BULGAR
Oct 28, 2020
@Balitang Probinsiya | October 28, 2020
CEBU CITY—Isa sa tatlong pugante ang napatay nang manlaban sa pulisya kamakalawa sa Bgy. Luz.
Kinilala ang napatay na suspek na si Roberto Ludong, takas na bilanggo sa detention cell ng Mabolo Police Station sa naturang lungsod.
Nabatid na si Ludong, kasama ang dalawa pang pugante na sina Oliver Basak at Nico Baylosis na may iba’t ibang kaso ay tumakas sa pamamagitan ng pagputol sa rehas ng detention cell ng pulisya.
Kaagad nagsagawa ng manhunt operation ang pulisya at naaresto si Basak, pero si Ludong ay nanlaban kaya napatay ng mga awtoridad.
Pinaghahanap pa ngayon ng mga awtoridad si Baylosis.