Miss Vietnam, itinanghal na Miss Grand International 2021

ni Jasmin Joy Evangelista | December 5, 2021

Itinanghal na Miss Grand International 2021 ang pambato ng Vietnam na si Nguyen Thuc Thuy Tien.

Ang event ay ginanap sa Thailand nitong Sabado nang gabi.

Bago itanghal na Miss Grand International, nagkaroon muna sila ng tie-breaker question ni Miss Grand Ecuador.

Nang tanungin kung bakit siya ang dapat tanghaling Miss Grand International, “I’m ready to win. I’m ready to be in Thailand for a year.”

Itinanghal naman bilang first runner up si Miss Grand Ecuador, second runner up ang Brazil, third runner up ang Puerto Rico at fourth runner up ang South Africa.

Wagi si Miss Grand Thailand sa evening gown, habang sina Miss Malaysia, Miss Grand Peru at Miss Grand Angola ang nakasungkit sa national costume at Miss Grand Puerto Rico ang nakakuha ng best in swimsuit at si Miss Cambodia naman ang nakakuha ng most popular vote award.

Samantala, bigo na makapasok sa Top 20 ang pambato ng Pilipinas na si Samantha Panlilio, kasama ang 30 iba pang kandidato sa finals night ng Miss Grand International na ginanap sa Bangkok, Thailand.

Bago pa ito matanggal ay pasok pa ito sa Top 10 best in national costume at Top 5 sa best in swimsuit sa pamamagitan ng popular vote.

Kung nanalo si Samantha, siya sana ang kauna-unahang Pinay na mag-uuwi ng Miss Grand International crown.

Indonesia, hindi magpapadala ng pambato sa Miss Universe 2021

ni Jasmin Joy Evangelista | December 3, 2021

Inanunsiyo ng Puteri Indonesia Foundation na hindi sila magpapadala ng representative sa Miss Universe ngayong taon.

Sa statement na inilabas nito sa kanilang Instagram account, sinabi ng foundation na ang desisyon ay dahil sa kakulangan sa preparasyon at local COVID-19 restrictions.

Gayunman, kasalukuyan pa rin silang nagsasagawa ng selection process sa ilang probinsiya sa Indonesia.

“We look forward to participating again in next year’s edition of the Miss Universe Pageant," pahayag nila.

“The Puteri Indonesia Foundation wishes the 70th Miss Universe Competition and all the delegates great success. May the best candidate win the coveted title, and continue to inspire all women in their communities," dagdag pa nito.

Miss Universe France 2021, nagpositibo sa COVID-19

ni Jasmin Joy Evangelista | December 1, 2021

Nagpositibo sa COVID-19 si Miss Universe France 2021 Clemence Botino.

Halos dalawang linggo bago ang coronation night, nag-post ang beauty queen sa kanyang Instagram upang ipaalam ang nakalulungkot na balita.

"This morning they called to say that I was positive," Botino wrote. "I was shocked and sad, it is truly hard."

"I've been crying all day," pahayag ni Botino.

Ang unang bagay daw na kanyang ginawa matapos malaman ang pagpopositibo sa COVID-19 ay ang tawagan ang kanyang pamilya at ipaalam ang kanyang sitwasyon.

"It is not easy to deal with all of that while being far from home...But MUO [Miss Universe Organization] is here to help and to take care of me. I'm really tired, so I will take care of myself. I will stay lockdown during 10 days ten I will be tested again,” dagdag niya.

Siniguro naman ng pambato ng France na patuloy siyang magbabahagi ng updates hinggil sa kanyang sitwasyon, at nagpaalala na mag-ingat ang lahat dahil nananatiling nariyan ang virus.

Sinabi naman ng Miss Universe Organization nan aka-isolate na ang mga nakasama ni Botino.

Matatandaang nauna nang lumabas ang balita na mayroong nagpositibo sa mga kandidata pagdating ng Israel ngunit hindi ito pinangalanan.

Ang grand coronation night ay gaganapin sa December 12 sa Red Sea resort of Eilat sa Israel.