Vendor, arestado sa buy-bust

@Balitang Probinsiya | March 8, 2021

NUEVA ECIJA—Isang vendor ang nadakip sa isinagawang buy-bust operation kamakalawa sa Bgy. Sta. Arcadia, Cabanatuan City.

Ang suspek ay kinilala ng pulisya na si Severino Lopez, 40-anyos, fish vendor at residente sa nabanggit na barangay.

Nabatid na naaresto si Lopez sa isinagawang buy-bust operation sa nasabing lugar.

Napag-alamang nakakumpiska ang mga awtoridad ng 10 sachets ng shabu at markadong pera sa pag-iingat ng suspek.

Nakapiit na si Lopez na nahaharap sa kasong paglabag sa Comprehensive Dangerous Drugs Act of 2002.