California, mala-eksenang Inferno na nasusunog

ni Ka Ambo @Bistado | Jan. 13, 2025

Aktuwal na nasusunog ang malaking bahagi ng California.

Inilalarawan ang eksena bilang INFERNO.

-----$$$--

Nagliliparan ang libu-libong aerial drones sa Ukraine at Russia.

Maikukumpara ito sa pagdilim ng kalangitan sa pananalasa ng mga balang at insekto.

-----$$$--

Ang eksena ng mala-impiyernong sunog sa California at nagliliparang drones sa Russia at Ukraine ay nauna nang inilarawan sa Apocalipsis sa Bibliya.

Nakita ito sa pangitain bilang signos sa Armageddon.

----$$$--

DATI-RATI ay pinagtatawanan ang mga pangitain at babala sa Apocalipsis dahil tila imposible ito sa sinaunang panahon.

Sa biblical times, paano nga naman masusunog ang mga bundok gayong nababalutan ito ng mga puno?

-----$$$--

PAANO magliliparan ang mga balang at insekto sa kalangitan gayong walang dahilan para ito maganap?

Hindi na ngayon, malinaw na malinaw na nauna nang nakita ang libu-libong aerial drones at nasusunog na mga bundok sa panahon ng Bibliya.

-----$$$--

HINDI puwedeng banggitin kahit ni Nostradamus ang aerial drones dahil wala namang eroplano noon!Hindi rin niya puwedeng ipaliwanag kung bakit masusunog ang mga bundok.

-----$$$--

ANG Russia at Ukraine ay may kakayahang sunugin ang mga bundok gamit ang phosphorus na siyang bagong armas sa giyera gamit ang drones.

Iyan na mismo!

----$$$--

BINALAAN na ang Australia na posibleng maranasan ang nagaganap sa California.

Mas may panganib sa Australia dahil higit sa kalahati ng teritoryo ay natatabunan ng natutuyot na damo at mga kagubatan.

-----$$$--

UHAW na uhaw sa tubig ang tigang na lupa sa Australia — at ang init nito ay nag-aantay lamang ng konting liyab bago maging impiyerno.

Ang El Nino ay hindi lamang ang panganib ng kawalan ng ulan, bagkus ito ay panganib din ng hindi mapipigil na apoy.

-----$$$--

NAGSISIMULA pa lamang maramdaman ang mga babala sa Apocalipsis at bigo ang tao na maunawaan at mapigil ito.

Marami ang nagtanong: Bakit hindi maiporma ang artificial rain sa mga lugar na apektado ng El Nino?

-----$$$--

MALI ang padron na ipinatutupad.

Hindi nauunawaan ng mga eksperto ang sitwasyon.

-----$$$--

NAKATUON kasi ang mga eksperto sa “kawalan ng ulan”, imbes sa banta ng sobrang alinsangan sa hangin.

Magkaiba ang konteksto ng dalawang sitwasyon.

Siyempre, mali ang solusyon.

-----$$$---

SINASAYANG ang national budget at sovereign loan sa walang kapararakang gugulin.

Sa panahon ng tag-ulan, dapat ay paghandaan ang tag-init o tagtuyot.

Simulan agad kung paano maibubuwelo ang artificial rain bilang gamot o lunas sa matinding init.

-----$$$--

SIKAPING alisin ang salinity ng tubig ng dagat — at ito ay gamiting pandilig sa kagubatan (habang walang sunog) — hindi pampuksa sa sunog kung kailan nananalasa

na ito.

Masisira ang kalidad ng lupa kapag dinilig ng tubig-alat.

-----$$$--

IBIG sabihin, ang kumbersiyon ng tubig-dagat tungo sa “maiinom na tubig” o tubig–tabang — ay hindi lamang solusyon sa kakapusan ng “potable water”.

Bagkus ang paggamit ng tubig-dagat bilang pandilig at pang-inom ay isang dambuhalang achievement ng isang bansa — gaya ng Pilipinas.

----$$$--

NAGLAAN ba ng budget para magamit ang tubig-dagat bilang reserbang tubig na maiinom, pandilig sa mga bundok at pamatay sunog?

‘Yan na mismo ang ating hinaharap.

Hindi na maiiwasan ‘yan!

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Tapat kay PBBM, parang pusa, naaamoy ang panganib

ni Ka Ambo @Bistado | Jan. 11, 2025

Nakatutok pa rin ang lahat sa intrigahan nina PBBM at pamilya Duterte.

Hindi maawat ang patutsadahan.

-----$$$--

Nakikisawsaw na rin ang mga “marites”.

Aba’y ang tsismis, may lihim na maniobra na mapasok ang inner circle ni Junior.

He-he-he!

----$$$--

Pero, matalas ang pakiramdam ng mga nagmamahal nang tapat kay PBBM.

Naaamoy nila ang panganib.

Parang pusa.

Ha! Ha! Ha!

-----$$$--

NAKATUON ang mga nagmamasid sa mga ikinikilos ng mga aninong gumagalaw sa tanggapan ng SAP.

Nagtataka kasi ang mga intrigera kung bakit inilalapit nang lihim kay PBBM ang isang hinihinalang dawit sa smuggling at POGO.

Eh, sino kaya ang may pautot?

-----$$$--

INIINTRIGA ngayon ay kung sinong importante ang nagbitbit sa isang “Mr. T” sa pagbisita ni PBBM sa Davao del Norte kamakailan.

Iyan ngayon ang pinagpipiyestahan ng mga marites sa paligid ng Palasyo.

-----$$$--

UMIGKAS ang kilay ng mga dumalo sa naturang event na sinasabing “strictly for incumbent officials”.

At naku, nagkaroon ng exemption!

Ngek!

-----$$$--

NAKALIGTAS sa mapanuring mata ng cordon sanitaire ang pagtatangka na ilarawan ang Pangulo na nakikisalamuha sa mga kontrobersiyal na personalidad.

‘Yun lang naman ang motibo at malasakit ng mga nang-iintriga — iligtas si PBBM mula sa buwelta ng kanyang mga kalaban sa pulitika.

----$$$--

NABABAHALA tuloy ang mga tunay na nagmamalasakit sa mga Marcos sa posibleng sabotahe.

Delikado na mataniman ng “masamang damo” ang bakuran ng Malacanang.

---$$$--

ANG iniintrigang si “Mr. T” ay sinasabing malapit sa kampo ng mga Duterte.

May tsismis na kasosyo sa mga negosyo nito ang mga ayudante ng dating pangulo.

Weh, ‘di nga?

-----$$$--

MARAMI ang nagtatanong: May posibilidad bang makapasok pa uli ang “Davao” nang lihim sa kampo ng mga Marcos?

Totoo kaya na si “Mr. T” ay kasali na rin sa PFP?

Nagtatanong lang naman.

----$$$--

May protocol ba na ipinatutupad kung paano iingatan si PBBM mula sa impluwensiya ng mga kontrobersiyal na personalidad?

ALAM kaya ito ni FL?

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Kaaway ni VP Sara, hindi si PBBM, hulaan n’yo!

ni Ka Ambo @Bistado | Jan. 10, 2025

Nagkakainitan na ang away nina PBBM at VP Sara.

Hindi na biro.

-----$$$--

Sa totoo lang, hindi naman talaga si PBBM ang kaaway ni VP Sara.

Hulaan ninyo kung sino?

----$$$--

AMININ man o hindi, naggigirian para sa 2028 presidential election.

Para hindi kayo maligaw o magoyo at maunawaan ninyo ang mga nagaganap, iayos ninyo ang “konteksto” sa mga impormasyon na natanggap ninyo.

----$$$--

MALINAW na maniobrang pulitika ang lahat.

Ibig sabihin, ang “kaso-kaso” o “isyu-isyu” ay walang talab — hindi iyan ang “sustansya” ng mga balita.

----$$$---

SA totoo lang, kung tayo ang tatanungin kung ano ang depinisyon ng “fake news” ay masasabi nating 95 percent ng political news — ay “palsipikado”.

Ang mga palsipikadong impormasyon at “ipinormang teksto at konteksto” — ay nagmumula sa inyong pinakamamahal na mainstream media.

----$$$--

NEGOSYO rin kasi ang media — at hindi maiiwasan na mapasukan ito ng “propaganda”.

Opo, ang palsipikadong teksto at konteksto ay angkop na ilarawan na propaganda.

-----$$$--

NALULUGI at nalilipasan ng kamandag ang media — dahil sa iba’t ibang anyo ng propaganda.

Gumagrabe ito sa panahon ng girian sa pulitika.

----$$$--

ANG mainstream media at ang akademya ay bigo na suriin, ayusin at ipaliwanag ito.

Ito ay dahil ang mga padron na ginagamit — o modelo na yinayakap ay nalipasan na ng uso — kapwa ng mga sinasabing batikang editor at beteranong academician.

----$$$--

ANG kabiguan na makasabay sa mabilis na nagbabagong anyo ng henerasyon at teknolohiya, ang siyang tunay na ugat ng maselang krisis na ito sa multi-media.

Tila nilamon na ng kanser sa lipunan ang media at walang nagtatangka na ayusin ito.

----$$$--

NAGYAYABANG at umaastang bihasa ang ilan, gayung wala silang sapat na “karanasan” o epektibong padron para sa repormasyon ng media industry.

Hindi lang ang ordinaryong obrero o manggagawa, bagkus ay maging ang mga kapitalista — may-ari at publisher — ay kaawa-awang biktima ng nagbabagong henerasyon.

-----$$$--

ANG mga karanasan na karaniwang batayan ng pag-unlad o progreso — ay hindi sapat na pundasyon sa repormasyon — dahil walang kakayahan ang sinuman na unawain ang modernong sibilisasyon na ating ginagalawan.

Isang halimbawa rito ay ang pananalasa o pagsakop ng artificial intelligence sa lahat ng sektor.

----$$$--

SA ayaw o sa gusto mo, maaalipin na ang buong mundo at lipunang ginagalawan natin ng mga “robot” o ang malawakang paggamit ng AI.

Nauunawaan mo ba ang tunay na implikasyon ng AI — bukod sa aktuwal na teksto, konteksto na nasilip mo sa ChatGPT at Google?

Ang lantay na kahulugan ng isang kataga ay hindi sapat na ipaliwanag gamit lamang ang “kapwa kataga”.

‘Yan ang napakapait na katotohanan!

May nakakaunawa kaya?

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.