BULGAR
Aug 19, 2020
ni Thea Janica Teh | August 20, 2020
Pinaplano na ng Taiwan na i-ban ang mga kilalang streaming giant sa China tulad ng iQiyi at Tencent Holdings dahil umano sa politika.
Iaanunsiyo sa September 3 ang pormal na ordinansa rito kung saan nagbabawal sa
paggamit sa mga video streaming companies ayon sa Minsitry of Economic Affairs.
Dagdag pa nito, makatutulong din umano ito para mapatigil ang mga ilegal na agent at distributor sa bansa.
Ang iQiyi ay isang Netflix-like platform ng Chinese search giant na Baidu. Hindi umano
tinanggap ng awtoridad ang aplikasyon sa online streaming dahil wala ito sa listahan ng
may permit na maaring mag-operate sa Taiwan.
Ito umano ay lumabag sa Act Governing Relations between the people of Taiwan Area and Mainland Area, kung saan maaari lamang mag-invest ang mga Chinese companies kung ito ay nakasama sa goods at services.
Ngunit, nakapasok pa rin ito sa bansang Taiwan dahil sa local broadcaster at distributor
para maibenta at ma-promote ang video streaming. Kaya naman umabot sa 6 milyon ang subscribers mula sa Taiwan, ayon sa Taipei Times. Ito rin ay may partnership sa OTT
Entertainment para ma-promote at mabili ang service sa loob ng bansa.
Sinabi naman ni Cabinet spokeswoman Kolas Yotaka noong April na pinayagan ang Chinese online streaming service upang magkaroon ng alyansa sa local companies bilang “breach of democracy”.
Samantala, walang ibinhaging komento ang Tencent tungkol dito. Nagsalita naman ang
iQiyi representative tungkol sa post ng OTT Entertainment at tumangging magsalita
tungkol sa final legislation ngunit sinabi na ito ay “fully committed to protecting the rights and interests of its users”.