Mandatory evacuation centers, bigyang prayoridad

ni Bong Go @Bisyo Magserbisyo | September 4, 2025

Mahalagang malaman ng taumbayan ang mga tinatalakay sa briefing sa Senado ng Development Budget Coordination Committee o DBCC. Pera ng Pilipino ang pinag-uusapan dito kaya lagi nating sinasabi, dapat ibalik ito sa kanila sa pamamagitan ng maayos na serbisyo.

Nitong September 1, nabanggit sa DBCC briefing ang budget para sa pagpapatayo ng mandatory evacuation centers sa lahat ng siyudad at munisipalidad. Bilang Vice Chairman ng Senate Committee of Finance at principal author and co-sponsor ng Republic Act No. 12076 o ang Ligtas Pinoy Centers Act, patuloy nating ipinaglalaban ang kapakanan ng ating evacuees.

Sa kabila ng kontrobersiya sa flood control projects, habang maraming Pilipino ang apektado ng malawakang pagbaha, ipinapanawagan natin na bigyang prayoridad ang Ligtas Pinoy Centers. Sa laki ng nailalaan na pondo para sa flood control sa lumipas na mga taon (umaabot na sa P1.2 trilyon), puwede na sanang makapagpatayo ng 60,000 evacuation centers para sa lahat ng siyudad at bayan sa buong bansa. Katumbas din ng halagang ito ang 800,000 na mga health center o ‘di kaya’y 800 na level 3 hospitals. Nakakalungkot na sa briefing ng DBCC, nabanggit na P3.6 bilyon lang ang inilalaang pondo para sa evacuation centers sa susunod na taon.

Bilang Chairman ng Senate Committee on Health, hindi natin tinitigilan ang pagtutok sa mga pangakong reporma ng PhilHealth. Sa DBCC briefing, inilatag ang panukalang subsidy para sa PhilHealth na lalampas sa P50 bilyon. Patuloy nating ipaglalaban ang naaayon sa batas na pondo ng PhilHealth. Health is wealth! Dapat na bigyang prayoridad ang kalusugan tulad ng iba pang mga programa na talagang may pakinabang sa taumbayan.

Para sa ating senior citizens, natalakay sa DBCC na walang increase sa pondo na ipinapanukala para sa 2026. Ito ay sa kabila ng mahigit 800,000 senior citizens na nasa waitlist pa rin para sa kanilang social pension. Bilang co-author ng RA 11916 na nagtaas sa pensyon mula P500 at naging P1,000, isusulong natin na mas mapondohan pa ang mga programa para sa ating mga nakatatanda.

Nagpapasalamat tayo sa Executive Department, Department of Budget and Management, Department of Health, at kay Pangulong Bongbong Marcos matapos ianunsyo ng DBM sa DBCC briefing, ang pag-release ng P6.7 bilyon para sa Health Emergency Allowances (HEA) arrears na utang ng gobyerno sa ating healthcare workers. Long overdue na ito dahil noon pang pandemya nila ito pinaghirapan at pinagpaguran. Kasama ng ating modern-day heroes, sulit ang pangungulit natin sa 15 public hearings ng Senate Committee on Health. Babantayan natin ito hanggang tuluyang matanggap ng healthcare workers dahil ito ay services rendered na. 

Bilang Chairman ng Senate Committee on Sports, kahit papaano ay suportado natin ang panukalang dagdagan ng 36% mula sa P725 milyon na panukala para sa 2025 ang pondo ng Philippine Sports Commission o PSC na inanunsyo sa DBCC briefing. Hindi maikakailang kulang pa rin ito para makamit ang ating pangarap na muling maging sports powerhouse sa Asia ang Pilipinas. Kung sapat ang pondo para sa ating mga atleta, wala na silang iisipin pa kundi ang maghanda para sa kompetisyon.

Umasa kayo na ipaglalaban ng inyong Senator Kuya Bong Go ang pro-poor at pro-Filipino programs lalo na ang healthcare, education, sports, at mga inisyatibang tunay na magbibigay serbisyo sa kapwa natin Pilipino.

Samantala, noong August 27, bilang Vice Chairman ng Senate Committee on Finance, personal tayong dumalo sa dalawang inagurasyon ng Multi-Purpose Buildings sa Quezon City kasama si Councilor Mikey Belmonte, Councilor Ranie "Tatay" Ludovica, Kapitan Rascal Doctor ng Brgy. Payatas, at Kapitan Manuel Co ng Brgy. Commonwealth. Isa ay matatagpuan sa Lupang Pangako sa Barangay Payatas, at ang isa naman ay nasa Sanapa East Side, Commonwealth. Sinuportahan at isinulong natin ang mga proyektong ito para sa komunidad.

Dumalo rin tayo sa National Fire Training Institute (NFTI) Fire Basic Recruit Course (FBRC) Class 2025-136, “Class Mandasig,” Graduation Ceremony, kasama sina Acting Director FSSupt Christine Cula, PBGen Ferdinand Sevilla (Ret.), Presidente ng Philippine Public Safety College; JSSupt. Ronaldo Senoc, Director ng National Jail Management and Penology Training Institute; at si PCol Melvin Napiloy, Deputy Regional Director for Administration ng PRO 4A, noong August 28.

Noong August 29, inimbitahan kami bilang guest of honor at speaker sa pagbubukas ng Institute of Integrated Electrical Engineers of the Philippines, Inc. (IIEE) 26th Southern Mindanao Regional Conference sa Davao City, na pinamunuan ni National President Alberto Herrera Jr.

Dumalo naman kami sa turnover ng Super Health Center sa Isulan, Sultan Kudarat kasama si Mayor Princess Rihan Sakaluran noong August 30, kasunod ng pagdiriwang ng ika-68 Founding Anniversary ng Isulan at ika-12 Hamungaya Festival. Pagkatapos nito, nakiisa kami sa Fiesta Handaan Boodle Fight at Linggo ng Kabataan.

Nakibahagi rin tayo sa pagdiriwang ang mga opisyal ng lalawigan, kabilang sina Governor Datu Pax Ali Mangudadatu, Vice Governor Datu Prince Raden Sakaluran, Mayor Sakaluran, Vice Mayor Atty. Arnold Armada, at mga miyembro ng Sangguniang Panlalawigan. Dumalo ang mga alkalde mula sa iba’t ibang bayan ng Sultan Kudarat: Mayor Datu Yassin Mangudadatu ng Lutayan, Mayor Charles Ploteña ng Esperanza, Mayor Ronan Garcia ng Kalamansig, Mayor Myrna Kapina ng Palimbang, Mayor Katrina Sandigan ng President Quirino, Mayor Rafael Flauta ng Sen. Ninoy Aquino, Mayor Amirh Musali ng Columbio, at Mayor Frederick Celestial ng Lebak.

Samantala, tumulong ang ating Malasakit Team sa iba’t ibang kababayan noong nakaraang linggo matapos agad nilang alalayan ang 15 pamilya na naapektuhan ng sunog sa Binangonan, Rizal. Nagbigay din ng tulong ang Malasakit Team sa 68 biktima ng sunog sa Davao City. Bukod dito, nagbigay din tayo ng tulong sa 222 biktima ng bagyo sa Looc, Occidental Mindoro.

Nagbigay din tayo ng tulong sa 57 iskolar sa Sorsogon, 82 sa Southern Luzon Technological College Foundation sa Legazpi City, Albay, at 205 sa Camarines Norte. Sa Lipa City, Batangas, dumalo ang Malasakit Team sa turnover ng isang ambulansya. Samantala, sa Talisay City, Cebu, nakiisa ang Malasakit Team sa itinayong Super Health Center sa lungsod.

Hinding-hindi ko sasayangin ‘yung pagkakataong ibinigay n’yo sa akin. Magtatrabaho ako para sa Pilipino sa abot ng aking makakaya. At iyan ang puwede kong ialay sa inyo, ang sipag at dahil bisyo ko ang magserbisyo

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Mga programang may pakinabang, dapat maramdaman ng taumbayan

ni Bong Go @Bisyo Magserbisyo | August 29, 2025

Bilang Vice Chairman ng Senate Blue Ribbon Committee, kaisa ng buong sambayanan ang inyong Senator Kuya Bong Go sa hangaring matukoy ang puno’t dulo ng malawakang problema sa pagbabaha. Ngayong nabubunyag ang mga anomalya sa flood control projects ng pamahalaan, kasama tayo sa panawagan ng publiko na dapat managot ang lahat ng sangkot.  

Let us hold them responsible for all this mess! Ipatawag natin ang dapat ipatawag at imbestigahan ang dapat imbestigahan nang walang pinipili. Sa laki ng pondong sinisilip ngayon, maraming Pilipino na sana ang napakain, napagamot, nabigyan ng bahay, at naiahon sa hirap kung ginamit ito sa tama.  

Nakakainsulto sa sambayanang Pilipino na habang may bilyun-bilyong pisong pondo para sa flood control, lubog pa rin sa baha ang maraming komunidad. Pati ospital at mga pasilidad na dapat takbuhan ng tao sa oras ng emergency, nadadamay pa. Malaking problema na nga ng marami ang pambayad sa ospital at pambili ng gamot, idagdag pa rito ang kanilang buwis na ginamit sa mga proyektong hindi naman nila direktang maramdaman o mapakinabangan.

Isa sa mga mabuting gawing prayoridad ay ang pagpapatayo ng mandatory evacuation centers sa lahat ng mga siyudad at munisipalidad, alinsunod sa Republic Act No. 12076 o ang “Ligtas Pinoy Centers Act” para may masisilungan ang ating mga evacuees. Ipinaglaban natin bilang principal author at co-sponsor ang batas na ito dahil gusto nating mapangalagaan ang kaligtasan, kalusugan, at dignidad hindi lang ng mga nabahaan kundi pati na mga nasunugan, mga apektado ng lindol, at iba pang kalamidad.

Bilang senador, suportado natin ang local development sa lahat ng sulok ng bansa sa pamamagitan ng imprastraktura. Pero dapat hindi ito nahahaluan ng kalokohan at hindi nagiging gatasan ng pondo ng taumbayan.

Kung walang mapapanagot sa kabila ng mga imbestigasyon, mas mabuti pang tanggalin na lang ang budget sa flood control sa susunod na taon at ilipat sa mas makabuluhang programa — kabilang na ang kalusugan. Bilang inyong senador, babantayan natin ito para ipaglaban ang kapakanan ng kapwa natin Pilipino. Hindi ako titigil sa pagtatrabaho at paghahatid ng serbisyo sa abot ng aking makakaya. 

Noong August 20, personal tayong nagtungo sa Lungsod ng Muntinlupa upang tumulong sa 238 na biktima ng sunog mula sa iba’t ibang barangay. Nakatanggap sila ng mga materyales na makatutulong sa kanilang pagbangon at muling pagtatayo ng kanilang mga tahanan, sa pamamagitan ng programa ng national government na ating sinusuportahan.

Dumalo rin tayo sa ginanap na relief activity sa Barangay Putatan Covered Court

kasama sina Mayor Ruffy Biazon, Vice Mayor Phanie Teves, Chairman Luvi Constantino ng Brgy. Cupang, Chairwoman Tintin Abas ng Brgy. Alabang, at Chairman Gerry Teves ng Brgy. Putatan.

Kasama si Konsehal Dr. Raquel Gabriel Velasco, bumisita rin tayo sa Barangay San Dionisio sa Lungsod ng Parañaque noong August 21 upang tulungan ang 119 pamilya na naapektuhan ng sunog. Doon ay nakilala natin si Lanie Labsan, isang Person with Disability (PWD), na kabilang sa mga naapektuhan. Nagpasalamat si Labsan at ang kanyang pamilya dahil nakinabang siya sa Malasakit Centers program sa Las Piñas City General Hospital.

Inimbitahan din tayo sa Philippine Association of Medical Technologists, Inc. (PAMET) 17th Mindanao Regional Conference Opening Ceremony sa Lungsod ng Davao noong August 22 kasama sina PAMET National President Luella Vertucio at Davao Chapter President Bea Lao.

Pagkatapos nito, tumulong naman tayo sa 126 na biktima ng sunog sa Lungsod ng Davao, kung saan nakasama namin sina Konsehal Diosdado Mahipus Jr. at Richlyn “Cheche” Justol, Barangay Leon Garcia Captain Lita Empis, at Barangay Agdao Proper Captain Rodolfo Cagatin.

Anumang tulong na puwede nating gawin ay gawin na natin ngayon dahil minsan lang tayo dadaan sa mundong ito. Bilang inyong Mr. Malasakit, bisyo ko ang magserbisyo at naniniwala ako na ang serbisyo sa tao ay serbisyo sa Diyos.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Investment natin sa mga kabataan, investment sa kinabukasan ng bayan

ni Bong Go @Bisyo Magserbisyo | August 22, 2025

Tuluy-tuloy ang trabaho natin para sa kabataan. Sa 20th Congress, ang inyong Senator Kuya Bong Go muli ang Chairman ng Senate Committee on Youth. Ang mga kabataan ang kinabukasan ng bayang ito kaya napakahalagang bigyan natin sila ng sapat na suporta para matupad nila ang kanilang mga pangarap. Nakasalalay sa kanila ang kinabukasan ng ating bansa.

Marami sa ating mga kabataan ang hirap hindi lang sa gastos sa edukasyon kundi pati sa health. Kaya nga isa sa mga prayoridad ko ay palakasin ang mga programa para sa kalusugan kabilang na ang mental health. May mga batas na tayong naisulong tulad ng Republic Act No. 12080 o Basic Education Mental Health and Well-Being Promotion Act bilang isa sa mga co-authors at co-sponsors.

Dagdag pa riyan, patuloy kong isinusulong ang Senate Bill No. 176 na layong magtatag ng Mental Health Offices sa lahat ng state universities at colleges. Hangad natin na matutunan nilang alagaan ang pangangatawan at pag-iisip.

Para palawakin pa ang access sa edukasyon, inihain natin ang SBN 169 na mag-aamyenda sa RA 10931 o Universal Access to Quality Tertiary Education Act na sinuportahan natin at naisabatas noong panahon ni dating Pangulong Rodrigo Duterte. Ipaglalaban natin na mapalawak ang saklaw ng tertiary education subsidy program para sa mga kwalipikadong estudyante ng private institutions.

Bilang isang health reforms crusader, naniniwala tayo na kung malusog ang kabataan, mas malayo ang kanilang mararating. Kaya isinusulong ko ring madagdagan ang pondo para sa mga programang pangkabataan ng National Youth Commission. Ang investment natin sa kabataan ay investment sa kinabukasan ng bansa.

Bilang Chairman ng Senate Committee on Sports, palagi nating hinihikayat ang mga kabataan na pumasok sa sports para mailayo sa bisyo at droga. Get into sports, stay away from illegal drugs to keep us healthy and fit!

Noong panahon ni dating Pangulong Duterte, naisabatas natin ang RA 11470 na lumikha ng National Academy of Sports (NAS). Ngayon, gusto nating palawakin ito sa iba’t ibang rehiyon kaya inihain natin ang SBN 171 o National Academy of Sports Regional Expansion Bill. 

Magtulungan tayo para sa kapakanan ng ating kabataan upang mas maging matatag ang kinabukasan ng Pilipinas.

Samantala, noong August 14, dumalo rin kami sa Philippine Public Health Association, Inc. (PPHA) 90th Annual Convention and General Assembly kasama sila National President Dr. Marc Shane Adeva, PPHA Luzon Vice President Arnold Alindada, Southern Philippines Medical Center Chief Dr. Ricardo Audan, at Northern Mindanao Medical Center Chief Dr. Jose Chan na ginanap sa Davao City.

Nagpunta naman tayo sa Bukidnon noong August 15 para sa ika-54 na Araw ng Damulog at ika-3 Kalambo-an Festival kasama sina Mayor Mel Buro, Vice Mayor Clinette Paco-Buro, Kadingilan Mayor Jerry Canoy at Manolo Fortich Mayor Rogelio Quiño. Pagkatapos nito, sinaksihan din natin ang pag-turnover ng isang Super Health Center sa Don Carlos sa pangunguna ni Mayor Ma. Victoria Pizzaro. Nagbigay tayo ng food packs para sa mga barangay health workers doon bilang pasasalamat sa kanilang serbisyo sa komunidad. 

Noong August 17, nakiisa rin tayo sa selebrasyon ng Kadayawan Festival sa Davao City bilang pagpupugay sa mayamang kultura at tradisyon ng lungsod. Nakasama natin sina Senator Bato dela Rosa, Congressman Omar Duterte, Councilors Myrna Dalodo-Ortiz, Jopet Baluran, Tek Ocampo, Al Ryan Alejandre, at Dose Apostol.

Noong nakaraang linggo, nakapaghatid ng tulong ang Malasakit Team sa iba’t ibang sektor ng ating lipunan. Para sa mga biktima ng bagyo at habagat, natulungan ang 100 residente sa Maynila, 300 sa San Mateo, Rizal, at 250 sa Iloilo City. Samantala, para sa mga biktima ng sunog, nakapag-abot ng tulong sa 37 na residente sa Muntinlupa City at 30 sa Imus City, Cavite.

Bukod dito, nabigyan din ng tulong ng ating Malasakit Team ang ilang mga iskolar. May 166 estudyante mula sa Lyceum of the Philippines Batangas na nakatanggap ng scholarship, gayundin ang 85 mula sa University of the Perpetual Help System Dalta sa Calamba City, Laguna, at 50 sa parehong unibersidad sa Bacoor City, Cavite.

Bukod dito, tumutok din ang Malasakit Team sa pagpapalakas ng ating health infrastructure. Sa Cagayan de Oro City, Misamis Oriental, naisagawa ang turnover ng Super Health Center sa Brgy. Balubal, habang sa Brgy. Binuangan, Maco, Davao de Oro naman ay dinaluhan naman natin ang inagurasyon ng isa pang Super Health Center.

Bilang inyong Mr. Malasakit, hindi ko sasayangin ang pagkakataong makapaglingkod sa kapwa Pilipino. Bisyo ko ang magserbisyo at ako ay naniniwala na ang serbisyo sa tao ay serbisyo sa Diyos.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.