Pilipino ang dapat humusga sa kapwa Pilipino

ni Bong Go @Bisyo Magserbisyo | Enero 27, 2024

Isang banta sa ating soberanya kung papayagan ang International Criminal Court (ICC) na manghimasok sa mga isyung panghukuman sa ating bansa dahil mayroon naman tayong working and independent judicial system na pinagkakatiwalaan. 

Nagsalita na ang ating Pangulong Ferdinand "Bongbong" Marcos, Jr. ukol sa plano ng ICC na magsagawa ng imbestigasyon sa ginawang pagbaka ng administrasyon ni dating Pangulong Rodrigo Duterte sa paglaganap ng ipinagbabawal na droga sa ating bansa.

Sinabi niya na for the nth time, hindi niya nire-recognize ang jurisdiction ng ICC dito sa Pilipinas. Para sa kanya, threat ito sa ating sovereignty. 

Gaya rin ng sinabi ni dating Supreme Court Chief Justice at ngayon ay Executive Secretary Lucas Bersamin: “The Philippines already has a functioning justice institution and that the procedures are in place.”

At para sa akin, bilang inyong senador, gaya ng sinabi ko noon pa, “only Philippine courts operating under Philippine laws can judge former president Duterte.” Hayaan nating ang ating husgado o ang ating judicial system ang humusga sa dating pangulo at pati na rin sa sinumang Pilipino na nahaharap sa anumang kaso laban sa kanya sa loob ng ating bansa.

Ang kanyang ipinaglaban noon ay ang interes, kapakanan at kinabukasan ng ating mga anak. Sa aking mga kababayan, kayo na ang humusga kung nakakalakad ba ang inyong anak nang hindi nasasaktan at hindi nababastos sa panahon ni dating Pangulong Duterte.

Let me reiterate, we have an independent and working judiciary. We have functional investigative bodies. We are no longer a colony of any foreign country. Let us protect our sovereignty and the independence of our judiciary. Insulto para sa mga Pilipino na ang magdikta sa atin ay banyaga na hindi alam kung ano ang totoong sitwasyon dito sa ating bansa. 

Ipaglaban natin ang ating karapatan bilang Pilipino at unahin natin ang kapakanan ng kapwa nating Pilipino. Kung kaya’t sa gitna ng mga isyu na ito, tuluy-tuloy pa rin ang ating paghahatid ng serbisyo sa ating mga kababayan. 

Naging panauhin tayo sa ginanap na Service Awards and Recognition Event para sa ika-42 anibersaryo ng Lung Center of the Philippines noong January 24, sa imbitasyon ni Dr. Avelino de Chavez. Pinasalamatan natin ang mga service awardees, ang mga nabigyan ng pagkilala, at ang lahat ng health workers at kawani ng LCP dahil sa kanilang naging sakripisyo lalo na noong panahon ng pandemya at hanggang ngayon para mapangalagaan ang buhay at kalusugan ng mga Pilipino. 

Sa ating bisita doon, nagbigay tayo ng konting tulong sa health workers na pinarangalan. Nagpa-lugaw rin tayo sa mga pasyente at frontliners noong binisita ko ang Malasakit Center ng ospital. Pinakinggan rin natin ang mga pasyenteng lumapit at humingi ng tulong. Sinabi ko sa kanila na prayoridad ko ang proteksyunan ang kanilang kalusugan dahil katumbas ito ng buhay ng bawat Pilipino.  

Nagpapasalamat naman tayo sa provincial government ng Occidental Mindoro na opisyal tayong kinilala bilang adopted son ng lalawigan. Personal na dinala at iprinisinta ni Board Member Alex Robles del Valle sa ating opisina ang resolusyon ng Sangguniang Panlalawigan. Isang napakalaking karangalan para sa atin na maging kapatid ng mga Mindoreños.

Naging panauhing pandangal at tagapagsalita naman tayo sa pagbubukas ng 2024 Kalinga Provincial Athletic Meet noong January 25. Ang naturang athletic meet ay nilahukan ng mahigit 2,000 atleta mula sa Kalinga province. Nakiisa ako kasama sina Congressman Allen Jesse Mangaoang, Governor James Edduba, Vice Governor Jocel Baac, Rizal Mayor Karl Baac, Pasil Vice Mayor Benny Magangat, Tinglayan Mayor Sacrament Gumilab, Tanudan Vice Mayor Constancio Dalayap, Balbalan Vice Mayor Rowina Damia, Lubuagan Mayor Joel Tagaotao at Vice Mayor Jun Saclag, at iba pang opisyal. 

Bilang chair ng Senate Committee on Sports, suportado natin ang mga ganitong grassroots sports program. Mabisang paraan din ito para mailayo ang ating mga kabataan sa kaway ng droga, iba pang bisyo at krimen. Gaya ng madalas nating ipayo sa mga Pilipino: “get into sports, stay away from drugs to keep healthy and fit”. Binisita rin natin ang ginagawang bagong kalsada sa Bono-Bongat Road, Rizal. Ang naturang proyekto ay naisulong sa ating pamamagitan.

Matapos ay dumiretso naman tayo sa Isabela para personal na saksihan ang inagurasyon ng itinayong Mallig Super Health Center. Nag-inspeksyon din tayo sa bagong tulay at Public Market sa lugar, na naisulong sa ating tulong kasama ang lokal na pamahalaan sa pangunguna nina Mayor Jose Philip Calderon at Vice Mayor Diosdado Felipe. Nagpapasalamat naman ako sa Sangguniang Bayan ng Mallig dahil sa bisa ng isang resolusyon ay inihayag nila ako bilang adopted son ng bayan. 

Dumalo rin tayo sa ginanap na Bambanti Festival sa Ilagan City, sa imbitasyon ni Governor Rodito Albano, Vice Governor Bojie Dy, Mayor Josemarie Diaz at iba pang lokal na opisyal doon. Binisita natin ang booths at exhibits tampok ang mga lokal na produkto mula sa iba’t ibang bayan ng Isabela. Isa tayo sa may-akda at co-sponsor ng Republic Act No. 11960, o ang One Town, One Product (OTOP) Philippines Act na naging ganap na batas noong August 24, 2023 para masuportahan ang mga lokal na produktong gawang Pilipino. 

Sinaksihan din natin ang groundbreaking ceremony ng itatayong Echague Super Health Center kasama si Mayor Kiko Dy at iba pang opisyal. 

Kahapon, January 26, personal nating dinaluhan ang groundbreaking ng itatayong Barangay Dawan Super Health Center sa Mati City. Matapos ito ay sinaksihan din natin ang ceremonial turnover ng firetruck na ating isinulong. Nag-abot rin tayo ng tulong sa mga mahihirap na residente doon. 

Masaya ko ring ibinabalita na sa nakaraang araw ay pinasinayaan na ang itinayong Sablayan Super Health Center sa Occidental Mindoro, na sinaksihan ng aking tanggapan kasama si Mayor Bong Marquez. Nagkaroon rin ng groundbreaking ng itatayong Super Health Center sa Concepcion, Iloilo na sinaksihan ng aking tanggapan kasama si Mayor Mark Anthony Celestial. 

Naghatid naman ng tulong ang aking Malasakit Team sa mga kababayan nating nahaharap sa iba’t ibang krisis. Naayudahan natin ang iilang mahihirap na residente ng Quezon City kasama si Councilor Mikey Belmonte. 

Natulungan din ang 238 na residente ng Tumauini, Isabela na nawalan ng hanapbuhay katuwang sina Mayor Venus Bautista at former mayor Arnold Bautista. Maging ang 205 residente sa Cauayan, Isabela ay natulungan natin katuwang si Vice Gov. Bojie Dy. Ang mga benepisyaryo ay nabigyan din ng Department of Labor and Employment ng pansamantalang trabaho. 

Mula noon hanggang ngayon, uunahin ko ang kapakanan ng mga kababayan nating mahihirap. Wala kaming ibang hangarin kundi magserbisyo at tumulong sa abot ng aming makakaya. 

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Proteksyunan ang ating konstitusyon at interes ng ordinaryong Pilipino!

ni Bong Go @Bisyo Magserbisyo | Enero 24, 2024

Balik-Senado tayo noong Lunes, January 22, para sa pagbubukas ng regular session ng 19th Congress ngayong 2024. 

Ngayong Bagong Taon ay patuloy nating isusulong ang ating mga prayoridad na panukalang batas partikular ang para sa kalusugan ng bawat Pilipino bilang tayo ang chair ng Senate Committee on Health, at ng Committee on Sports, gayundin kung paano mapapalakas ang ating pagtugon sa mga kalamidad at sakuna, at kung paano mapapabilis ang paghahatid ng tulong sa ating mga kababayan na nangangailangan.

Handa rin tayong suportahan ang mga panukalang batas na ihahain ng ating mga kapwa mambabatas lalo na kung sa tingin natin ay malaki ang maitutulong nito sa mga kababayan nating mahihirap, mga hopeless, helpless at walang malalapitan maliban sa pamahalaan.

Isa sa magiging usapan sa Senado ngayong taon ay ang isinusulong na pag-amyenda sa ating 1987 Constitution. Pero bago ang lahat, mabuting suriin, pag-aralan at ilatag nang maayos sa publiko kung anong aspeto ng Konstitusyon ang nais na baguhin. Tandaan natin na lahat ng Pilipino ay apektado rito hindi lang ngayon kundi pati ang susunod na henerasyon. Bilang mga lingkod-bayan, isaalang-alang natin parati ang interes ng taumbayan at hindi ang interes ng iilan lamang.

Ang Konstitusyon ay “of the people, by the people, for the people.” Para sa akin, kung ano lamang ang makakabenepisyo sa Pilipino ang dapat isulong dito. Kapag maamoy namin na ang makikinabang dito ay mga iilang pulitiko, hindi ako papayag. Ang makikinabang dapat ay ang ordinaryong Pilipino, hindi pulitiko! At interes ng Pilipino ang dapat unahin natin parati, lalo na ang mga mahihirap.

Sa parte ko, patuloy ang ating paninindigan na kung economic provision ang pag-uusapan, pabor akong silipin ito dahil mahigit 36 na taon na ang ating Konstitusyon at iba na ang ating sitwasyon ngayon. Ngunit huwag dapat itong madaliin, at pag-aralan natin nang mabuti ang economic provisions na maaaring kailangang amyendahan.

Maaaring mas maging malakas ang ating ekonomiya sa pamamagitan ng pagpasa ng mga batas imbes na galawin ang Saligang Batas.

Importante ang ‘checks and balances’ sa gobyerno. Kaya bilang miyembro ng Senado, o ang Mataas na Kapulungan sa dalawang kamara ng Kongreso ng Pilipinas, ipagtatanggol ko kung ano ang makakabuti para sa lahat.

Babantayan natin ang anumang posibleng pagbabago sa ating Saligang Batas.

Proteksyunan natin ang Senado bilang isang mahalagang institusyon, proteksyunan natin ang ating Konstitusyon, proteksyunan natin ang interes ng mamamayang Pilipino.Dagdag pa rito, hindi rin dapat isantabi ang mga gawain ng Commission on Elections para lang madaliin ang People’s Initiative sa pag-amyenda ng Saligang Batas.

Para sa akin, mas prayoridad dapat ang voter registration, lalo na sa mga bagong gustong magparehistro. Isang malayang demokrasya tayo at dapat pangalagaan ang karapatan ng bawat Pilipino na makaboto.Pagdating naman sa People’s Initiative, oo, nirerespeto natin ang karapatan ng bawat botanteng Pilipino na makilahok dito.

Subalit, hindi ako pabor sa uri at anyo ng People’s Initiative na nilalakad sa ngayon, kung saan pawang tinatanggal ang kapangyarihan ng Senado na bantayan ang interes ng bayan. Hindi rin ako papayag kung totoo ang balita na mayroong panunuhol na nangyayari. Dapat tunay na people’s will ang manaig. Wala dapat kapalit o pagpilit sa pagpirma rito.

Kung kaya, sa mga kadahilanang ito, pumirma ako, kasama ang lahat na aking kapwa senador sa isang statement ng Senado na tumututol sa nasabing People’s Initiative na ito dahil isa itong banta sa ating demokrasya.We must protect the Constitution! We must protect the Senate as an institution! We must protect the interest of the people!

We must protect our democracy and the will of the people!

Samantala, tuluy-tuloy pa rin ang ating paghahatid ng serbisyo sa ating mga kababayan.

Dinaluhan ng aking tanggapan, kasama si Councilor Derek Palanca, ang groundbreaking ceremony ng itatayong Cauayan Super Health Center sa Cauayan Health Zone, Sitio Calumpang, Poblacion, Cauayan, Negros Occidental noong January 20.

Noong January 21 ay personal nating binisita ang 38 residente ng Brgy. Quiot, Cebu City na naging biktima ng sunog kamakailan. Inalam natin ang kanilang kalagayan at nag-abot ng tulong bago tayo dumalo sa Sinulog sa Sugbo 2024 sa paanyaya ni Mayor Mike Rama. Hindi kumpleto ang aking araw kung hindi man lang mapupuntahan ang mga kababayan nating nasunugan. Hindi kumpleto ang pagbisita ko kung hindi ako makakapag-iwan ng ngiti sa panahong malungkot ang mga biktima ng sunog habang ang iba ay nagse-celebrate sa Sinulog.

Nakarating naman ang aking Malasakit Team sa iba’t ibang komunidad para bigyan ng tulong ang mga kababayan nating nahaharap sa iba’t ibang krisis. Natulungan namin ang mga naging biktima ng mga insidente ng sunog gaya ng 47 residente ng Purok Masaya, San Miguel, Puerto Princesa City kasama si Councilor Elgin Damasco; 75 sa Muntinlupa City katuwang naman si Brgy. Chairman Tin Abas; 12 sa Mati City; at tatlo sa Bagumbayan, Lupon, Davao Oriental.Natulungan din natin ang mga nawalan ng hanapbuhay kabilang ang 192 sa Tuburan, Cebu kasama si Mayor Aljun Diamante; at 338 pa sa Sta. Teresita, Batangas kasama sina Mayor Boy Seguinal at Vice Mayor Marie Seguinal. Ang mga kuwalipikadong benepisyaryo ay pinagkalooban din ng Department of Labor and Employment ng pansamantalang trabaho.

Karapatan, kapakanan at kinabukasan ng bansa ang palagi kong uunahin sa aking mga gawain sa loob at labas ng Senado.

Kaya importanteng mapag-aralan at maintindihan nang tama at lubusan ang anumang panukala lalo na pagdating sa pag-amyenda ng Konstitusyon. Habang pinag-uusapan ito, unahin pa rin natin ang pagserbisyo sa tao at pagtulong sa kapwa sa abot ng ating makakaya.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Super Health Center, susi para mailapit ang serbisyong medikal sa mga Pinoy

ni Bong Go @Bisyo Magserbisyo | January 20, 2024

Naging napakaproduktibo ng linggong ito sa ating patuloy na paghahatid ng serbisyo sa mga Pilipino lalo na sa malalayong lugar. 

Nakalinya ito sa ating layunin na mapagkalooban ang ating mga kababayan ng sapat na serbisyong pangkalusugan — lalo na ang mga mahihirap, hopeless, helpless at walang ibang malalapitan maliban sa pamahalaan. Kaya masaya kong ibinabalita na sunud-sunod na ang pagbubukas ng mga Super Health Center sa iba’t ibang bahagi ng ating bansa.Isa rito ay matatagpuan sa Brgy. Los Amigos, Tugbok District, Davao City.

Noong January 16 ay personal nating dinaluhan ang ribbon-cutting and turnover ceremony nito. Ready for operation na ito at mapapakinabangan na ng mga kababayan natin. Hindi na nila kailangang magbiyahe pa ng downtown. Dito na sila magpapa-checkup para sa early disease detection upang maagapan ang kanilang sakit at hindi na lumala pa. Gayundin, ang primary care na nasa ilalim ng Universal Health Care Law, at ang Konsulta package ng PhilHealth.

Sa araw ding iyon ginanap ang ribbon-cutting ceremony para sa Super Health Center na itinayo naman sa Brgy. Toril Proper, na personal din nating sinaksihan.

Samantala, sinimulan naman ang pagtatayo ng Super Health Center sa Brgy. Dumoy sa Davao City pa rin noong araw na iyon at sinaksihan natin ang isinagawang groundbreaking. Sa ating pagbisita sa mga nasabing Super Health Center ay namahagi tayo ng ilang grocery packs at iba pang maliliit na regalo sa mga barangay health workers at mga residente sa lugar.

Kabilang sa mga serbisyong hatid ng Super Health Center ang database management, outpatient, birthing, isolation, diagnostic (laboratory: X-Ray at ultrasound), pharmacy, at ambulatory surgical unit.

Magkakaloob din ito ng eye, ear, nose, and throat (EENT) service, oncology centers, physical therapy and rehabilitation centers, at telemedicine kung saan puwedeng madaling magpakonsulta ang pasyente.Sabi ko sa mga taga-roon, bilang tayo ang chairman ng Senate Committee on Health, nandito tayo para sa pagpapatayo ng mga Super Health Center, at para ilapit natin sa lahat ng Pilipino ang serbisyong medikal.

Ipinaalala ko sa mga residente na napakaimportante sa akin ng kalusugan ng bawat Pilipino kaya ako nagsusumikap na makatulong na ma-improve at mag-invest sa ating healthcare system.Pinangunahan din natin ang pag-turnover ng Super Health Center sa Brgy. Ned Proper, Lake Sebu, South Cotabato noong January 17. Napaka-crucial nito dahil napakalayo at isolated ang barangay at kailangan pang dumaan sa ibang probinsya para lang makarating sa town center ng Lake Sebu.

Nagdala rin tayo ng ilang grocery packs at iba pang tulong sa mga barangay health workers at mga residente sa lugar.Sabi ko nga sa mga residente, tulad nila, marami sa mga kababayan natin sa iba’t ibang sulok ng Pilipinas ang walang sapat na health facilities na makagagamot sa kanilang mga karamdaman.

Kaya importante ang Super Health Center para hindi na nila kailangang pumunta pa ng malalayong ospital upang magpa-checkup ng minor cases. Makatutulong din ito para mabawasan ang mga pasyente sa mga ospital dahil d’yan na sila gagamutin.

At masuwerte ang itinayong Super Health Center na ito dahil nagbuwena manong nanganak noong January 16 si Layla Tungcay. Nakakatuwa naman na ang baby girl niya na si Bong Galyn ay tatawagin niyang “Bongga” dahil isinunod sa ating pangalan.

Umaasa akong magiging malusog at matalino si Bongga hanggang sa kanyang paglaki.

Dito rin natin nakita kung gaano kaimportante sa isang napakalayong lugar ang may matatakbuhang Super Health Center. Maagap na naalalayan ang panganganak ni Layla, at masusubaybayan pa ang kalusugan ng kanyang baby.

Nitong nakaraang mga araw ay dinaluhan din natin ang inagurasyon ng itinayong Super Health Center sa Kiamba, Sarangani. Nagbigay tayo ng ilang grocery packs at iba pang tulong sa mga barangay health workers sa lugar. Ipinabatid ko sa mga residente na maaari ring magkaroon ng dialysis center dito para hindi na mahirapan ang pasyenteng sumasailalim sa dialysis na magpagamot pa sa malayong lugar.

Masaya ko ring ibinabalita na sinaksihan naman ng aking tanggapan sa araw ding ito ang turnover ng Super Health Center na itinayo sa Brgy. Malandag, Malungon, Sarangani.

Gayundin, ang groundbreaking ceremony sa itinatayo sa Brgy. Camp Clark, Isabela, Negros Occidental; Payao, Zamboanga Sibugay; at sa Brgy. Kamanga, Maasim, Sarangani. Binuksan naman kahapon, January 19, ang itinayong Super Health Center sa Imus City, Cavite kung saan pinangunahan mismo nina Health Secretary Ted Herbosa at Mayor AA Advincula ang inagurasyon ng pasilidad kasama ang iba pang opisyal ng lokal na pamahalaan at ng DOH. Nabisita ko ito noong Pebrero ng nakaraang taon habang ipinapatayo pa ito.

Sa tulong ng Department of Health sa pamumuno ni Sec. Herbosa, mga kapwa ko mambabatas at mga lokal na pamahalaan, sana ay tuluy-tuloy ang pagpapalakas ng ating serbisyong medikal sa mga komunidad sa pamamagitan ng Super Health Center.

Mayroon na tayong mahigit 700 Super Health Centers na napondohan na mula 2022 hanggang ngayong 2024.Umaapela tayo sa DOH, bilang pangunahing ahensyang namamahala rito, na bilisan ang implementasyon at siguraduhin na walang masasayang na pondo ng bayan. Sa katunayan, pera naman ‘yan ng taumbayan.

Siguraduhin dapat na ang ordinaryong Pilipino ay makikinabang lalo na pagdating sa kalusugan.Tuluy-tuloy din ang ating paghahatid ng iba pang serbisyo sa ating mga kababayan. Dinaluhan natin ang oathtaking ng mga civil engineers (Davao City chapter) na ginanap sa Dusit Thani Hotel.

Nakarating naman ang aking Malasakit Team sa iba’t ibang parte ng ating bansa para matulungan ang mga kababayan nating nahaharap sa iba’t ibang krisis. Maagap tayong umagapay sa mga naging biktima ng magkakahiwalay na insidente ng sunog kabilang ang 407 sa Pandacan, Manila; 43 sa Brgy. San Juan, Taytay, Rizal; 43 sa Pagadian City; 23 sa Brgy. 19-B, Mineral Village, Bajada, at 13 sa Brgy. 8-A, Poblacion District, sa Davao City; at anim pa sa Iligan City.Nagbigay-tulong din tayo sa ilang residente ng Quezon City sa isinagawang medical mission kasama si Councilor Mikey Belmonte.Namahagi naman tayo ng tulong sa mga nawalan ng hanapbuhay kabilang ang 550 mula sa Meycauayan City, Bulacan kasama si Congresswoman Linabelle Villarica; at 179 sa Roxas City, Capiz kasama si Board Member Thea Faith Reyes.

Nabigyan din ng Department of Labor and Employment ng pansamantalang trabaho ang mga kuwalipikadong benepisyaryo.Sa patuloy na pagtatayo ng Super Health Centers, nakita namin kung gaano kalaki ang naitutulong nito sa mga komunidad lalo na sa rural areas. Sama-sama nating ilapit sa mga mamamayan ang serbisyo ng gobyerno lalo na pagdating sa pangunahing serbisyong pangkalusugan.

Tandaan natin na ang kalusugan ay katumbas ng buhay ng bawat Pilipino kaya pangalagaan natin ito.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.