Kelot, dinedbol ng kapitbahay

@Balitang Probinsiya | October 1, 2020

ALBAY—Isang lalaki ang namatay nang saksakin ng kanyang kapitbahay kamakalawa sa Bgy. 50-Padang, Legazpi City.

Kinilala ang biktima na nagtamo ng mga tama ng saksak sa katawan na si Jose Bermudo, samantalang ang suspek ay si Roy Balinsayo, kapwa residente sa naturang barangay.

Batay sa imbestigasyon, nagkaroon ng pagtatalo sina Bermudo at Balinsayo na humantong sa pananaksak ng suspek sa biktima.

Kaagad dinala ng mga saksi sa ospital si Bermudo sa ospital, pero idineklara itong dead-on-arrival.

Sa follow-up operations ay agad nadakip ng pulisya si Balinsayo na sinampahan na ng kasong murder.