Barangay treasurer, tepok sa ratrat

@Balitang Probinsiya | January 18, 2022

ABRA–Patay ang isang barangay treasuret nang pagbabarilin ng mga hindi kilalang armadong lalaki kamakalawa sa Lagangilang.

Kinilala ng pulisya ang biktimang nagtamo ng mga tama ng bala sa katawan na si Fidel Lalugan, treasurer ng Bgy. Lan-ag, Lacub sa nasabing lalawigan.

Ayon sa ulat, lulan si Lalugan ng tricycle nang sumulpot ang mga suspek at agad pinagbabaril ang biktima.

Mabilis na tumakas ang mga suspek matapos tiyaking patay na ang biktima.

Patuloy pa ang imbestigasyon ng pulisya sa motibo ng mga suspek sa pagpatay sa biktima.