Pagsasalita sa loob ng tren ng LRT1, bawal na!

ni Ronalyn Seminiano Reonico | July 10, 2020

Ipinagbabawal na ang pagsasalita sa loob ng tren ng Light Rail Transit Line 1 (LRT1), ayon sa Light Rail Manila Corp. (LRMC) upang maiwasan ang pagkalat ng sakit ng COVID-19.

Saad ni LRMC Corporate Communications Head Jacqueline Gorospe, "Knowing 'yung Covid-19, nata-transmit siya through droplets, another layer of protection is if walang nagsasalita, walang lalabas na droplets.

"We remind our passengers na kailangan po i-postpone muna 'yung call. Or if they need to talk, kailangan nakasuot ang mask.”

Ayon pa kay Gorospe, mag-iinspeksiyon ang mga marshalls at LRT personnel sa loob ng tren upang masiguradong sumusunod ang mga pasahero sa panibagong protocol.

Mababasa rin sa Twitter account ng LRMC ang: “PASSENGER REMINDER: TALKING IS NOT ALLOWED ON THE TRAIN

“Respiratory droplets ang isa sa mga karaniwang sanhi ng pagkalat ng COVID-19. Huwag makipag-usap sa katabing pasahero sa loob ng #LRT1. Ugaliin ang pagsusuot ng face mask at paggamit ng alcohol o sanitizer.”