Lider ng transport group na si Efren De Luna, inatake, pumanaw na

ni Ronalyn Seminiano Reonico | February 27, 2021

Pumanaw na ang transport group leader na si Efren De Luna noong Biyernes nang umaga dahil sa atake sa puso sa edad na 67.

Ayon sa kapatid ni De Luna na si Consuela De Luna, patay na siya nang makita ng kanilang 87-anyos na ina sa kuwarto nito.

Aniya, "Inatake po siya sa puso noong Friday nang madaling-araw."

Dinala pa umano si De Luna sa ospital ngunit bigo nang i-revive ng mga doktor.

Nakaburol ang mga labi ni De Luna sa Samson Funeral Homes, Bacoor, Cavite.

Si De Luna ay ang president ng Alliance of Concerned Transport Organizations.