BULGAR
Jul 11, 2020
ni VA - @Sports | July 11, 2020
Pumirma si Greg Slaughter sa pinakamalaking basketball agency sa buong mundo na BeoBasket.
Inihayag ni Slaughter ang kanyang paglagda sa BeoBasket sa kanyang social media accounts kahapon.
Ang BeoBasket ay pag-aari ng Serbian lawyer at agent na si Misko Raznatovic, na siya ring team owner ng koponang Mega Basket sa Serbian league. "I am very happy to announce that I've signed with @mizko4raznatovic,owner of BeoBasket, the biggest basketball agency in the world," pahayag ni Slaughter sa kanyang post.
Si Raznatovic rin ang tumatayong ahente para sa ilang mga NBA at Euroleague players, gaya nina Nikola Jokic, Boban Marjanovic at Cedi Osman.
Ang ilan sa mga kliyente ni Raznatovislc ay naglaro sa nakaraang taong FIBA Basketball World Cup at target niyang sumunod sa mga ito tatlong taon mula ngayon. "They represented the most number of players competing in the 2019 World Cup and I look forward to adding to that in 2023," wika pa ni Slaughter.