Bon Jovi nagpositibo sa COVID-19

ni Jasmin Joy Evangelista | November 1, 2021

Nagpositibo ang rock singer na si Bon Jovi sa COVID-19.

Dahil dito ay kinailangan niyang ikansela ang kanyang concert ilang oras bago ganapin sa Miami Beach.

Ayon sa kanyang publicist na si Kristen Foster, “Bon Jovi is fully vaccinated and feeling fine.”

Bago ang inaabangang concert ay isinailalim sa Covid testing ang mga taong parte nito at doon nga nagpositibo ang singer.

Nakaabang na umano ang mga manonood sa Loews South Beach para sa 'Runaway with JBJ' event - na magpi-feature sana ng acoustic storyteller performance, Q&A at photo-op sa 'Always' singer, at Halloween costume welcome party - bago na-inform ang mga ito na hindi makakapag-perform si Bon Jovi.

Hindi na rin nag-perform ang grupong makakasama sana nito.