KC, UMAMING MAS CLOSE SA MGA KAPATID KAY GABBY KESA SA IBANG ANAK NI SHARON

ni Nitz Miralles - @Bida | November 27, 2020

Nabasa namin ang interview ni Ricky Lo kay KC Concepcion sa Philippine Star at natanong ang aktres tungkol sa kanyang mga half-sisters na sina Garie (anak ni Gabby Concepcion kay Grace Ibuna) at Cloie (anak ni Gabby sa ex-wife niyang si Jenny Syquia).

“I’m closer to them than I am to my other siblings (mga anak ng mom niyang si Sharon Cuneta at Sen. Kiko Pangilinan). We regularly check on each other.”

 Ayan, inamin ni KC na mas close siya sa mga kapatid niya kay Gabby, pero may paliwanag siya rito.

“To be honest, siyempre, it’s a little bit different kasi the children (mom’s side) are, well, malaki ang agwat namin sa isa’t isa... 16 years between Frankie and me, and almost 20 years between Miel and me, and almost 24 years between Miguel and me. So it takes a bit of adjustment. I lived with them for only six years after my mother remarried my stepfather, then I left the house and went abroad (Paris) to study. My sisters and I do video calls but since they are younger than me, hindi ko pa rin magamay kung paano makipag-bonding sa kanila.”

Walang negative sa sinabi ni KC at inilatag lang nito na factor ang age gap nila ng mga kapatid kay Sharon kung bakit hindi sila masyadong close.