Suportahan ang kabataan sa larangan ng palakasan

ni Bong Go @Bisyo Magserbisyo | Nov. 16, 2024

Bilang isang sports enthusiast, atleta, at chairman ng Senate Committees on Sports at on Youth, buung-buo ang suporta ng inyong Senator Kuya Bong Go sa sports development ng ating bansa, at siyempre sa mga atletang kabataan lalo na sa grassroots level.

Unti-unti na nating nararamdaman ang bunga ng ating mga sports advocacy lalo pa’t nasungkit natin ang ating kauna-unahang Olympic double gold medals sa pamamagitan ni gymnast Carlos Yulo na kampeon sa 2024 Paris Olympics. Noon namang 2020 Tokyo Olympics ay nakuha natin ang first-ever gold medal dahil kay Hidilyn Diaz.

Bukod sa angking galing na ipinamalas ng ating mga atleta, bunga rin ang mga ito ng pakikipagtulungan ng iba’t ibang sektor upang isulong ang sapat na suporta sa ating mga pambansang pambato.

Kaya naman sa ginanap na deliberasyon para sa 2025 budget ng Philippine Sports Commission at ng Games and Amusements Board noong November 12, muli nating ipinaglaban na madagdagan ang kanilang pondo. Bilang main sponsor ng sports budget, binigyang-diin natin na mahalaga ang papel ng dalawang ahensyang ito sa pag-unlad ng ating sports, pagsuporta sa ating mga atleta, sa regulasyon ng mga palaro at sa pagpapalawak ng grassroots sports development.

Para sa 2025, ang panukalang budget ng PSC ay nasa PHP1.34 billion. Ipinaliwanag natin na ang malaking bahagi nito ay gagamitin sa rehabilitasyon at upgrading ng sports facilities, pagsuporta sa ating national athletes at kanilang coaching staff, at sa pagdaraos ng mga palaro sa iba’t ibang sulok ng bansa gaya ng Philippine National Games na ating isinusulong na ma-institutionalize bilang principal sponsor at author ng panukalang kamakailan ay naipasa na sa Senado.

Ngayong 2024 ay isinulong natin ang pagpapaayos sa Rizal Memorial Sports Complex at ng PhilSports Arena. Ito ay bilang tugon sa panawagan ng ating mga Olympians na ang suporta sa kanila ng gobyerno ay hindi lang dapat sa aspetong pinansyal. Importante rin ang kanilang mga equipment, pasilidad, pagkain, moral at mental support sa pangkalahatan.

Tiniyak naman natin na ang PSC ay magkakaroon ng sapat na pondo para sa pagtuklas at pagsasanay ng mga kabataang atletang may potensyal na sumabak sa international competitions at makapag-uwi rin ng karangalan para sa ating bansa.

Sa talakayan para sa pondo ng GAB, napag-usapan ang isyu ng game-fixing partikular sa basketball na malaki ang epekto sa integridad ng laro. Umapela tayo sa GAB na imbestigahan ang mga ito upang matigil na ang mga ganitong ilegal na aktibidad na nakasisira sa imahe ng Philippine sports.

Napakaimportante para sa akin na mapalakas ang kakayahan ng ating mga atleta at matulungan silang maipakita sa buong mundo ang husay ng manlalarong Pilipino. Bukod sa natututo sila ng disiplina at pag-aalaga ng katawan, mahalagang sandata rin ang sports para mailayo ang ating mga kabataan sa masasamang bisyo. Gaya ng madalas kong ipayo sa kanila, “Get into sports, stay away from drugs to keep us healthy and fit.”

Hindi rin tayo tumitigil sa paglalapit ng serbisyo sa ating mga kababayan. Nasa Tarlac tayo noong November 14 at pinangunahan ang pagbibigay ng tulong sa 1,667 mahihirap na residente, na sa ating pakikipagtuwang kay Gov. Susan Yap ay nabigyan din ng tulong pinansyal. Matapos ito ay binisita natin ang Malasakit Center na nasa Tarlac Provincial Hospital. Nagpalugaw rin tayo sa mga pasyente at staff ng ospital at nagbigay ng dagdag na suporta.

Sa naturang araw din, dumalo ang aking tanggapan sa ginaganap na sportsfest sa Mindanao State University-General Santos City. Ang pagdaraos ng palaro ay ating isinulong kasama ang PSC.

Ang mga kababayan naman natin sa Pampanga ang ating binisita kahapon, November 15, at pinangunahan ang pamamahagi ng tulong para sa 1,600 residente ng Angeles City. Sa ating inisyatiba at sa pakikipagtuwang kay Mayor Carmelo Lazatin, nabigyan din sila ng financial support.

Dumiretso rin tayo sa Rafael Lazatin Memorial Medical Center upang mamahagi ng meryenda sa mga pasyente, kanilang kasama at mga healthcare worker.

Ipinadala ko naman ang aking Malasakit Team sa iba’t ibang komunidad para maalalayan ang ating mga kababayan tulad ng mga biktima ng sunog kabilang ang 42 sa Parañaque City; 134 sa Pasay City; 28 sa Cagayan de Oro City; 14 sa Ormoc City, Leyte; at 91 sa Tondo, Manila City.

Napagkalooban ng tulong ang mga mahihirap na residente at naging benepisyaryo ang 156 sa Padre Garcia, Batangas katuwang si BM Melvin Vidal; at 300 sa Carcar City, Cebu kaagapay si Kap. Schubert Veloso. Sa ating inisyatiba ay nakatanggap din sila ng tulong pinansyal mula sa gobyerno.

Sa ating pakikipagkapit-bisig sa DOLE at katuwang si Coun. Marlene Young, nabigyan ang 59 displaced workers sa Iligan City ng pansamantalang trabaho bukod pa ang naipagkaloob ng aking opisina.

Bukod sa scholarship grant na ating isinulong katuwang ang CHED, nag-abot tayo ng dagdag na suporta sa mga estudyanteng scholars kabilang ang 212 sa Malolos City, Bulacan; at 95 sa Calamba City, Laguna.

Binalikan natin at muling tinulungan ang 17 nawalan ng tirahan sa Gingoog City na nakatanggap din ng emergency housing assistance mula sa NHA na ating isinulong para may pambili sila ng materyales sa pagpapaayos ng kanilang nasirang tahanan.

Minsan lang tayong dadaan sa mundong ito. Anumang tulong ang puwede nating ibigay sa kapwa o anumang karangalan ang maaari nating maialay sa bansa ay gawin na natin ngayon dahil hindi na tayo babalik sa mundong ito. Bilang inyong Mr. Malasakit, patuloy akong susuporta sa ating mga atleta, at magseserbisyo sa lahat sa abot ng aking makakaya. Bisyo ko ang magserbisyo, at naniniwala ako na ang serbisyo sa tao ay serbisyo sa Diyos.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Sapat na suporta at pantay na pagkilala sa bawat atletang Pilipino

ni Bong Go @Bisyo Magserbisyo | Nov. 13, 2024

Napakalaki ng aking paghanga sa ating mga para-athlete na karaniwang tinatawag na PWDs o persons with disabilities. Para sa akin, sila ay mas dapat na tawaging “people of determination” dahil sa kanilang angking katatagan sa buhay at kagalingan sa kanilang larangan.

Ito ang ipinaabot ko sa halos isang libong mga atleta na kalahok sa 8th Philippine National Para Games na sinimulan noong November 10 at matatapos sa November 14. Bilang isa sa mga tagapagsalita noong Linggo at bilang chairperson ng Senate Committees on Sports at on Youth, binigyang-diin ko na hindi lang ang husay ng bawat kalahok ang ating hinahangaan kundi maging ang kanilang pagsisikap sa harap ng mga pagsubok — na nagsisilbing inspirasyon para sa lahat.

Ang PNPG na ginaganap sa Rizal Memorial Sports Complex at sa Philsports Complex sa Pasig City ay isang importanteng national competition para sa mga atletang may kapansanan. Nagbibigay-daan ito para maging kinatawan sila ng ating bansa sa international competitions gaya ng ASEAN Para Games at Paralympics.

Naniniwala ako na ang sports ay hindi lamang para sa kumpetisyon, kundi para rin sa ikabubuti ng ating kalusugan at kalidad ng buhay. Lagi kong ipinaaalala sa ating mga kabataan: “Get into sports, stay away from drugs to keep us healthy and fit.”

Buo ang ating suporta sa lahat ng atletang Pilipino kabilang ang ating para-athletes. Tayo ang may-akda at principal sponsor ng Senate Bill No. 2789 na naglalayon na maamyendahan ang RA 10699 para mapataas ang incentives at suporta sa para-athletes sakaling maging ganap na batas.

Sabi ko nga, ang karangalang dala ng ating para-athletes para sa bansa ay katumbas din ng sa elite athletes kaya dapat lang na maiangat ang suporta at pagkilala sa kanila mula sa gobyerno. Layunin din ng SBN 2789 na matiyak na magkakaroon ang lahat ng atleta ng pantay na oportunidad at resources para sa sama-samang pag-angat ng Philippine sports.

Naging instrumento rin tayo para mapagkalooban ng financial support ang ating paralympians. Sa ating pakikipagtuwang sa Philippine Sports Commission (PSC), ang bawat isang kalahok sa nagdaang 2024 Paris Paralympic Games ay nakatanggap ng PhP500,000 na nagamit nila sa kanilang paghahanda sa kumpetisyon.

Principal sponsor at author din tayo ng Senate Bill No. 2514, o ang Philippine National Games bill. Layunin nito na ma-institutionalize ang PNG, kasama na ang PNPG, upang magkaroon ng platform kung saan ang lahat ng atleta sa buong bansa ay mabibigyan ng tsansang makalahok sa pambansang kumpetisyon. Pumasa na ito sa ikatlong pagbasa sa Senado at naghihintay na lang ng lagda ng Pangulo para maging ganap na batas.  

Tayo rin ay author at co-sponsor ng Republic Act No. 11470, na nagtayo sa National Academy of Sports. Isinulong natin ito para sa mga kabataang may potensyal na gustong mag-training habang nag-aaral.

Sa ating mga atleta, kasama ninyo ako sa bawat hakbang upang mas mapalawak pa ang mga oportunidad sa sports para sa lahat ng Pilipino.

Samantala, nasa Davao City tayo noong November 9 at dumalo sa inagurasyon ng Pahulayan Building sa Southern Philippines Medical Center. Nagkaroon din tayo ng palugaw para sa mga pasyente, kanilang mga kasama, at mga health worker sa ospital.

Sinaksihan naman ng aking opisina ang opening ceremony ng Go Mac League sa Sta. Maria, Bulacan, na nasuportahan sa ating pakikipagtuwang sa PSC.  

Noong November 11 ay sinaksihan ng aking opisina ang turnover ng Medical Transport Vehicles sa DOH Central Luzon Center for Health Development sa San Fernando City, Pampanga, gayundin ang opening ceremony ng Zamboanga Peninsula Polytechnic State University Sports Festival na ating sinuportahan kasama ang PSC.  

Kahapon, November 12, isinagawa ang groundbreaking ng itatayong Super Health Center sa Aloran, Misamis Occidental na dinaluhan ng aking tanggapan.

Tuluy-tuloy naman ang aking Malasakit Team sa paghahatid ng tulong sa ating mga kababayan tulad ng 13 biktima ng sunog sa Cebu City na ating tinulungan.

Tumulong din tayo sa 700 residente ng Island Garden City of Samal, Davao del Norte na kapos ang kita. Katuwang naman si Brgy. Kap Susana Chua, natulungan natin ang 270 mahihirap na residente ng Dapa, Siargao Island, Surigao del Norte.

Bukod sa tulong pangkabuhayan mula sa gobyerno na ating isinulong, sinuportahan din natin ang 123 maliliit na negosyante sa Iba, Zambales katuwang si Gov. Jun Ebdane.

Sa Tanauan City, Batangas ay 114 estudyante ang napagkalooban natin ng karagdagang tulong bukod sa scholarships na ating isinulong para sa kanila.

Sa Sta. Maria, Bulacan ay 63 residenteng nawalan ng tirahan dahil sa kalamidad ang nabigyan natin ng suporta, dagdag pa ang tulong pampaayos ng bahay mula sa DHSUD.

Sa ating pakikipagkapit-bisig sa DOLE na nagbigay ng pansamantalang trabaho, naghatid din tayo ng dagdag tulong sa 207 na nawalan ng hanapbuhay sa Pototan, Iloilo kasama si Mayor Adi Lazaro.

Minsan lang tayong daraan sa mundong ito. Anumang tulong ang puwede nating ibigay sa kapwa, o anumang karangalan ang puwede nating ialay sa bansa ay gawin na natin ngayon dahil hindi na tayo babalik sa mundong ito. Bilang inyong Senator Kuya Bong Go, patuloy akong susuporta sa ating mga atleta, at magseserbisyo sa lahat sa abot ng aking makakaya. Bisyo ko ang magserbisyo, at naniniwala ako na ang serbisyo sa tao ay serbisyo sa Diyos.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Tuloy ang laban para sa mas maaasahang PhilHealth benefits para sa lahat

ni Bong Go @Bisyo Magserbisyo | Nov. 9, 2024

Sa kabila ng mga ipinangakong reporma, hindi natin tinitigilan ang pagtutok sa PhilHealth lalo pa ngayong may bilyun-bilyong pisong pondo ito na hindi pa napapakinabangan ng taumbayan.

Sa deliberasyon para sa panukalang 2025 national budget noong Huwebes, mismong ang Department of Finance ang nagsabi na “natutulog” ngayon ang natitirang P30 bilyong sobrang pondo ng PhilHealth na balak ibalik sa National Treasury pero pinigilan ng Supreme Court. Binigyang-diin natin bilang chairman ng Senate Committee on Health at Vice Chairperson ng Senate Finance Committee na dapat mapakinabangan ng mga Pilipino ang bawat pisong pondo ng gobyerno.

Sulit kahit papaano ang ating pangungulit dahil naglabas ng temporary restraining order ang Korte Suprema laban sa patuloy na fund transfer mula PhilHealth papunta sa National Treasury para magamit sa ibang mga bagay. Nanindigan tayo na ang pera ng PhilHealth ay dapat para sa health!

Naiintindihan natin na kailangan ng finance managers ng gobyerno ang lahat ng malilikom na pondo upang magamit nang tama at hindi masayang ang pera ng taumbayan. Ngunit para sa akin, legal man ito, pero morally ay hindi ito katanggap-tanggap! Dapat sa PhilHealth pa lamang ay hindi na natutulog ang kanilang pondo para hindi ito mawalis papuntang National Treasury lalo na’t napakaraming mga Pilipino ang naghihingalo at nangangailangan ng tulong pampagamot.

Sa mga nagdaang pagdinig, marami rin tayong nadiskubreng polisiya ng PhilHealth na anti-poor gaya ng Single Period of Confinement policy na bawal mag-admit sa magkatulad na sakit sa loob ng tatlong buwan. Dahil hindi natin sila tinigilan, tuluyan nang ipinatigil ng PhilHealth ang polisiyang ito.

Naibunyag din natin ang 24-Hour Confinement Rule kung saan kailangang magpa-admit muna ang isang pasyente sa loob ng isang araw bago siya i-cover ng PhilHealth. Nangako naman ang PhilHealth na bago matapos ang taon ay rerepasuhin nila ang polisiyang ito at magkakaroon na sila ng mga package para sa outpatients o mga pasyenteng hindi kailangang i-admit sa ospital.

Umasa kayo na hindi ko titigilan ang PhilHealth hangga’t hindi nila natutupad ang iba pa nilang commitments sa mga Pilipino tulad ng kanilang pangako na taasan ang case rates; palawakin ang benefit packages; babaan ang premium contribution; i-cover ang dental, visual, emergency, out-patient at preventive care; magbigay ng libreng gamot, libreng salamin at wheelchair para sa mahihirap na Pilipino, at iba pa.

Nais kong iparating ang pasasalamat sa aking mga kasamahan sa Senado na sinusuportahan ang ating adhikain na maproteksyunan ang kalusugan ng ating mga kababayan. Hindi naman tayo tumitigil sa paghahatid ng serbisyo at sa iba pa nating mga gawain sa loob at labas ng Senado.

Nakiisa tayo sa ginanap na Liga ng mga Barangay Antique Chapter Provincial Congress sa Bacolod City sa pamamagitan ng video call noong November 6. Binisita rin natin ang ating mga kababayan sa Bulacan at personal na pinangunahan ang pamamahagi ng tulong sa 1,500 mahihirap na residente ng Angat. Sa ating inisyatiba at pakikipagtuwang kay Mayor Jowar Bautista, nakatanggap din ang mga benepisyaryo ng tulong pinansyal. Dumalo rin tayo sa reunion dinner para sa ika-108 anibersaryo ng Senado na pinangunahan ni Senate President Chiz Escudero.

Nasa Catanduanes tayo noong November 7 at pinangunahan ang pagbibigay ng tulong sa 1,500 mahihirap na residente sa Virac, na may natanggap ding 25 kilo ng bigas sa ating pakikipagtuwang kay Gov. Joseph Cua. Binisita rin natin ang Malasakit Center sa Eastern Bicol Medical Center, at namigay ng lugaw sa mga pasyente, watchers at kanilang mga kasama, maging sa healthcare workers ng ospital.

Sa araw ding iyon, sinaksihan ng aking opisina ang inagurasyon ng itinayong Super Health Center sa Panganiban, Catanduanes kung saan nagbigay din kami ng suporta tulad ng foodpacks sa mga BHWs na nandoon. Tayo rin ay nagpapasalamat dahil kinilala tayong adopted son ng bayan.

Kahapon, November 8, isinagawa naman ang groundbreaking ng itatayong kalsada sa Brgy. San Roque, Madrid, Surigao del Sur na ating isinulong kasama si Mayor Juan Paolo Lopez.

Tuluy-tuloy din ang aking Malasakit Team sa paghahatid ng tulong sa ating mga kababayan tulad ng dalawang biktima ng sunog sa Davao City; gayundin ang 54 sa Iloilo City; at 14 sa Tigbauan, Iloilo.

Nabigyan din ng tulong ang 300 residente ng Sebaste, Antique sa ikinasang medical and dental mission katuwang si Vice Gov. Ed Denosta.

Namahagi tayo ng relief goods para sa mga binagyo sa Camarines Norte, Catanduanes, Cagayan, at sa Banate, Iloilo.

Natulungan natin ang 323 kapos ang kita sa Sto. Tomas, Davao del Norte katuwang si Mayor Roland Dejesica. Tulong pangkabuhayan naman ang naipagkaloob natin sa 23 mahihirap sa Quezon City katuwang si Coun. Mikey Belmonte.

Binalikan natin at muling tinulungan ang 96 na nawalan ng tirahan sanhi ng sunog sa Iloilo City na nabigyan pa ng emergency housing allowance ng NHA na ating isinulong para may pambili ang mga benepisyaryo ng materyales sa pagpapatayong muli ng kanilang tahanan. Bukod d’yan ay may 34 pamilyang nasunugan sa Zamboanga City ang ating natulungan.  

Naalalayan din ang 96 biktima ng kalamidad sa San Andres, Romblon, na sa ating pakikipagtuwang sa DHSUD ay nakatanggap ng tulong pinansyal na pampaayos ng bahay.

Sa pakikipagkapit-bisig sa DOLE ay nabigyan ng pansamantalang trabaho ang mga displaced workers, na dagdag sa tulong na ating ipinamahagi sa 584 manggagawa sa Banaybanay, Davao Oriental katuwang si Mayor Ian Larcia; 118 sa San Pablo City, Laguna kaagapay si VG Karen Agapay; 50 sa Nasugbu, Batangas kasama si BM Armie Bausas; 98 sa Paniqui, Tarlac katuwang ang Market Vendors President na si Renato Fernandez; 920 sa San Enrique, Iloilo katuwang si Mayor Trixie Fernandez; 98 sa Culion, Palawan kaagapay si Mayor Virginia De Vera; at 500 sa Alabel, Sarangani kasama si Mayor Vic Paul Salarda.

Nakabenepisyo rin sa Misamis Oriental ang 132 sa Initao kaagapay sina Mayor Mercy Grace Acain at BM Pangky Acain; at 277 sa Gitagum, Alubijid at Tagoloan katuwang sina Mayor Emmanuel Mugot, Mayor Emmanuel Jamis, at Mayor Nadia Emano-Elipe; at 283 pa sa Lugait, Manticao at Naawan katuwang sina Mayor Wellie Lim, Mayor Stephen Tan, at Mayor Dennis Roa.

Hindi ko sasayangin ang pagkakataon na ibinigay ninyo sa akin na makapaglingkod sa inyo. Buong tapang at pagmamalasakit kong ipaglalaban ang tama at tutulong ako sa abot ng aking makakaya, dahil bisyo ko na ang magserbisyo at naniniwala ako na ang serbisyo sa tao ay serbisyo sa Diyos.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.