After maibasura ang prangkisa ng Dos…RICHARD YAP, NASA GMA-7 NA AGAD!

ni Reggee Bonoan - @Sheet Matters | July 12, 2020

“Walang network contract si Richard (Yap) sa ABS-CBN kaya puwede siyang mag-guest sa ibang TV network,” ito ang sabi ng manager ng aktor na si Kate Valenzuela ng Kreativden.

Tinanong kasi namin kung totoo ang tsikang lilipat na ng GMA-7 si Richard dahil nag-guest siya sa Bawal ang Judgmental segment ng Eat… Bulaga!.

“With all due respect sa ABS-CBN at kahit walang kontrata si Richard, personal siyang nanghingi ng blessing kina CLK (Carlo L. Katigbak), CVV (Cory V. Vidanes) at DTE (Deo T. Endrinal) para mag-guest.

“The episode was taped last Wednesday (July 8) before ang hatol ng Congress sa ABS-CBN franchise,” paliwanag ng manager ng aktor.

Inulit namin kung lilipat na ba ng GMA-7 ang aktor?

“As of now, walang offer, pero kung mayroon, why not? Wala naman kaming kontrata. May blessing naman kami from ABS-CBN.”

Samantala, kinlaro rin ng manager niya na, “Never naging Star Magic talent si Richard.”

Co-management daw ng ABS-CBN si Richard nang lumabas siya bilang si Papa Chen sa Binondo Girl na sinundan ng Walang Hanggan, Be Careful with My Heart, Wansapanataym: Mr. Kung Fu Chinito, Nasaan Ka Nang Kailangan Kita, FPJ’s Ang Probinsyano, Super D, Sana Dalawa Ang Puso, Kadenang Ginto at iba pang TV guestings

Hayan, klaro, may basbas ng ABS-CBN si Papa Chen sa guesting niya sa Eat… Bulaga!.