internally flawless. And really one of the most rare aspects of it is the cut,” ani Everett.

“I think we’re going to see tremendous interest in this stone when it finally comes to auction,” aniya pa. “The market is very strong for jewelry at the moment, has been really for the last several years, but one of the strongest segments is colored diamonds. And one of the strongest colors is blue.”

Minarkahan ito ng Gemological Institute of America (GIA) bilang fancy vivid blue — ang pinakamataas na color grading ayon sa Sotheby’s, kung saan hindi hihigit ng 1 percent ng mga blue diamonds na dinala sa GIA ang nakatanggap nito.

Mga paralisado muling nakalakad, swimming at cycling sa tulong ng spinal implants

ni Jasmin Joy Evangelista | February 12, 2022

Tatlong pasyenteng paralisado dahil sa spinal cord injuries ang muling nakalakad, nakapag-swimming at cycling dahil sa nerve-stimulation device na kontrolado ng isang touchscreen tablet.

Ang naturang tatlong lalaki ay mga completely paralysed dahil sa motorbike accidents, at ngayon ay nakapaglalakad, nakapagsa-cycling at maging swimming sa Switzerland dahil sa implanted nerve-stimulation device.

Ang spinal implant ay kontrolado sa pamamagitan ng touchscreen tablet at gumagamit ng artificial intelligence.

Batay sa teorya, sa hinaharap ay posibleng gumamit ng teknolohiya ang mga taong may spinal cord injuries sa pamamagitan lamang ng smartphone at pagpili ng activity tulad ng paglakad at pag-upo.

"At the very beginning, it's not super easy. But they can immediately activate their legs and step," ani Jocelyne Bloch ng Swiss Federal Institute of Technology sa Lausanne, na siyang nanguna ng pag-aaral kasama si scientist Grégoire Courtine.

Sa loob lamang ng isang oras na pag-implant ng neurosurgeons ng prototypes ng nerve-stimulation device, nagawa nang humakbang ng tatlong pasyente at matapos ang 6 na buwan, natutunan na rin nila ang iba’t iba pang complex movements.

2 daga napalakad ulit... Gamot kontra-paralysis nais nang subukan sa tao

ni Jasmin Joy Evangelista | November 16, 2021

Nakaimbento ang mga scientist mula sa Northwestern University ng injectable therapy na tinatawag na "dancing molecule” kung saan maaari umanong makagalaw ang mga paralisado sa pamamagitan nito.

Sa report ng Reuters, matagumpay daw na muling napalakad ang isang paralisadong bubuwit gamit ang dancing molecules.

“Spinal cord injury has been a major challenge for science for decades,” ayon kay Samuel Stupp, ng nangunguna sa isinasagawang pagsasaliksik ng Northwestern University.

“The central nervous system, which includes the brain and the spinal cord, which sends messages between your brain and the rest of your body, has very limited capacity to repair after injury,” paliwanag niya.

Sa kanilang pag-aaral, makaraan lang ang apat na linggo matapos maturukan ay nagawa raw ng “dancing molecules” na i-reverse ang paralysis sa bubuwit at nagamot nito ang severe spinal cord injuries.

“This is probably the most important paper I have ever written. And it describes a piece of science that was truly unknown," patuloy ni Stupp.

Ang proseso, ituturok ang likidong "dancing molecules" sa gulugod ng pasyente.

“When molecules did not move or move very little, then the response we observed in the animals was just the slight twitching of the limbs. But no ability to walk. When we use the exact same therapy, the exact same signals, but we molecularly change the structures so that the molecules would move more. Now we saw full ability of the animals to walk," paliwanag niya.

Matapos na ilathala sa journal Science ang kanilang pag-aaral, nais ng mga siyentista ng Northwestern team na mabigyan sila ng pahintulot na subukan na ito sa tao at huwag nang dumaan sa pagsubok sa malalaking hayop.

"We are definitely headed for the FDA to seek approval for use of our novel therapy in clinical trials, and we are very excited about this possibility that will make a huge difference to patients," aniya.