Ipagpatuloy ang serbisyong may tapang at malasakit para sa Pilipino

ni Bong Go @Bisyo Magserbisyo | Oct. 5, 2024

Nagsumite na tayo ng ating certificate of candidacy noong Oktubre 3 para muling tumakbo bilang senador sa darating na 2025 elections. Bukod sa ating mga naisakatuparan mula nang manungkulan tayo noong 2019, plano nating ipagpatuloy ang ating mga adbokasiya na ibigay ang serbisyong may tapang at malasakit sa bawat Pilipino sa abot ng ating makakaya.

Una na rito ang kalusugan dahil ito ay katumbas ng buhay ng bawat Pilipino. Patuloy nating ilalapit ang serbisyong medikal sa mga nangangailangan nito tulad na lamang ng ating pagsasabatas ng Malasakit Centers Act at Regional Specialty Centers Act, pagsulong ng dagdag na Super Health Centers sa kanayunan, at pagsasaayos ng mga pasilidad pangkalusugan sa iba’t ibang lugar.

Bago mag-file ng aking kandidatura, pinamunuan ko muli ang isang pagdinig ng Senate Committee on Health ukol sa estado ng ating healthcare system noong Oktubre 2. Sulit din ang ating pangungulit sa PhilHealth dahil matapos ang maraming hearings, nagtakda na ang ahensya ng mga deadline para tumugon sa mga repormang ating iminungkahi at ipinagdiinan.

Nagpapasalamat tayo dahil pinakinggan ang ating panawagan at sinunod ang kagustuhan ng taumbayan na ibasura na ang hindi makataong single period of confinement policy ng PhilHealth ngayong buwan. Ang polisiyang ito na tinawag nating “No Repeat Sakit” ay naging pabigat sa mga pasyente. Kung hindi pa natin ito ibinunyag, binusisi, at isiniwalat, marami pang pasyente ang tatanggihan ng PhilHealth dahil sa hindi makatarungan, hindi makatwiran, at anti-poor na regulasyong ito.

Bilang inyong Senator Kuya Bong Go, umasa kayo na hindi ko titigilan ang PhilHealth hangga’t hindi nila natutupad ang iba pa nilang commitments sa mga Pilipino tulad ng kanilang pangako na taasan ang case rates; palawakin ang benefit packages; babaan ang premium contribution; i-cover ang emergency, out-patient at preventive care; magbigay ng libreng gamot, libreng salamin at wheelchair para sa mahihirap na Pilipino, at iba pa.

Bukod sa kalusugan, isusulong din natin ang seguridad sa pagkain sa pamamagitan ng pagpapasigla sa agrikultura para sikaping walang Pilipinong magugutom. Patuloy nating ipaglalaban ang kapakanan ng mga manggagawa at magsusulong ng mga programang lilikha ng mga trabaho para walang maiiwan sa ating pagbangon. Pangangalagaan natin ang mga kabataan at titiyakin na may access sila sa abot-kayang edukasyon dahil ito ang susi sa mas magandang kinabukasan. Ipagpapatuloy din natin ang magandang nasimulan sa larangan ng palakasan, masuportahan ang ating mga atleta maging sa grassroots level at makatuklas ng mga bagong sports heroes.

Pagkatapos na pagkatapos na mag-file ng aking COC ay ninais ko agad na makatulong sa mga nasunugan sa Parañaque City. Personal nating pinangunahan ang pamamahagi ng tulong para sa 346 residenteng nawalan ng tirahan. Sa ating pakikipagtuwang sa DHSUD, nabigyan din sila ng tulong pinansyal na ating isinulong para may pambili sila ng materyales na pampaayos ng kanilang tahanan. Kasama natin doon sina Senator Bato dela Rosa at Phillip Salvador na parehong tatakbo rin sa pagka-senador.

Nasa Caraga, Davao Oriental tayo kahapon, October 4 at pinangunahan ang pamamahagi ng tulong para sa mahigit isang libong residenteng kapos ang kita. Katuwang ang national government at sina VM Melody Benitez at Coun. Jemaika Balante, nakatanggap din ang mga ito ng tulong pinansyal. Nag-inspeksyon din tayo sa itinatayong Super Health Center sa lugar. Matapos ito ay personal tayong nagkaloob ng tulong sa 250 mahihirap na residente katuwang ang mga lokal na opisyal.

Tuluy-tuloy din ang aking Malasakit Team sa paghahatid ng tulong sa mga kababayan tulad ng mga nawalan ng hanapbuhay, na sa ating pakikipagkapit-bisig sa DOLE ay nabigyan pa ng pansamantalang trabaho.

Sa Samar, naging benepisyaryo rito ang 64 sa Calbiga katuwang si BM Luzviminda Nacario; at 64 sa Catbalogan City kaagapay si BM Elpa de Jesus. May 670 na magsasaka at mangingisda sa San Agustin, Surigao del Sur ang natulungan din kasama si Mayor Nick Alameda. Sa Iloilo, may 30 sa San Joaquin at 37 sa Igbaras katuwang si VG Tingting Garin.

Binalikan natin at muling inayudahan ang mga nawalan ng tahanan kabilang ang 19 sa Capoocan, Leyte; at 15 sa Malabon City. Nakatanggap din sila ng tulong pinansyal mula sa NHA na ating isinulong para may pampaayos sila ng kanilang tirahan.

Nabigyan din natin ng tulong ang mga kapos ang kita sa Davao del Sur tulad ng 100 sa Matanao katuwang si Kapitan Ian Bacamante; at 60 pa kaagapay naman si VM Erick Agbon. May 200 rin tayong tinulungan sa Socorro, Oriental Mindoro kasama si Mayor Nemnem Perez. Natulungan natin ang mga maliliit na negosyante gaya ng 22 sa Pasig City katuwang si VM Dodot Jaworski; at 12 sa Brgy. Zapote, Las Piñas City kasama si Kap. Cesar Rubio.

May 147 tayong kababayan sa Tuguegarao City na natulungan at nakatanggap din sila ng financial support mula sa local government na ating isinulong kasama si Mayor Maila Ting.

Nagbigay din ang aking opisina ng dagdag na suporta sa 52 CHED scholars sa Nueva Vizcaya. Naghandog tayo ng munting regalo sa 27 couples na pinag-isang dibdib sa Kasalan ng Bayan sa Barangay Panacan, Davao City.

Bilang inyong Mr. Malasakit, hindi ko sasayangin ang pagkakataon na magsilbi sa bayan na ibinigay ninyo sa akin. Magtatrabaho ako para sa Pilipino. Iyan ang aking maiaalay sa inyo — ang kasipagan ko sa pagtatrabaho at pagtulong sa abot ng aking makakaya. Bisyo ko ang magserbisyo at naniniwala ako na ang serbisyo sa tao ay serbisyo sa Diyos. Sama-sama nating sikaping maipagpatuloy ang serbisyong may tapang at malasakit!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Single period of confinement policy, ibinasura na!

ni Bong Go @Bisyo Magserbisyo | Oct. 2, 2024

Nagpapasalamat tayo sa Board of Directors ng PhilHealth sa kanilang desisyong ibasura na ang single period of confinement policy na naging sanhi ng mahigit isang dekadang paghihirap ng ating mga kababayang nagkasakit.

Ang taong may sakit, lalo na ang isang mahirap, ay dapat arugain ng PhilHealth ilang beses man siyang magkasakit — hindi isang beses lang sa loob ng itinakdang panahon! 

Sa rami ng reklamo na inilapit sa akin tungkol sa polisiyang ito noon, umabot na tayo sa tatlong committee hearing sa Senado upang kalampagin ang PhilHealth na ibasura na ito. Sulit man ang ating pangungulit, pero hindi ko titigilan ang PhilHealth hanggang tuparin nila ang lahat ng kanilang pangako. 

Bilang chairperson ng Senate Committee on Health, patuloy nating ipaglalaban ang sapat na serbisyong pangkalusugan para sa lahat ng mga Pilipino. Kasama na rito ang mga pangako ng PhilHealth na taasan ang case rates, palawakin ang benefit packages, babaan ang premium contribution, magbigay ng libreng gamot, at iba pa. Patuloy rin nating tututulan ang pagta-transfer sa national treasury ng P89.9 billion excess funds dahil naniniwala ako na ang pondo ng PhilHealth ay para sa health! 

Magkakaroon muli tayo ng Senate Committee on Health hearing ngayong araw na ito upang talakayin ang estado ng health system sa bansa. Gaya ng ilang ulit ko nang sinabi, ang mga pagdinig na ito ay avenue upang mabigyan ng boses ang mga kapwa ko Pilipino at marinig ang kanilang mga saloobin para ang mga batas at polisiya na ating isinusulong ay angkop sa kanilang tunay na mga pangangailangan.

Sa mga kapwa ko lingkod bayan, importante na mayroon tayong isang salita na may kasamang aksyon at resulta. Buhay at kalusugan ng ating mga kababayan ang nakataya rito. Tandaan natin na ang kalusugan ay katumbas ng buhay ng bawat Pilipino. 

Samantala, nasa lalawigan ng Isabela tayo noong September 28 at nag-inspeksyon sa Super Health Center sa Luna. Dumalo rin tayo sa 75th Founding Anniversary ng Luna at nakiisa sa pagdaraos ng Bato Art Festival-Street Dance Parade and Showdown. Sa pagdaraos din ng 75th Founding Anniversary ng Alicia, personal nating pinangunahan ang pamamahagi ng tulong para sa 500 nawalan ng hanapbuhay doon na sa ating pakikipagtulungan ay nabigyan din ng pansamantalang trabaho. Matapos ito ay nagkaloob tayo ng tulong sa 1,000 mahihirap sa Cauayan City na nakatanggap din ng tulong pinansyal na ating isinulong kasama sina Gov. Rodito Albano at VG Bojie Dy. 

Bukod sa pagiging adopted son na ng Nueva Ecija, kinilala rin tayo bilang adopted son ng Gapan City noong September 30. Personal nating pinangunahan ang pamamahagi ng tulong para sa 1,667 mahihirap na residente na nabigyan din ng tulong pinansyal na ating isinulong katuwang si Mayor Joy Pascual.

Kahapon, October 1, ay dumalo tayo sa Liga ng mga Barangay National Congress Cluster 5 na idinaos sa Pasay City bilang suporta sa mga barangay leader na katuwang natin sa paglalapit ng serbisyo ng gobyerno sa mga tao. 

Sa nakaraang mga araw din ay sinaksihan ng aking tanggapan ang turnover ng Super Health Center sa Talacogon, Agusan del Sur at groundbreaking ng Super Health Center sa Calasiao, Pangasinan upang mailapit ang pangunahing serbisyo medikal sa kanayunan. 

Tuluy-tuloy din ang aking Malasakit Team sa pagbibigay ng tulong sa ating mga kababayan na nawalan ng hanapbuhay bukod pansamantalang trabaho na ating isinulong kasama ang DOLE. 

Sa Batangas, naging benepisyaryo ang 50 sa Sto. Tomas katuwang si VM Cathy Jaurigue-Perez; 50 sa Malvar kaagapay si VM Bert Lat; at 50 sa Balete kasama si VM Alvin Payo. Sa Leyte, may 117 sa Baybay City katuwang si Mayor Boying Cari; at 74 sa Hindang kaagapay si Mayor Betty Cabal. Sa Bohol, may kabuuang 447 sa Garcia Hernandez at Loay kasama si VG Tita Baja; at 1,013 sa Loboc, Dauis at Panglao kasama sina Dauis Mayor Ramon Bullen at VM Miriam Sumaylo, Panglao Mayor Edgardo Arcay at VM Noel Hormachuelos, at Loboc Councilor Efren Mandin. Natulungan din ang 64 sa Allen, Northern Samar katuwang si Vice Mayor Christian Lao; at 225 sa Lambunao, Iloilo kaagapay si Mayor Reynor Gonzales.

Muli nating sinuportahan ang mga nawalan ng tirahan dahil sa kalamidad bukod pa sa housing assistance ng NHA na ating isinulong para may pambili sila ng materyales na pampaayos ng bahay. Nakabenepisyo rito ang 77 sa Bacolod City at 114 sa San Carlos City, Negros Occidental. 

Tinulungan din natin ang 240 na maliliit na negosyante sa Veruela, La Paz, San Luis at Talacogon sa Agusan del Sur, na sa ating pakikipagtulungan sa DTI ay nakatanggap din ng tulong pangkabuhayan. 

Natulungan din ang 1,000 mahihirap sa Labason, Zamboanga del Norte kasama si Mayor Jed Quimbo; at 66 sa Lavezares, Northern Samar kaagapay si Mayor Ed Saludaga. 

Sinuportahan din namin ang 200 TESDA graduates sa Danao City, Cebu; at ang 250 benepisyaryo sa ginanap na Medical Mission sa Marawi City, Lanao del Sur. Namahagi rin tayo ng grocery packs sa mga biktima ng Bagyong Ferdie sa iba’t ibang bayan sa Antique. 

Bilang inyong Mr. Malasakit, sa abot ng aking makakaya, patuloy kong pangangalagaan ang buhay at kalusugan ng bawat Pilipino. Bisyo ko ang magserbisyo at naniniwala ako na ang serbisyo sa tao ay serbisyo sa Diyos.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Bigyan ng oportunidad ang mga kabataan sa larangan ng sports

ni Bong Go @Bisyo Magserbisyo | Sep. 28, 2024

Ang pagdaraos ng sports competitions ay isang paraan hindi lang para maipakita ng ating mga kabataan ang kanilang husay sa palakasan, pinatatatag din nito ang karakter, disiplina, at pagsusumikap ng bawat kalahok tungo sa pagkakaisa ng komunidad.

Epektibong paraan din ito para mailayo ang ating mga kabataan sa masasamang bisyo tulad ng ilegal na droga at magabayan tungo sa tamang landas para sa mas magandang kinabukasan. Gaya ng madalas kong payo, “Get into sports, stay away from drugs to keep us healthy and fit.”

Naniniwala ang inyong Senator Kuya Bong Go na malayo ang mararating ng isang atleta kung sa grassroots level pa lang ay nabibigyan na siya ng sapat na suporta. Bilang chairperson ng Senate Committee on Sports at on Youth at katuwang ang Philippine Sports Commission ay nagkakaloob tayo ng suporta sa mga proyekto, inisyatiba, at mga kumpetisyon na kaugnay sa sports lalo na sa kanayunan.

Ito rin ang dahilan kung bakit natin isinulong bilang may-akda at principal sponsor ang panukalang Philippine National Games (PNG) Act na na-ratify na sa Senado noong Lunes, September 23 ang bicameral report nito. Kung maaprubahan ng Pangulo ay magiging ganap na itong batas.

Layon ng PNG na ma-institutionalize ang isang national sports program para sa pagtuklas ng mga bagong talento at mabigyan ng oportunidad ang mga nais maging atleta nasaan man sila sa bansa. Hindi lang basta kumpetisyon ang PNG, isa rin itong platform para mahasa ang susunod na henerasyon ng ating sports heroes.

Tayo rin ang may akda at co-sponsor ng Republic Act No. 11470 na nagtatag sa National Academy of Sports (NAS) sa New Clark City, Capas, Tarlac. Nagkakaloob ito sa student-athletes ng secondary education na may kaakibat na specialized sports training. Mapagsasabay nila ang pag-aaral at pagsasanay nang walang masasakripisyo.

Bilang sponsor para sa budget ng sports sa Senado, naging instrumento tayo para maipaayos ang mahahalagang sports facilities gaya ng Rizal Memorial Coliseum sa Maynila at ng Philsports Arena sa Pasig City, paglalagay ng sapat na budget para sa pagsuporta sa mga atletang nagrerepresenta sa bansa sa mga pandaigdigang kumpetisyon tulad ng Olympics, at pagpapalakas ng mga programang pampalakasan sa grassroots.  

Bilang sports enthusiast at atleta rin, hangarin natin na matuklasan at masuportahan ang panibagong henerasyon ng bagong bayani sa larangan ng sports na susunod sa yapak nina Manny Pacquiao, Hidilyn Diaz, Carlos Yulo, at iba pa. Minsan lang tayong dadaan sa mundong ito kaya anumang tulong na puwede nating maibigay sa kapwa, o anumang karangalan ang maaari nating madala sa bansa, ay gawin na natin ngayon!

Samantala, bumisita tayo sa Cavite noong September 25 para pangunahan ang inagurasyon ng bagong Super Health Center sa Dasmariñas City. Pinangunahan din natin ang pamamahagi sa 1,667 mahihirap ng tulong pinansyal na ating isinulong kasama si Mayor Jenny Barzaga.

Nasa Lobo, Batangas tayo kahapon, September 27, at personal na pinangunahan ang pagkakaloob ng tulong katuwang si Mayor Lota Manalo para sa 1,000 apektadong hog raisers, na sa ating inisyatiba ay nabigyan din ng tulong pinansyal ng lokal na pamahalaan. Nag-inspeksyon din tayo sa ginagawang bypass road na ating sinuportahan bilang vice chairperson ng Senate Committee on Finance. Binisita naman ng aking staff ang itinatayong multi-purpose building covered court na napondohan din sa ating inisyatiba. Bilang adopted son ng CALABARZON at kapwa Batangueño, isang karangalan din sa akin na maideklarang adopted son ng bayan ng Lobo.

Hindi naman tumitigil ang aking Malasakit Team sa pagtulong sa ating mga kababayan tulad ng 22 pamilyang nabiktima ng sunog sa Quezon City.

Sumuporta rin tayo sa 999 mahihirap sa Caloocan City; 1,000 transport workers sa Quezon City; 1,250 sa San Vicente, Camarines Norte kaagapay si Mayor Jhoana Ong; 300 sa Dapitan City, Zamboanga del Norte kasama si Mayor Bullet Jalosjos; at 800 sa Puerto Princesa City, Palawan kaagapay si Coun. Elgin Damasco.

Nagsulong naman tayo ng tulong pangkabuhayan para sa 26 na naapektuhan ng kalamidad sa Veruela, Agusan del Sur. Naging benepisyaryo rin ng programang pangkabuhayan ang 30 na maliliit na negosyante sa Caloocan City na ating tinulungan katuwang si Coun. King Echiverri.

Bukod sa tulong mula sa aking tanggapan, isinulong din natin ang emergency housing assistance mula NHA para sa pagpapaayos ng mga tahanan ng mga biktima ng sakuna. Sa Cotabato, naging benepisyaryo ang lima sa Arakan; 20 sa Midsayap; isa sa Magpet; at dalawa sa Libungan. May siyam naman sa Alabel, Sarangani; 52 sa Valenzuela City; anim sa Lutayan, Sultan Kudarat; at 34 sa General Santos City.

Tuloy rin tayo sa pagtulong sa mga nawalan ng hanapbuhay at sa ating pakikipagkapit-bisig sa DOLE ay nabigyan ng pansamantalang trabaho ang 500 sa Dauin, Negros Oriental kasama si Mayor Galicano Truita; 110 sa Tampakan, South Cotabato katuwang si BM Ryan Escobillo; 497 sa Medina, Misamis Oriental kaagapay si Mayor Donato Chan; 88 sa Santa Ignacia, Tarlac kasama si LNB President Alexander Manzano; at 53 sa Marilao, Bulacan katuwang si VM Jun Bob dela Cruz.

Sinuportahan din natin ang mga sports fest sa Sultan Kudarat State University sa Tacurong City mula Sept. 27-29; at sa Mindanao State University sa Maguindanao del Norte na ginanap noong Sept. 23-25. Nagkaloob din tayo ng wheelchair kaagapay ang PSC at si Coun. Girlie Balaba para sa 10 benepisyaryo sa Cagayan de Oro City. Panghuli, nakiisa ang aking opisina sa Elderly Senior Citizen’s Day sa Naval, Biliran, kasama si Mayor Gretchen Espina.

Sa abot ng aking makakaya ay tutulong ako lalo na sa mga kababayan nating mahihirap para mailapit sa kanila ang serbisyo ng gobyerno. Alay ko sa Pilipino ang aking kasipagan sa pagtatrabaho. Bisyo ko ang magserbisyo, at naniniwala ako na ang serbisyo sa tao ay serbisyo sa Diyos.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.