Rider na lolo, nilikida ng riding-in-tandem

@Balitang Probinsiya | March 2, 2021

CAGAYAN—Isang rider na lolo ang namatay nang barilin ng riding-in-tandem kamakalawa sa national highway ng Bgy. Barancuag, Tuao.

Ang biktimang nagtamo ng mga tama ng bala sa katawan ay kinilala ng pulisya na si Nestor Daracan, 62-anyos, residente sa naturang lalawigan.

Ayon sa ulat, habang lulan ng kanyang motorsiklo si Daracan ay dinikitan ito ng dalawang hindi kilalang lalaki na nakasakay din sa motorsiklo at agad pinagbabaril ang biktima.

Mabilis na tumakas ang mga suspek matapos ang pamamaril sa biktima.

Patuloy pa ang imbestigasyon ng pulisya para mabatid ang motibo sa naganap na krimen.