50 taon ng Kabataang Barangay: Mula Marcos Sr. hanggang Marcos Jr.

ni Ka Ambo @Bistado | Apr. 11, 2025

Ika-50 anibersaryo ng Kabataang Barangay sa Abril 15, 2025.

Nineteen seventy five nang lagdaan ni dating Pangulong Ferdinand Endralin Marcos Sr. ang Presidential Decree No. 684.

Happy anniversary sa mga kapwa nating KB officers, KB officials at KB member — kasama na ang school chapters!

 ----$$$--

Isa ang inyong abang-lingkod na nagsilbing KB chairman sa loob ng 10 taong singkad mula 1975 hanggang 1985.

Pinalitan ang pangalan ng KB tungo sa Sangguniang Kabataan (SK) noong 1986 — sa pag-upo ni Tita Cory.

----$$$--

Kabilang din tayo sa naging pangulo ng Pederasyon ng mga KB chairman sa bayan ng Balagtas, Bulacan kung saan nagsisilbi ring konsehal ng bayan dahil ikinakatawan ang youth sector.

Ilan sa mga kilalang dating KB Federation president sina Defense Secretary Gibo Teodoro (ex-KB Provincial president ng Tarlac at Region 3, president) kung saan tayo nabibilang noong 1980.

-----$$$--

DATING KB Federation president din si Sen. Francis Tolentino (Tagaytay/Cavite), Agrarian Secretary Conrado Estrella JR (Cagayan) at dating Sen. Leila de Lima (Iriga City).

-----$$$--

KABILANG din sa dating KB president si dating Quezon City Mayor Herbert Bautista, Father Albert Alejo, SJ (Obando, Bulacan) at ex-Congressman Egay Erice (Caloocan).

Hindi na natin mababanggit ang iba pero kabilang dito ang ilang nakaupong gobernador, vice governor, mayor at dating bokal, konsehal at mga hepe ng ahensya ng gobyerno.

----$$$--

ANG leadership training ng KB ay ginaganap noon sa  Mt. Makiling, Los Baños, Laguna at unang dumalo rito ang ating incumbent President Ferdinand Romualdez Marcos, Jr. noong 1975 bilang panauhing pandangal kasama ang kanyang ama.

Gayunman, sa mga kasunod na okasyon ay pinalitan na ni Sen. Imee Marcos na nagsilbing honorary chairman ng national federation at hepe ng KBNEC kasangga si dating MIA manager Eric Ines kung saan ang unang national federation president naman ay si Bambie Tensuan ng Muntinlupa.

-----$$$---

NAGING panauhing pandangal si Sen. Imee sa selebrasyon ng Balagtas Day sa Balagtas, Bulacan noong Abril 2, 1977 kung saan ang inyong abang-lingkod ang nangasiwa ng pagtanggap.

Kinabukasan, dumalo naman siya kasama rin tayo noong Abril 3 sa isang okasyon sa Obando, Bulacan na inorganisa ni KB Federation president Fr. Alejo.

-----$$$--

MARAMING alaala tayo sa panahon ng KB sa loob ng 10 taon dahil sa serye ng seminar-workshop ng leadership training at Filipino ideology.

Nakatakda ang Golden Grand Reunion ng KB sa Cebu City sa Abril 14-16, 2025 at inaanyayahan ang mga dating opisyal na dumalo.

----$$$--

SA Maynila, may aktibidad ng mahabang motorcade mula Luneta hanggang Makiling sa araw ng Linggo, Abril 13 — makipag-ugnayan sa host-federation ng KB Manila.

Sa Region 3, inaanyayahan ni former KB Regional Secretariat chief Bebot Diaz ang mga dating KB president ng Central Luzon sa Sabado, Abril 12, sa Barangay Care, Tarlac City — libre at walang registration fee.

Inaasahan natin ang masigabong pagdaraos ng 50th KB Grand Anniversary celebration kasabay ng Semana Santa.

Mabuhay po, KBGan! Makialam, Makialam!

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Kakambal ng kasaysayan ng ‘Pinas, talamak na korupsiyon

ni Ka Ambo @Bistado | Apr. 9, 2025

Na-promote si General Torre.

Isa kasi siyang “grandmaster”.

----$$$--

PABOR sa mga incumbent executives ang proseso ng eleksyon sa Pilipinas.

Iyan mismo ang ugat ng korupsiyon.

----$$$--

Bakit walang incumbent na nagtatalumpati na lalabanan niya ang korupsiyon?Dahil mistulang sinuntok niya ang kanyang sarili.

He-he-he!

----$$$--

SA totoo lang, hindi naman natin maloloko ang mga botante dahil alam naman nila na “ninakaw” lang talaga ang mga ayuda sa legal na diskarte.

Kumbaga, nakikiparte lang sila sa “dambong”.

Ha! Ha! Ha!

----$$$--

LUMILITAW lang ang problema, kapag ibinoboto ng mga botante ang “alam na alam” nilang mararambong sa city hall at munisipyo.

Dapat nating maunawaan na ang kawani ng city hall at munisipyo — ay tagabarangay din.

Sila mismo ang nagtsitsismis ng pandarambong.

----$$$--

KAPAG natanggal sa puwesto ang mandarambong, tanggal din ang mga 15-30.

Papalitan naman sila ng panibagong mandarambong at siyempre, panibagong amuyong. Paulit-ulit lang.

Pero, pasensya na kayo — ‘yan mismo ang “demokrasya” — malayang magnakaw sa kaban ng bayan.

----$$$--

GAGAWA ba ng batas ang mga kongresista at senador na ipagbabawal ang iskema ng “pork barrel”?

Ang pork barrel ay hindi isang klase ng pondo o badyet, ito ay “iskema” o “modus” na suportado ng mga ginawang batas mismo ng mga “mandarambong”.

----$$$--

ANG depinisyon ng “mandarambong” ay hindi nakasandal sa legalidad, bagkus ito ay mas nakapundasyon sa paglabag sa moralidad at divine law o Ten Commandments.

Ang paglabag sa Ten Commandments ay nagiging lehitimo at moral batay sa lipunang nakamihasnan.

----$$$--

ISANG halimbawa nito ay ang pag-aasawa ng iisang beses lang, pero sa praktis ng ilang relihiyon o ilang kultura — lehitimo at moral na mag-asawa ng higit sa isa.

Pero, iyan ay tungkol sa pag-aasawa, subalit ang pag-iimbot ng hindi mo pag-aari ay isang kasalanan sa mata ng Diyos at mata ng tao — iyan ay illegal.

 ----$$$--

GAYUNMAN, ang katagang “illegal” ay may malawak na kahulugan o “broad term”.

Kailangan pang gumawa ng espesipikong regulasyon o batas upang matukoy — kung anong espesipikong aktibidad — ang maituturing na “pagnanakaw o pandarambong”.

----$$$--

ANG modus o iskemang pork barrel ay lehitimo sa Pilipinas dahil binibigyan ng “executive power” ang legislative officials — kahit ang kanyang trabaho ay gumawa lamang ng batas.

Anumang badyet o pondo na may “discretion” ang isang mambabatas — senador, kongresista, bokal, konsehal o kagawad ay legal pero ito ay “immoral” sa esensiya ng probisyon at paglabag sa Konstitusyon.

----$$$--

ANG Konstitusyon ang mismong nilalabag kapag ang lehislatura ay binibigyan ng executive power.

Duplikasyon ‘yan ng trabaho at responsibilidad ng mga ehekutibo.

----$$$--

HINDI na mabago ang imoralidad sa gobyerno dahil ang inaasahang gagawa ng batas ay hindi nauunawaan ang kanyang trabaho.

Maging ang Korte Suprema ay bigo na proteksyunan ang Konstitusyon at ordinaryong mamamayan dahil nagkakasya lamang ang kanilang interpretasyon sa umiiral na mga batas — at hindi sa “ideya, ispekulasyon o dakdak” tulad ng ating ginagawa.

----$$$--

KAKAMBAL ng kasaysayan ng Republika ng Pilipinas at maging ng ibang demokratikong gobyerno sa ibang bansa — ang talamak na korupsiyon.

Kumbaga, hindi tayo nag-iisa at hindi ito ngayon lang nagaganap, bagkus ay matagal na.

----$$$--

MAGING ang mga komunistang gobyerno gaya ng China o ang sosyalistang rehimen tulad ng Russia ay batbat din ng korupsiyon.

‘Yun nga lang, mabilis ang hustisya sa mga naturang bansa — kung hindi ikinakalaboso agad -- ang mga mandarambong ay ipina-firing squad sa plaza.

Sa Pilipinas? Paulit-ulit na nahalal at ang poder at pandarambong ay ipinamana pa sa mga apo at kaapu-apuhan!

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Confidential fund, puwede bang isapubliko?

ni Ka Ambo @Bistado | Apr. 8, 2025

May nagtatanong, tama lang ba na imbestigahan sa publiko ang isang “confidential fund”?

Ang sagot dito ay nakabatay sa depinisyon kung ano ang ibig sabihin ng “confidential?

----$$$--

ETO ang sagot ng ms EDGE co-pilot: “The word ‘confidential’ refers to something that is meant to be kept private or secret, and not shared with unauthorized people. It’s often used to describe sensitive information, documents, or discussions that require discretion or restricted access for security, privacy, or trust purposes. For example, personal data, legal documents, or classified government files are often labeled as ‘confidential’.”

-----$$$---

IPA-TAGALOG natin:“Ang salitang ‘confidential’ ay nangangahulugang isang bagay na kailangang manatiling pribado o lihim, at hindi dapat ibahagi sa mga hindi awtorisadong tao. Karaniwang ginagamit ito upang ilarawan ang mga sensitibong impormasyon, dokumento, o usapan na nangangailangan ng pagiging maingat o limitadong access para sa seguridad, pagkapribado, o tiwala.”

Kayo na lang ang umunawa at sumagot kung tama bang isapubliko ang “confidential fund”.

Kapag isinapubliko ang isang “confidential”, mayroon bang batas o moralidad na nilalabag?

Naririyan ang aktuwal na argumento at konteksto ng isyu  at hindi sa “teksto” o content nito.

-----$$$--

SA ngayon ang pinag-uusapan ay ang teksto o nilalaman ng “confidential fund record” — pero iyan ay dapat sinusuri batay sa konteksto ng sitwasyon.

Iyan ay isang mahalagang argumento at diskusyon sa nakatakdang impeachment trial laban kay VP Sara.

----$$$--

AT ano ang pagkakaiba ng impeachment trial kina Pareng Erap, ex-Chief Justice Renato Corona at VP Sara?

Ang mga sinuri ay karaniwang public records sa kaso nina Erap at Corona partikular ang SALN.

Pero sa kaso ni VP Sara, confidential records ang sinuri at may epekto ito sa seguridad ng bansa — dahil ang ilan dito ay ginastos laban sa mga sa pinaniniwalaang “kaaway” ng Republika ng Pilipinas.

---$$$--

ISA ring maselang termino sa depinisyon ng “confidential’ ay ang “discretion”.

Ano ba ang discretion?

----$$$--

ERE ang depinisyon ng discretion: It refers to the ability to make responsible decisions or judgments, especially in sensitive situations. It involves using one’s good judgment to act wisely, maintain confidentiality, or avoid causing harm. Discretion is often associated with tact, prudence, and careful consideration of circumstances before taking action or speaking. For example, showing discretion might mean choosing not to share someone’s personal information without their consent or handling delicate matters with thoughtfulness and care. It’s a valuable trait that reflects maturity and respect for others.

-----$$$--

NARITO ang katumbas sa Tagalog: Ang discretion ay tumutukoy sa kakayahang gumawa ng responsableng desisyon o hatol, lalo na sa mga sensitibong sitwasyon. Kasama rito ang paggamit ng mabuting pag-iisip upang kumilos nang maingat, magpanatili ng pagiging kompidensiyal, o umiwas sa paglikha ng pinsala. Kaugnay ito ng pagiging maingat, maingat na pagsusuri, at pag-unawa sa mga kalagayan bago kumilos o magsalita.

Halimbawa, ang pagpapakita ng discretion ay maaaring mangahulugan ng pagpili na huwag ibahagi ang personal na impormasyon ng iba nang walang pahintulot o paghawak sa maseselang usapin nang may maalalahanin at maingat na paraan.

-----$$$--

SIMPLENG sentido kumon ay madaling maunawaan kung dapat pang ipropaganda sa media ang isyu hinggil sa confidential fund.

Hindi na tayo magbibigay ng anumang paliwanag sa isyu upang makaiwas tayo sa emosyon o personal na opinyon.

Ang inilahad natin — ay napakateknikal at walang halong pagkampi o pagpanig.

Makatulong sana ito upang makapagsuri ang ordinaryong tao at maging ang mga ekspertu-ekspertuhan nating mga kababayan.

'''''''Maraming salamat.

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.