Miss World finals, kanselado

ni Jasmin Joy Evangelista | December 17, 2021

Kanselado ang Miss World 2021 finals sa Puerto Rico na nakatakda ngayong umaga ng Biyernes, Disyembre 17, oras sa Pilipinas.

Ito ay inanunsiyo ng Miss World 2021 organizers dahil umano sa "health and safety interest of contestants, staff, crew and general public."

"After meeting with the virologists and medical experts hired to oversee the Miss World 2021 event and discussing with the Puerto Rico Health Department, the decision has been made by the organizers of the event to postpone the globally broadcast finale at the Puerto Rico Coliseum Jose Miguel Agrelot to be held within the next 90 days," pahayag ng organizers sa isang statement.

"As of yesterday, additional safety measures were implemented in the best interest of the contestants, production team and spectators, understanding the event increased risks on the stage and in the dressing room. However, after additional positive cases were confirmed this morning after consulting with health officials and experts, the postponement decision was made," dagdag pa nito.

Inirekomenda ng medical experts ang agarang pag-quarantine at pagsasailalim sa testing ng mga staff at kandidata ng naturang event.

Kailangan umanong ma-clear ng health officials ang bawat kandidata bago sila payagang umuwi sa kani-kanilang bansa.

“We are very much looking forward to the return of our contestants, (who we have grown to know and love), to compete for the Miss World crown,” ani Julia Morley, CEO ng Miss World Ltd. Puerto Rico offers a safe environment and a spectacular backdrop for filming the Miss World Festival!”

Bago ang desisyon, ilang kandidata ang napabalitang nahawa ng coronavirus disease (COVID-19) kabilang ang delegada ng Indonesia na inisyal na inanunsyong hindi mapapabilang sa finals night.

Tiniyak naman ng organizers na itutuloy pa rin ang naturang kompetisyon subalit mangyayari ito sa susunod pang tatlong buwan.

Samantala, siniguro naman ng organizers ng Miss World Philippines na ligtas at negative sa COVID-19 ang pambato ng Pilipinas na si Tracy Maureen Perez.

Miss India, kinoronahan bilang Miss Universe 2021

ni Jasmin Joy Evangelista | December 13, 2021

Kinoronahan bilang Miss Universe 2021 si Miss India Harnaaz Sandhu.

Nangningning si Sandhu sa 80 kandidata sa ginanap na final night ng pageant na ginanap sa Eilat, Israel, nitong Lunes nang umaga (Philippine time).

Itinanghal na 1st runner-up si Miss Paraguay habang si Miss South Africa placed as the 2nd runner-up.

Ang pambato ng Pilipinas na si Beatrice Luigi Gomez ay nakapasok naman sa Top 5 finalists.

Sa final question, ang mga finalists ay tinanong kung ano ang kanilang maipapayo sa mga batang kababaihan sa pagharap sa iba’t ibang pressures na kanilang kinahaharap sa panahong ito.

Ang winning answer ni Miss India ay:

Well I think the biggest pressure the youth of today is facing is to believe in themselves to know that you are unique and that’s what makes you beautiful. Stop comparing yourselves with others and let’s talk about more important things happening worldwide. Come out and speak for yourself because you are the leader of your life. You are the voice of your own. I believed in myself and that’s why I’m standing here today.

Congratulations, Miss India for a well-deserved win!

Pambato ng Pilipinas sa Miss Universe na si Beatrice Luigi Gomez, bigong makuha ang korona

ni Jasmin Joy Evangelista | December 13, 2021

Bigo ang pambato ng Pilipinas sa Miss Universe na si Beatrice Luigi Gomez na maiuwi ang korona matapos na hindi na makaabante sa Top 3 finalists.

Nakapasok sa Top 5 si Gomez kasama sina Miss Universe India, South Africa, Paraguay, at Colombia.

Sa Q&A portion ng Top 5, tinanong kay Miss Universe Philippines 2021 kung ano ang kanyang opinyon hinggil sa mandating universal vaccine passports.

Sagot ni Gomez:

“I believe that public health is everyone’s responsibility and to mandate vaccine and occulation is necessary.

And if mandating vaccine passport would help us in regulating and the roll outs of vaccine and mitigate the situation of the pandemic today then I would agree on mandating the necessary passport of vaccination.”

Ang Top 3 finalists ay mula sa South Africa, Paraguay, at India.

Si Beatrice na mula sa Cebu ay gumawa ng history noong Setyembre matapos maging first openly out member ng LGBTQIA+ community na nagwagi ng Miss Universe Philippines crown.

Hindi man naiuwi ang korona ay masaya pa rin ang supporters at kapwa-Pinoy ni Beatrice dahil sa pinamalas nitong talento at puso para sa bansang Pilipinas.

We are proud of you, Beatrice!